Rut Wolo Lɛ 1 - Ṅmãle̱ Kroṅkroṅ Le̱

¹ Ni kodšolo̱i le̱ ayino̱ le̱ eba mli ake̱ hõmo̱ ba šikpoṅ le̱ no̱. Ni nū ko dše̱ Betlehem-Iuda ni eyiṅ ete eyato gbo̱ ye̱ Moab šikpoṅ le̱ no̱, le̱ ke̱ eṅã ke̱ ebihĩĩ enyo̱.

² Ni nū le̱ gbe̱i dši Elimelek, ni eṅã le̱ gbe̱i dši Naomi, ni ebihĩĩ enyo̱ le̱ hũ agbe̱ii dši Malon ke̱ Kilion; Efratbii dši-ame̱ ni ame̱dše̱ Betlehem-Iuda. Ni ame̱te Moab šikpoṅ le̱ no̱, ni ame̱yahĩ dše̱i.

³ Ni Elimelek, Naomi wù le̱, gbo, ni ebaſe̱ le̱ ke̱ ebihĩĩ enyo̱ le̱.

⁴ Ni ame̱w̌e̱ Moab yei: mokome gbe̱i dši Orpa ni mokome hũ gbe̱i dši Rut. Ni ame̱hĩ dše̱i aafe afii nyoṅma.

⁵ Ni fe ee̱ le̱ Malon ke̱ Kilion hù gboi, ni ebaſe̱ yō le̱ ke̱ke̱ ye̱ ebihĩĩ enyo̱ le̱ ke̱ ewù le̱ se̱.

⁶ Ke̱ke̱ ni eke̱ ešāyei le̱ yiṅ, ni ekũ ese̱ ke̱-dše̱ Moab šikpoṅ le̱ no̱; edšake̱ enu ye̱ Moab šikpoṅ le̱ no̱ ake̱ Iehowa ebasra emaṅ le̱, ni ehãame̱ niyenii.

⁷ Ni eyiṅ ke̱-dše̱ heni eyo̱ le̱, ni ešāyei enyo̱ le̱ fata ehe. Ni beni ame̱yi gbe̱ koni ame̱kũ ame̱se̱ ke̱-ba Iuda šikpoṅ le̱ no̱ le̱,

⁸ Naomi kē̱ ešāyei enyo̱ le̱ ake̱: Nyekūa nyese̱ nyeyaā, nyeteṅ mofẽmo aya enye we; Iehowa afenye edšũrõ, take̱ bo̱ni nyefe gbohĩĩ le̱ ke̱ mi edšũrõ le̱!

⁹ Iehowa ahí nyeteṅ mofẽmo aná *heko atá ye̱ ewù we le̱! Ni eſo̱ſō̱ ame̱nã. Ke̱ke̱ ni ame̱bole ame̱gbēi ano̱ ni ame̱fó. *3,1.

¹⁰ Ni ame̱kē̱le̱ ake̱: Dabi, ši wo̱ke̱o aate omaṅbii le̱ aṅõ!

¹¹ Ni Naomi kē̱: Nyekũa nyese̱, mibii! Mẽba nyeke̱mi aate? Ani bihĩĩ ye̱ mimũsũṅ lolo, ni ame̱batšṍmo̱ nyewùmei?

¹² Mibii, nyekũa nyese̱ nyeyaä! edšake̱ migbo̱ tšṍ bo̱ni mayagbã. Ke̱ mikē̱ tete ake̱ miye̱ hĩeno̱kãmo̱, ni mayagbã nū ko nyō ne̱ṅ, ni mafo̱ bihĩĩ tete le̱,

¹³ aso no hewo̱ ni nyeamẽ ke̱-yaši beyino̱ ni ame̱adàra? Alo no hewo̱ ni nyeatšĩ nyehe nā ni nyegbãṅ? Dabi, mibii! Edšake̱ nyesane mīdo̱mi naakpa; edšake̱ *Iehowa nine ke̱mi eye! *Hiob 19,21.

¹⁴ Ni ame̱hole ame̱gbēi ano̱ ni ame̱dſa yāfó ekoṅ. Ni Orpa ſo̱ ešāyō le̱ nā; ši Rut le̱, le̱ le̱ ekpe̱te̱ ehe.

¹⁵ Ni ekē̱: Na, obienye le̱ ekũ ese̱ ete emaṅ ke̱ enyoṅmo̱ le̱ ṅõ; kũ ose̱ ni otiu obienye le̱!

¹⁶ Ši Rut kē̱: Kāhĩemi dō ake̱ mišĩo ni mikũ mise̱ ni mifõ ose̱ nyiemo̱! *Ši hefẽhe ni oyaä le̱, mate; ni heni oyahĩ le̱, dše̱i mayahĩ. Omaṅ dši mimaṅ, ni o-Nyoṅmo̱ dši mi hũ mi-Nyoṅmo̱. *2 Sam. 15,21.

¹⁷ Heni oogbo ye̱ le̱, dše̱i magbo ye̱, ni dše̱i noṅṅ aafũmi ye̱; Iehowa ke̱mi aye ni eke̱mi aye ekoṅ, ke̱-dšee gbèle ke̱ke̱ aagblami ke̱ oteṅ fĩ!

¹⁸ Ni beni ena ake̱ eṅmõ eyiṅ kpo̱ ake̱ eke̱le̱ aate le̱, efõle̱ ke̱ wiemo̱.

¹⁹ Ni ame̱yi enyo̱ le̱ ame̱ṅõ-ſie no̱ ke̱-yaši beyino̱ ni ame̱še̱ Betlehem. Ni eba mli ake̱, heni ame̱še̱ Betlehem le̱, maṅ le̱ fẽ bú ye̱ ame̱hewo̱, ni ame̱kē̱: Naomi pam ne̱?

²⁰ Ni ekē̱ame̱ ake̱: Nyekatšé̱ami Naomi doṅṅ, moṅ nyetšé̱ami *Mara; edšake̱ Ofe le̱ ke̱mi eye sane ke̱ dšōmo̱ tšṍ! *2 Mose 15,23.

²¹ Mite obõ, ši Iehowa ke̱mi ekũ se̱ ke̱-ba eflo; mẽhewo̱ ni nyetšé̱o̱mi Naomi, mi ni Iehowa ke̱mi eye, ni Ofe le̱ eſiſiami ši le̱?

²² Bo̱ni Naomi ke̱ ešāyō Rut, Moabyō le̱, kũ ame̱se̱ ke̱-dše̱ Moab šikpoṅ le̱ no̱ ke̱-ba ne̱; ni beni ame̱ba Betlehem le̱, abõi akoko fō.