Romabii 9 - Ṅmãle̱ Kroṅkroṅ Le̱

¹ Ano̱kwale miwieo̱ ye̱ Kristo mli, mimalee, ni mihenilē hũ yeo̱mi odase ye̱ Mumo̱ kroṅkroṅ le̱ mli,

² ake̱ miye ṅko̱mo̱ babaō ni mitšui yeo̱ dā.

³ Edšake̱ *miná ní kũle̱ adšiemi ye̱ Kristo he ake̱ musumo ye̱ minyemimei ní dši miwekumei ye̱ helo gbe̱fãṅ le̱ anãdšiaṅ, *2 Mose 32,32.

⁴ mei ní dši Israelbii le̱, ní ame̱nõ dši *biiatšṍmo̱ le̱ ke̱ anumnyam le̱ ke̱ kpãṅmo̱i le̱ ke̱ mlahãmo̱ le̱ ke̱ dšámo̱ le̱ ke̱ šiwōi le̱, *2 Mose 4,22. 5 Mose 7,6; 14,1.

⁵ mei anõ ní dši tše̱mei le̱, mei amli hũ ni Kristo tete *dše̱ ye̱ helo gbe̱fãṅ le̱, le̱ moni dši nii fiā ne̱ †Nyoṅmo̱ ní adšō̱o̱le̱ ke̱-yašio̱ nāno̱ le̱. Amen. *Mat 1. Luk 3,23-34. †Ioh. 1,1.

⁶ Ši dšee ake̱ *Nyoṅmo̱ wiemo̱ le̱ efe yaka. Edšake̱ †dšee mei ní dše̱ Israel mli le̱ fẽ dši Israel; *4 Mose 23,19. †Rom. 2,28.

⁷ ni asaṅ dšee ake̱-ní Abraham sešibii dšiame̱ hewo le̱ bii dšiame̱ fẽ, ši moṅ “mei ni dše̱ *Isak mli le̱ aatšé̱ame̱ osešibii.” *1 Mose 21,12.

⁸ No dši ake̱, dšee helo na bii le̱ dši Nyoṅmo̱ bii, ši *šiwō nā bii le̱ moṅ abuo̱ ake̱ sešibii. *Gal. 4,26.

⁹ Edšake̱ šiwō wiemo̱ le̱ *ne̱: “Bie̱ afi nākplo̱ le̱ maba, ní Sara aaná binū.” *1 Mose 18,10.

¹⁰ Ši dšee ene̱ ke̱ke̱, ši moṅ wo̱tše̱ Isak kome le̱ noṅṅ Rebeka ke̱-ná mũsũ; 1 Mose 25,21.

¹¹ ši beni anáko afo̱ bii le̱ ni ame̱sā ame̱tšuko nōkpakpa ko alo nõfõṅ ko le̱, beni afe ni Nyoṅmo̱ yiṅ ní eto ye̱ halamo̱ nā le̱ amā ši,

¹² ní ekadše̱ nitšumo̱i amli, ši moṅ adše̱ moni tšé̱o̱ mo le̱, *akē̱le̱ ake̱; “Onu-kpa le̱ aasúmo̱ gbekẽ le̱.” *1 Mose 25,28.

¹³ Take̱ bo̱ni aṅmã ake̱: “Iakob le̱, misumole̱, ši Esau le̱, minye̱le̱” le̱. Mal. 1,2. 3.

¹⁴ Bĕle̱ té wo̱e̱kē̱ tēṅ? Ani Nyoṅmo̱ yeo̱ sane ko ní edšaa? Dabida! 5 Mose 32,4.

¹⁵ Edšake̱ *akē̱ Mose ake̱: “Moni minaäle̱ mo̱bo̱ le̱, le̱ noṅṅ mo̱be̱ mibana, ni moni mimũsũṅ tšṍo̱mi hãale̱ le̱, le̱ noṅṅ mimũsũṅ aatšṍmi ahã.” *2 Mose 33,19.

¹⁶ Nohewo̱ le̱ agbe̱ne̱ dšee moni sumoo̱ alo moni hĩeo̱ foi le̱ sane ni; ši moṅ Nyoṅmo̱ ní naä mo̱bo̱ le̱ sane ni. Ef. 2,8.

¹⁷ Edšake̱ ṅmãle̱ le̱ *kē̱ Farao ake̱: “Ene̱ noṅṅ hewo̱ miteo ši, koni madšie mihewale̱ kpo matšõ ye̱ ono̱, koni atšĩ migbe̱i tã ye̱ šikpoṅ le̱ fẽ no̱.” *2 Mose 9,16.

¹⁸ Bĕle̱ nohewo̱ le̱ moni esumoo̱ le̱, enaäle̱ mo̱bo̱; ni moni esumoo̱ hũ, *ewadšeo̱ etšui. *2 Mose 4,21.

¹⁹ Ši agbe̱ne̱ obakē̱mi ake̱: Bĕle̱ mẽba eſaä mo mo̱? Edšake̱ namo aanyẽ eyiṅtō nā akũ?

²⁰ Ši namo dšio, bo gbomo, ni oke̱ Nyoṅmo̱ kaneo̱? Ani šō̃nõ le̱ aakē̱ moni šõle̱ le̱ ake̱: Mẽba ošõmi ne̱ke̱? Ies. 45,9.

²¹ Alo gbe̱šōlo̱ be̱ hegbe̱ ye̱ sũ le̱ ne̱, ake̱ eke̱ sũ ní akpo̱to̱ kome le̱ noṅṅ eko aašõ nõ ko ní hĩe yo̱ nyam, ni eke̱ eko hũ aašõ nō ko ní hĩe be̱ nyam?

²² Ši ké̱ Nyoṅmo̱ mīsumo̱ ake̱ edšie emlifũ kpo etšõ ni ehã ale ehe ní wa le̱, ni kẽle̱ *eṅmẽo̱ eyi ši babaō ehĩeo̱ mlifũ nii ní sa fitemo̱ le̱; 2,4.

²³ ni asaṅ ké̱ *ehãa aleo̱ enumnyam fále̱ le̱ hũ ye̱ emo̱bo̱nale̱ nii ní †asā ato ahã anumnyam le̱ ano̱ le̱, meni obakē̱? *Ef. 1,3-12. †Rom. 8,29.

²⁴ Ši nakai etšé̱wo̱ hũ, dšee mei ní dše̱ Iudafoi ateṅ le̱ ke̱ke̱, ši mei ní dše̱ dšeṅmãdši ateṅ le̱ hũ.

²⁵ Tamo̱ bo̱ni ekē̱ ye̱ *Hošea wolo le̱ mli ake̱: “Matšé̱ moni dšee mĩmaṅ le̱ ake̱ mimaṅ, ke̱ moni asumo̱o̱le̱ le̱ ake̱ moni asumoo̱le̱.” *Hos. 2,25.

²⁶ *“Ni aaba mli ake̱, heni akē̱ame̱ ye̱ ake̱: Dšee mimaṅ dšinye le̱, dše̱i noṅṅ aatšé̱ame̱ Nyoṅmo̱ hĩekãlo̱ le̱ bii ye̱.” *Hos. 2,1.

²⁷ Ši Iesaia bo ye̱ Israel hewo̱ ake̱: *“Ké̱ Israelbii le̱ ayibo̱ tamo̱ ṅšo̱nā šia le̱, mei ní †eſe̱ le̱ yiwala aahere. *Ies. 10,22. 23. †Rom. 11,5.

²⁸ Edšake̱ eegbe ewiemo̱ le̱ nā ni eefole̱ kuku ye̱ dšale̱ mli, edšake̱ sane ní afole̱ kuku Nuṅtšo̱ le̱ aaye ye̱ šikpoṅ le̱ no̱.”

²⁹ Ni take̱ bo̱ni *Iesaia ekē̱ eto momo le̱ ake̱: “Efe ake̱ tai a-Nuṅtšo̱ le̱ eſe̱e̱ seši ko ehããwo̱ kũle̱, wo̱tamo̱ Sodoma, ni wo̱tšṍmo̱ tamo̱ Gomora pe̱.” *Ies 1,9.

³⁰ Bĕle̱ té wo̱o̱kē̱ tẽṅ? Ake̱ *dšeṅmãdšiaṅbii ni edii dšale̱ se̱ le̱ ená dšale̱, ni dši dšale̱ ní dše̱ hemo̱-ke̱-yeli mli le̱; *10,20.

³¹ ši Israel moṅ, ni dio̱ dšale̱ mla se̱ le̱, enine še̱e̱ dšale̱ mla no̱. 10,2. 3.

³² Mẽhewo̱ ni? Edšake̱ ame̱tšṍṍ hemo̱-ke̱-yeli no̱ ame̱taoo, ši moṅ tamo̱ mei ni tšṍo̱ nitšumo̱i ano̱ taoo̱. Edšake̱ ame̱tĕre̱ te̱mo̱te̱ le̱;

³³ take̱ bo̱ni *aṅmã ake̱: “Na, mike̱ te̱mo̱te̱ ke̱ nanetõtõmo̱-te̱sā ko mīmã ši ye̱ Zion, ni mofẽmo ní heo̱ eno̱ yeo̱ le̱ eble gboṅ.” *Ies. 3,14; 28,16. Mat 21,42. 44.