Romabii 6 - Ṅmãle̱ Kroṅkroṅ Le̱

¹ Bĕle̱ té wo̱o̱kē̱ tẽṅ? Aso wo̱hĩ eša le̱ mli, koni dromo̱ le̱ afá? 3,5-8.

² Dabida! Wo̱ ní wo̱gboi wo̱hã eša le̱, té aafe tēṅ ní wo̱hĩe aakãmo̱ ye̱ emli loloṅ?

³ Alo nyelee ake̱ wo̱teṅ mei abo̱ ní abaptisiwo̱ awo Kristo Iesu mli le̱, egbĕle le̱ mli abaptisiwo̱ awo? Gal. 3,27.

⁴ Nohewo̱ le̱ ake̱ baptisĩmo̱ ní abaptisiwo̱ awo egbĕle le̱ mli le̱ efũwo̱ ke̱le̱ fẽ, koni take̱ bo̱ni atē Kristo ši ke̱-dše̱ gbohĩĩ ateṅ ye̱ tše̱ le̱ anumnyam nā le̱, nakai noṅṅ kẽ wo̱ hũ wo̱nyie ye̱ wala ni etšṍ ehē mli. 1 Pet. 3,21. Kol. 2,12.

⁵ Edšake̱ ke̱dši wo̱ke̱le̱ efe ekome ye̱ egbĕle le̱ heno̱ le̱ mli le̱, no le̱ wo̱-ke̱le̱ aafe ekome ye̱ ešitē le̱ nõ le̱ mli hũ; Fil. 3,10. 11.

⁶ ake̱ noni wo̱le ene̱, ake̱ ase̱ṅ wo̱gbomo momo le̱ afata ehe, koni eša gbomotšo le̱ hĩe akpãtã ní wo̱kasúme̱ eša le̱ doṅṅ le̱. Gal. 5,24.

⁷ Edšake̱ moni egbo le̱, abule̱ bem ke̱-dše̱ eša le̱ mli.

⁸ Ši ké̱ *wo̱ke̱ Kristo gbo le̱, wo̱heo̱ wo̱yeo̱ ake̱ wo̱ke̱le̱ aaná wala hũ, *K. 4.

⁹ edšake̱ wo̱le ake̱, ní ate Kristo ši ke̱-dše̱ gbohĩĩ ateṅ ne̱, egboṅ doṅṅ; gbĕle yeṅ eno̱ nuṅtšo̱ doṅṅ.

¹⁰ Edšake̱ ní egbo le̱, eša egbo ehã *šikome pe̱: ši ní ehīe kă ne̱, Nyoṅmo̱ ehĩe kã hã. *Heb. 9,26-28.

¹¹ Nakai nye hũ nyebua nyehe ake̱ mei ní egboi ehã eša, ni ame̱hĩe kãmo̱ hã Nyoṅmo̱ ye̱ Iesu Kristo, wo̱-Nuṅtšo̱ le̱, mli. 2 Kor. 5,16. 1 Pet. 2,24.

¹² Nohewo̱ le̱ nyekahãa eša mīyea nyegbomotšo ní bagbo le̱ no̱ maṅtše̱, ní nyebole̱ toi ye̱ eko̱no̱i le̱ amli; 1 Mose 4,7.

¹³ ni asaṅ nyekaṅõa nyehenii le̱ nyehãa eša ake̱ nišaianii le̱ atawūnii; ši moṅ nyeṅōa nyehe nyehãa Nyoṅmo̱ ake̱ mei ní hĩe etšẽ ke̱-dše̱ gbohĩĩ ateṅ, ni nyeke̱ nyehenii le̱ afea dšale̱ tawūnii nyehãa Nyoṅmo̱. 12,1.

¹⁴ Edšake̱ eša náṅ nyeno̱ hewale̱, edšake̱ dšee mla šiši nyeyo̱, ši moṅ dromo̱ šiši nyeyo̱. 1 Ioh. 3,6.

¹⁵ Bĕle̱ té tēṅ? Aso wo̱fe eša ake̱-ní wo̱be̱ mla šiši ši *dromo̱ moṅ šiši wo̱yo̱ le̱? Dabida! *5,17. 21.

¹⁶ Ani nyelee ake̱, moni nyeṅõo̱ nyehe nyefeo̱ tšũdši nyehãa ní nyeboo̱le̱ toi le̱, le̱ noṅṅ etšũdši dšinye ni nyeboo̱le̱ toi, eša nõ ní ke̱ mo yaä gbĕle mli le̱ dsio, alo toibō ni ke̱ mo yaä dšale̱ mli le̱ dsio? Ioh 3,34.

¹⁷ Ši šidã ahã Nyoṅmo̱, ake̱ kũle̱ sa le̱ eša tšũdši dšinye, ši agbe̱ne̱ nyedše̱ nyetšuii fiā mli nyebo ne̱ke̱ tšõmo̱ ní aṅõnye awo mli le̱ toi.

¹⁸ Ši noni akpõnye ye̱ eša deṅ ni nyeye nyehe le̱, nyetšṍme̱ dšale̱ tšũdši. Ioh. 8,32.

¹⁹ Bo̱ni gbomo wieo̱ miwieo̱ ne̱ ye̱ nyehelo gbedemo̱ hewo̱: edšake̱ take̱ bo̱ni nyeṅõ nyehenii le̱ nyefe nyãṅemo̱nii ke̱ mlatõmo̱ tšũdši ke̱-te mlatõmo̱ mli le̱, nakai noṅṅ kẽ agbe̱ne̱ nyeke̱ nyehenii le̱ afea dšale̱ tšũdši ke̱-yaä kroṅkroṅ-femo̱ mli.

²⁰ Edšake̱ beni nyedši eša tšũdši le̱, nyeye nyehe ke̱-dše̱ dšale̱ le̱ deṅ.

²¹ Bĕle̱ mẽ yibii nyewo ye̱ nakai be le̱ mli? Yibii ní *nyehĩe egboi ye̱ he agbe̱ne̱; edšake̱ nomei anāgbē dši †gbĕle. *Ezek. 15,61-63. †Rom. 8,6. 13.

²² Ši agbe̱ne̱ le̱, ni akpõnye ye̱ eša deṅ ni nyetšṍmo̱ Nyoṅmo̱ tšũdši ne̱, nyewoo̱ nyeyibii nyehãa kroṅkroṅfemo̱, ni *enũgbē dši nāno̱ wala. *1 Pet. 1,9.

²³ Edšake̱ eša deṅ nyōmo̱wo le̱ gbĕle ni; ši Nyoṅmo̱ dromo̱-kēnõ le̱ nāno̱ walaṅ ye̱ Kristo Iesu, wo̱-Nuṅtšo̱ le̱, mli. 5,12.