Romabii 5 - Ṅmãle̱ Kroṅkroṅ Le̱

¹ Agbe̱ne̱, ake̱ noni atšṍ hemo̱-ke̱-yeli no̱ *abuwo̱ bem hewo̱ le̱, wo̱ ke̱ Nyoṅmo̱ teṅ ye̱ †hedšo̱le̱ ye̱ wo̱-Nuṅtšo̱ Iesu Kristo hewo̱, *3,24. 28; 4.25. †Ies. 53,5.

² le̱ eno̱ wo̱tšṍ ni wo̱ke̱ hemo̱-ke̱-yeli le̱ éná *gbe̱ hũ ke̱-ba dromo̱ ni wo̱damo̱ mli ne̱ mli, ni wo̱ſãa wo̱fõo̱ Nyoṅmo̱ anumnyam le̱ ni wo̱hĩe kã no̱ le̱ no. *Ef. 3,12.

³ Ši dšee no ke̱ke̱, ši moṅ *wo̱ſãa ye̱ amanehũlũi amli hũ, edšake̱ wo̱le ake̱ amanehūlũ le̱ tšé̱o̱ tšuišiṅmē̃ ke̱-baä, *Iak. 1,2. 3.

⁴ ni tšuišiṅmē̃ le̱ hũ tšé̱o niiaši-kpamo̱ ke̱-baä; ni niiašikpamo̱ le̱ tšé̱o̱ no̱hĩekãmo̱ ke̱-baä;

⁵ ni *no̱hĩekãmo̱ le̱ woo mo hĩe-gbĕle; edšake̱ atšṍ Mumo̱ kroṅkroṅ ní aṅõ-hãwe̱ le̱ no̱ afo̱se Nyoṅmo̱ suomo̱ awo wo̱tšuii amli. *Heb. 6,18. 19.

⁶ Edšake̱ be mli ní wo̱he waale̱ bẽbe Kristo bagbo ye̱ be ní sa mli ehã mei ni efee Nyoṅmo̱ šiši nii le̱.

⁷ Edšake̱ ekpakpa aafe dãni moko aagbo ahã dšalo̱ ko; ši nõkpakpa ko hewo̱ le̱, ekole̱ moko aaši etšitši ake̱ eegbo.

⁸ Ši Nyoṅmo̱ dšieo̱ le̱dientše̱ esuomo̱ ní eke̱-sumo̱wo̱ le̱ ši etšõe̱, ake̱ be mli ní wo̱dši ešafelo̱i le̱ bēbe ni Kristo bagbo ye̱ wo̱nãdšiaṅ. Ioh. 3,16. 1 Ioh. 4,10.

⁹ Nohewo̱ le̱ agbe̱ne̱, ní abuwo̱ bem ye̱ elá le̱ hewo̱ le̱, aatšṍ eno̱ ahere wo̱yiwala ke̱-dše̱ *mlifũ le̱ mli āhũ. *1,18; 2,5. 8.

¹⁰ Edšake̱ ké̱ be mli ní we̱dši *henye̱lo̱i le̱ ni ake̱ Nyoṅmo̱ bi le̱ gbĕle le̱ bakpãtã wo̱ke̱ Nyoṅmo̱ teṅ le̱, agbene̱ ni akpãtã ne̱, aahere wo̱yiwala ye̱ ewala le̱ mli āhũ. *8,7.

¹¹ Ši dšee no ke̱ke̱, ši moṅ wo̱ſãa wo̱fṍo̱ Nyoṅmo̱ no̱ hũ ye̱ we̱-Nuṅtšo̱ Iesu Kristo hewo̱, mo no̱ ní wo̱tšṍ ni ágbe̱ne̱ wo̱ná kpãtãmo̱ le̱.

¹² Ene̱hewo̱ le̱, take̱ bo̱ni gbomo kome no̱ eša tšṍ ke̱-ba dše le̱ṅ, ni gbĕle tšṍ eša no̱ ke̱-ba, ni no hã gbĕle le̱ tšēṅe gbomei fẽ, edšake̱ ame̱fẽ ame̱fe eša le̱: — 1 Mose 2,17; 3,19. Rom 6,28.

¹³ edšake̱ eša ye̱ dšeṅ dãni ahã mla le̱; ši ake̱-ní *mla be̱ hewo̱ le̱, abuu eša le̱; *4,15.

¹⁴ ši kẽle̱ gbĕle le̱ ye maṅtše̱ ke̱-dše̱ Adam yino̱ ke̱-baši Mose yino̱ ye̱ mei po ní efee eša ni tamo̱ *Adam ní dši moni baba le̱ he okadi le̱ no̱tõmo̱ le̱ ane̱ hũ.

¹⁵ Ši bo̱ni šigbēmo̱ le̱ yo̱ le̱, dšee nakai dromo̱ kēnõ le̱ hũ ye̱. Edšake̱, ké̱ mokome le̱ šigbēmo̱ le̱ hewo̱ ni mei pī le̱ gboi le̱, Nyoṅmo̱ dromo̱ le̱ ke̱ nõkēnõ ni tšṍ gbomo kome ní dši Iesu Kristo le̱ dromo̱ no̱ ba le̱ fá ke̱-teke no̱ babaō hã mei pī le̱ āhũ fè no.

¹⁶ Ni bo̱ni etšṍ mokome ní fe eša le̱ no̱ ke̱-ba le̱, dšee nakai nõkēnõ le̱ yo̱: edšake̱ kodšomo̱ le̱ dše̱ mokome mli etšṍ fo̱bū; ši dromo̱ kēnõ le̱ dše̱ šigbēmo̱i pī amli etšṍ bembū.

¹⁷ Edšake̱ ke̱ mokome šigbēmo̱ le̱ hewo̱ dše̱ ni gbĕle tšṍ nakai mokome le̱ no̱ ye maṅtše̱ le̱; bĕle̱ mei ní ená dromo̱ ke̱ dšale̱ nõkēnõ ní fá ke̱-teke no̱ le̱ aatšṍ mokome ní dši Iesu Kristo le̱ no̱ aye maṅtše̱ ye̱ wala mli āhũ.

¹⁸ Nohewo̱ le̱ agbe̱ne̱, take̱ bo̱ni atšṍ mokome šigbēmo̱ no̱ abu gbomei fẽ fo̱ le̱, nakai noṅṅ kẽ atšṍ mokome dšale̱ no̱ abu gbomei fẽ wala bem. 1 Kor. 15,22.

¹⁹ Edšake̱ take̱ bo̱ni atšṍ gbomo kome le̱ toigbĕle le̱ no̱ ahã mei pī tšṍmo̱ ešafelo̱i le̱, nakai noṅṅ kẽ aatšṍ mokome le̱ toibō le̱ no̱ ahã *meĩ pī hũ atšṍmo̱ dšalo̱i. *Ies. 53,11,

²⁰ Ši *mla le̱ baho teṅ, koni šigbēmo̱ le̱ afá ke̱-teke no̱. Ši heni eša fá ye̱ le̱, dromo̱ le̱ fá ke̱-teke no̱ babaō; *4,15; 7,8. Gal. 3.19.

²¹ koni bo̱ noṅṅ ni eša le̱ ye maṅtše̱ ye̱ gbĕle mli le̱, nakai noṅṅ dromo̱ le̱ atšṍ dšale̱ no̱ aye maṅtše̱ hũ ke̱-ya nāno̱ wala mli ye̱ Iesu Kristo, wo̱-Nuṅtšo̱ le̱, hewo̱. 5,23.