Romabii 14 - Ṅmãle̱ Kroṅkroṅ Le̱

¹ Ši moni egbede ye̱ hemo̱-ke̱-yeli mli le̱ nyehereale̱ atū; ši nyekabua susumo̱i atẽṅ. 15,1. 1 Kor 8,9.

² Moko ye̱ hemo̱-ke̱-yeli ní eke̱-yeo̱ nii fẽ; ši moni egbede le̱, ſie ke̱ke̱ eyeō̱. 1 Mose 1,29; 9,3.

³ Moni yeo̱ lo̱ akagbe moni yee le̱, he guo̱, ni moni yee le̱ akakodšo moni yeo̱ le̱; edšake̱ Nyoṅmo̱ eṅōle̱, Kol. 2,16.

⁴ Bo le̱, namo dsio ni okodšoo̱ mokroko wenū? Le̱dientše̱ enuṅtšo̱ edamoo̱ ši lo egbēo̱ ši ehãa; ši aahã edamo̱ ši, edšake̱ Nyoṅmo̱ ye̱ hewale̱ ní eehã edamo̱ ši. Mat. 7,1. Iak. 4,11. 12.

⁵ Moko buo̱ gbĩ fè gbĩ, ni moko hũ buo̱ gbĩ-fẽ-gbĩ pe̱pē̱pe̱. Hã mofẽmo aná le̱dientšo̱ edſẽṅmo̱ le̱ no̱ hewale̱. Gal. 4,10.

⁶ Moni buo̱ gbĩ le̱, Nuṅtšo̱ le̱ ebuo̱ ehãa; ni moni ebuu gbĩ le̱, Nuṅtšo̱ le̱ hũ ebuu ehãã. Moni yeo̱ nii le̱, Nuṅtšo̱ le̱ eyeo̱ ehãa, edšake̱ edaä Nyoṅmo̱ ši; ni moni yee nii le̱, Nuṅtšo̱ le̱ eyee nii ehãã, ni edaä Nyoṅmo̱ ši hũ.

⁷ Edšake̱ wo̱teṅ moko hĩe kãã hãã le̱dientše̱ ehe, ni moko gboo hũ ehãã le̱dientše̱ ehe.

⁸ Ši ke̱dši wo̱hĩe kã le̱, Nuṅtšo̱ le̱ wo̱hĩe kã wo̱hã; ni ke̱dši wo̱gboi hũ, Nuṅtšo̱ le̱ wo̱gboio̱ wo̱hãa. Nohewo̱ le̱ wo̱hĩe kã dšio, wo̱gboi dšio, Nuṅtšo̱ le̱ nii dšiwo̱. Gal. 2,20. 1 Tes. 5,10.

⁹ Edšake̱ ene̱hewo̱ Kristo gbo ni ete ši ni ehĩe kã, beni afe ní etšṍ gbohĩĩ ke̱ hĩekãloi fẽ a-Nuṅtšo̱.

¹⁰ Ši bo le̱, mẽba okodšoo̱ onyemi? Alo bo hũ, mẽba ogbeo̱ onyemi he guo̱? Edšake̱ *wo̱fẽ wo̱badamo̱ Kristo kodšomo̱sẽi le̱ hĩe. *Bo̱f. 17,31. Mat. 25.31. 32. 2 Kor 5,10.

¹¹ Edšake̱ *aṅmã ake̱: “Nuṅtšo̱ le̱ kē̱: Ake̱ noni mi mihĩe kã ne̱, nakutšo-fẽ-nakutšo aakotomi, ni lile̱i-fẽ-lile̱i aadšadše Nyoṅmo̱ atšõ.” *Ies 45,23. Fil. 2,10. 11.

¹² Bĕle̱ nohewo̱ le̱ wo̱teṅ mofẽmo babu le̱dientše̱ ehe akontā ehã Nyoṅmo̱. Gal. 6,5.

¹³ Nohewo̱ le̱ nyekahãa wo̱kodšokodšoa wohe doṅṅ; ši ene̱ moṅ nyekodšoa, ake̱ moko akato te̱mo̱nō ko lo pãmpi ko ehã enyemi.

¹⁴ Mile ni misā miye̱ hewale̱ ye̱ no̱ ye̱ Nuṅtšo̱ Iesu mli, ake̱ *nokonoko be̱ ní le̱dientše̱ edši bulemo̱nõ, dša moni buo̱ noko ake̱ bulemo̱nõ ni le̱, le̱ etšṍo̱ bulemo̱nõ ehãa; Mat. 15,11. Bo̱f. 10,15. Tit. 1,15.

¹⁵ ši ké̱ niyenii ko hewo̱ ni ohãa onyemi yeo̱ ṅko̱mo̱ le̱, bĕle̱ dšee suomo̱ nā obaä odšeṅ ye̱ le̱ doṅṅ; *oke̱ oniyenii le̱ akakpãtã mone̱ ní Kristo gbo hãle̱ le̱ hĩe. *1 Kor. 8,11-13.

¹⁶ Nohewe̱ le̱ nyekahãa awiea nyenõkpakpa le̱ he efõṅ. Tit. 2,5.

¹⁷ Edšake̱ Nyoṅmo̱ maṅtše̱yeli le̱ dšee niyeli ke̱ numo̱ ni, ši moṅ dšale̱ ke̱ hedšo̱le̱ ke̱ Mumo̱ kroṅkroṅ mli mīše̱ ni; Luk. 17,20.

¹⁸ edšake̱ moni súmoo̱ Kristo ye̱ ene̱mei amli le̱, Nyoṅmo̱ náa ehe tšuidšŭrõ ni esa gbomei ahĩe hũ.

¹⁹ Nohewo̱ le̱ agbe̱ne̱ nyehãa wo̱tina hedšo̱le̱ nibii ke̱ nibii ní wo̱ke̱-ahã wo̱nanemei anane amõ šĩ moṅ. 12,18; 15,2.

²⁰ Kāfite Nyoṅmo̱ nitšumo̱ le̱ ye̱ niyenii ko hewo̱. *Nibii fẽ he tše moṅ ne̱, ši kẽle̱ edši efõṅ hã gbomo ní yeo̱ eke̱-too̱ pãmpi le̱. *K. 14.

²¹ Ehĩ ake̱ oyee lō ni asaṅ onuu wein lo noko ni aato onyemi pãmpi lo aahã enane atõtõ alo enidšiaṅ aadše wui ye̱ mli. 1 Kor. 8,13.

²² Bo le̱ oye̱ hemo̱-ke̱-yelĩ? oke̱-to ohã bodientše̱ ohe ye̱ Nyoṅmo̱ hĩe; adšō̱ moni ekodšoo le̱dientše̱ ehe ye̱ noni ebuo̱ ake̱ ehĩ le̱ mli le̱.

²³ Ši moni yiṅ etẽẽle̱ le̱, ke̱dši eye le̱, eye fo̱, edšake̱ edše̱e̱ hemo̱-ke̱-yeli mli; ni nofẽno ní dše̱e̱ hemo̱-ke̱-yeli mlĩ le̱, eša ni. Tit. 1,15.