Romabii 12 - Ṅmãle̱ Kroṅkroṅ Le̱

¹ Nohewo̱ le̱, anyemimei, mike̱ Nyoṅmo̱ mlitšõle̱i mīkpanye fai, ake̱ nyeṅõ *nyegbomotšei le̱ nyedamo̱ ši ake̱ afo̱le ní hĩe kã ní he tše ní sa Nyoṅmo̱ hĩe ní nyedšámo̱ le̱ afe mumo̱ṅ dšámo̱. *6,13. 1 Pet. 2,5.

² Ni nyedšeṅba akatamo̱ dšeṅbii adšeṅba, ši moṅ *nyeke̱ nyedſẽṅmo̱ ní etšṍ ehē le̱ atšakea nyehe, koni nyeyo nii ní †dši Nyoṅmo̱ suomo̱nānii kpakpai ní sa ehĩe dšogbāṅ ní hĩ ke̱-wula ši le̱. *Ef. 4,23. †Ef. 5,10. 17.

³ Ši mike̱ dromo̱ ni aṅõ-dromi le̱ mīkē̱ nyeteṅ mofẽmo ake̱, ekabu le̱dientše̱ ehe tūtu fè bo̱ni sa ake̱ ebuo̱ ehe; ši moṅ edſẽṅ hĩešikãmo̱ dſẽṅmo̱, mofẽmo le̱ take̱ bo̱ni *Nyoṅmo̱ esusu hemo̱-ke̱-yeli susumo̱ ehãle̱ le̱. *1 Kor. 12,11. Ef. 4,7.

⁴ Edšake̱ take̱ bo̱ noṅṅ ní gbomotšo kome he le̱ wo̱ye̱ henii pī, ši henii le̱ fẽ tšuu nitšumo̱ kome le̱, 1 Kor. 12,12.

⁵ nakai noṅṅ wo̱yi pī ne̱ gbomotšo kome dšiwo̱ ye̱ Kristo mli, ni wo̱teṅ mofẽmo le̱ enanyo-henõ dšile̱; *1 Kor 12,27. Ef. 4,25.

⁶ ni dromo̱ ní aṅõ-hãwo̱ le̱ nā le̱ wo̱teṅ mofẽmo ye̱ dromo̱kēnii sro̱toi sro̱toi: 1 Kor. 12,4.

⁷ ke̱dši gbale̱ ni le̱, hã ní egba ye̱ hemo̱-ke̱-yeli susumo̱ le̱ nā; ke̱dši súomo̱ ni le̱, hã ehĩe súomo̱ le̱ noṅṅ mli; ké̱ tšõlo̱ dši mo le̱, hã ehīe nitšõmo le mli; 1 Pet 4,10. 11.

⁸ moni wieo̱ tšṍo̱ mei le̱, ehĩe wiemo̱-ke̱-tšõmo̱ le̱ mli; *moni dšaä nii hã mei le̱, efe ke̱ tšui kro̱ṅṅ; moni yeo̱ onukpa le̱, ebo̱ mo̱deṅ; moni naä mo̱bo̱ le̱, efe †ke̱ tšuidšŭrõ. *Mat. 6,3. †2 Kor. 8,2; 9,7.

⁹ *Suomo̱ le̱ osato akahĩ mli. †Nyehĩa efõṅ kwrā; nyekpe̱te̱a ekpakpa he; *1 Tim. 1,5. †Amos 5,15.

¹⁰ nyeke̱ *nyemimei asuomo̱ asumo̱sumo̱a nyehe; moſẽmo ke̱ †wō ahã enanyo tšutšu. *2 Pet. 1,7. †Fil. 2,3.

¹¹ Nyemo̱deṅbō̱ lā nā akabaä ši; nyemumo̱ le̱ he *ado̱a la; nyesúmo̱a Nuṅtšo̱ le̱. *Kpods. 3,15.

¹² Nyenyã́a ye̱ hĩeno̱kãmo̱ mli; nyemĩaä nyehĩe ye̱ amanehũlũ mli; *nyehĩea so̱lemo̱ mli dā. *1 Tes. 5,17.

¹³ Meikroṅkroṅi le̱ ahĩa le̱ ahĩanye hũ; *nyebo̱a gbo̱femo̱ he mo̱deṅ. *Heb. 13,2.

¹⁴ Nyedšō̱a mei ní waänye yi le̱, nyedšō̱a ni nyekalomo̱a. Mat 5,45. 1 Kor. 4,12. Bo̱f. 7,60.

¹⁵ Nyeke̱ mei ní nyã́a le̱ anyã́a, ni *nyeke̱ mei ní fóo̱ le̱ afóa. *Lal. 35,13.

¹⁶ Nyedſẽṅa nyehewo̱ *dſẽṅmo̱ kome; nyekadſẽṅa nii wudši, ši moṅ nyeke̱ hešibalo̱i le̱ abaä nyehe ši. †Nyekabua nyehe ake̱ nilelo̱i. *15,5. †Ies. 5,21.

¹⁷ *Nyekaṅõa efõṅ nyetoa mokomoko efõṅ nãdšiaṅ; nyedſẽṅa noni yo̱ fe̱o no̱ nyetoa ye̱ gbomei fẽ hĩe. *1 Tes. 5,15.

¹⁸ Ké̱ aaho le̱ nyegbe̱fãṅ le̱, nyeke̱ gbomei fẽ ahĩa ši ye̱ hedšo̱le̱ mli. Mar. 9.50. Heb. 12,14.

¹⁹ Suolo̱i, *nyekato̱a nyedientše̱ nyehe owele, ši moṅ nyeṅmẽa mlifũ le̱ gbe̱; edšake̱ †aṅmã ake̱: “Minõ dši oweletō̱, mi mato nãdšiaṅ, Nuṅtšo̱ le̱ kē̱.” *3 Mose 19,18. Mat. 5,39. †5 Mose 32,35.

²⁰ Nohewo̱ le̱, ke̱dši *hõmo̱ mīye ohenye̱le̱ le̱, hãle̱ nii eye; ke̱dši kũmai mīyele̱ le̱, hāle̱ nu enu; edšake̱ ké̱ ofe nakai le̱, oobua ṅãi ke̱ la nā oſie eyiteṅ. *Abe̱i 25,21. 22. Mat. 6,54.

²¹ Kāhã efõṅ mīye ono̱ kūnim, ši moṅ oke̱ ekpakpafemo̱ aye efõṅ no̱ kũnim.