Kpojiemɔ 9 - Ṅmãle̱ Kroṅkroṅ Le̱

¹ Ni bo̱fo ní dši enumo̱ le̱ kpã́, ni mina *ṅulami ko dše̱ ṅwei bagbē šikpoṅ le̱ no̱, ni aṅõ †bu kwo̱ṅkwo̱ṅ le̱ nā samfe le̱ ahãle̱. *8,10. †20,1.

² Ni egble bu kwo̱ṅkwo̱ṅ le̱ nā, ni lasũ te ši ke̱-dše̱ bu le̱ mli tamo̱ flõnõ kpeteṅkple mli lasũ, ni *hũlũ ke̱ atatuiaṅ wo duṅ ye bu leṅ lasũ le hewo̱. *Ioel 2,2. 10.

³ Ni bālabii dše̱ lasũ le̱ mli ke̱-ba šikpoṅ le̱ no̱; ni ahãame̱ hewale̱ tamo̱ hewale̱ ni nyoṅmo̱ṅkrakroi yo̱ ye̱ šikpoṅ le̱ no̱ le̱;

⁴ ni akē̱ame̱ ake̱ ame̱kafe šikpoṅ le̱ no̱ dſe̱i alo bāṅmõṅ alo tšo ko efõṅ ko, ake̱ dša gbomei ní be̱ Nyoṅmo̱ *nāso̱omo̱nõ le̱ okadi ye̱ ame̱hĩeṅtšei ano̱ le̱ ke̱ke̱. *7,3.

⁵ Ni ahāame̱ hegbe̱ ake̱ ame̱ka-gbeame̱, ši moṅ ame̱pĩame̱ nyõdši enumo̱. Ni ame̱nã dšramo̱ le̱ tamo̱ nyoṅmo̱ṅkrakro dšramo̱, kē̱ etšẽ mo le̱.

⁶ Ni nakai gbĩĩ le̱ amli le̱ gbomei *aafe gbĕle, ši ame̱náṅ, ni ame̱asumo̱ ake ame̱agboi, ši gbĕle aadšo amenā foi. *Luk. 23,30.

⁷ Ni *bālabii le̱ asubāṅ tamo̱ okpo̱ṅo̱i ni ásā ke̱-yaä ta, ni nokomei fĩmo̱ ame̱yitšei tamo̱ šika akekrei, ni ame̱hĩeaṅ tamo̱ gbomei ahĩeaṅ; *Ioel 2,4.

⁸ ni ame̱yitšo̱i tamo̱ yei ayitšo̱i, ni ame̱nyãnyōdši tamo̱ dšatai anõ;

⁹ ni ame̱wo damai tamo̱ dadedamai, ni ame̱fĩdšiaṅ gbē̱mo̱ tamo̱ okpo̱ṅo̱i babaō ke̱ ſīlii ní hĩe foi ke̱-yai ta gbē̱mo̱;

¹⁰ ni ame̱ye *leii tamo̱ nyoṅmo̱ṅkrakroi, ni gãii ye̱ ame̱leii le̱ ana, ni ame̱ye hegbe̱ ake̱ amefe gbomei efoṅ nyõdsi enumo̱. *K. 13.

¹¹ Ni ame̱no̱ maṅtše̱ dši *bu kwo̱ṅkwo̱ṅ le̱ mli bo̱fo le̱, ni atsé̱o̱ egbe̱i ye̱ Hebri wiemo le̱ mli ake̱ Abadon, ni Hela wiemo le̱ mli le̱ atsé̱o̱ egbe̱i Apolion (Hĩekpãtãlo̱). *K. 1.

¹² Kleṅkleṅ kpóo le̱ eho; na, *kpóoi enyo̱ miba lolo ye̱ nii ne̱ ase̱. *8,13; 11,14.

¹³ Ni bo̱fo ní dši ekpa le̱ kpã́, ni minu gbē ko dše̱ *šika afo̱lesãlate ni mã Nyoṅmo hĩe le̱ aklontoi edſe̱ le̱ mli *8,3. 2 Mose 30,1-3.

¹⁴ kē̱ bo̱fo ní dši ekpa le̱ ní hĩe te̱tre̱mantre̱ le̱ ake̱: Fẽnemo̱ bo̱foi edſe̱ le̱ ní afĩmo̱ ye̱ *Eufrate fā kpeteṅkple le̱ nā le̱! *16,12.

¹⁵ Ni afẽne bo̱foi edſe̱ le̱ ní asā ato ṅmle̱tſā le̱ ke̱ gbĩ le̱ ke̱ nyõn le̱ ke̱ afi le̱, koni ame̱gbe gbomei amlidšāi *etẽ mli ekome. *8,7-12.

¹⁶ Ni tabiloi ní tra okpo̱no̱i ano̱ le̱ ayibo̱ dši akpei-nyoṅmai-enyo̱ toi akpei-nyoṅma; minu ame̱yibo̱ le̱.

¹⁷ Ni bo̱ni mina okpo̱ṅo̱i le̱ ke̱ ame̱no̱trálo̱i le̱ ye̱ ninā le̱ mli ne̱: ni ame̱damai ní ame̱wo le̱ asu tamo̱ la ke̱ afaseo diṅ ke̱ swō̱ damai; ni okpo̱ṅo̱i le̱ ayitsei tamo̱ dšatai ayitsei, ni la ke̱ lasũ ke̱ swō̱ fãa ke̱-dse̱o̱ ame̱dãṅ.

¹⁸ Ne̱ke̱ haomo̱i etẽ, ni dši la ke̱ lasũ ke̱ swō̱ ní fãa ke̱-dse̱o̱ ame̱dãṅ ne̱, ake̱-gbe gbomei amlidšāi etẽ mli ekome.

¹⁹ Edšake̱ okpo̱ṅo̱i le̱ ahewale̱i ye̱ ame̱dãṅ ke̱ ame̱leii amli, edšake̱ ame̱leii le̱ tamo̱ onũfũi, ni yitšei ye̱ he, ni nomei ame̱ke̱-feo̱ efõṅ.

²⁰ Ni gbomei ní ſe̱ ní agbeeame̱ ye̱ ne̱ke̱ haomo̱i ne̱ amli le̱, *ame̱tsakee ame̱tšui ke̱-dše̱e̱ amenine nā nitšumo̱i le̱ ahe, koni †ame̱fõ daimonioi ke̱ šika ke̱ dſie̱te̱i ke̱ ayawa ke̱ te̱ ke̱ tšo-amãgãi ní enaa nii ni ame̱nuu nii ni ame̱nyẽẽ amenyie le̱ adšámo̱; *16,9. 11. 21. †1 Kor. 10,20.

²¹ ni asaṅ ame̱tšakee ame̱tšui ke̱-dše̱e̱ ame̱wuyelii ke̱ ame̱sũi ke̱ ame̱dſamaṅbō̱ ke̱ ame̱dšūi le̱ amli.