Kpojiemɔ 7 - Ṅmãle̱ Kroṅkroṅ Le̱

¹ Ni nii ne̱ ase̱ le̱ mina ṅweibo̱foi edſe̱ damo šikpoṅ kodšĩ edſe̱ le̱ no̱, ni ame̱hīe šikpoṅ le̱ no̱ *kō̱yo̱i edſe̱ le̱ mli, koni kō̱yo̱ ko akatſa ye̱ šikpoṅ le̱ no̱ le̱ ṅšo̱ no̱ lo tšo ko no̱. *Dan. 7,2. Zak. 6.5. Mat. 24,31.

² Ni mina bo̱fo kroko mīkwo̱ ke̱-mīdše̱ hũlũ šitēhe ke̱-mība, ni ehĩe Nyoṅmo̱ hĩekãlo̱ le̱ nāso̱omo̱nõ; ni eblo̱ ke̱ gbē wā ekē̱ bo̱foi edſe̱ le̱ ní ahãame̱ hegbe̱ ake̱ ame̱fe šikpoṅ le̱ ke̱ ṅšo̱ le̱ efõṅ le̱

³ ake̱: Nyekafea šikpoṅ le̱ lo ṅšo̱ le̱ lo tšei le̱ efõṅ ko ke̱-yaši beyino̱ ni *wo̱ke̱ nāso̱omo̱nõ aakadi wo̱-Nyoṅmo̱ le̱ tšũdši le̱ ahĩeṅtšei ano̱ dã. *Ezek. 9,4. 6.

⁴ Ni minu mei ni ake̱ nāso̱omo̱nõ le̱ ekadi le̱ ayibo̱: mei *akpei-oha-ke̱-nyo-ṅmai-edſe̱-ke̱-edſe̱ ni ake̱ nāso̱omo̱nõ eka-diame̱ ke̱-dše̱ Israelbii le̱ akutšo-fẽ-akutšo mli: *14,1. 3.

⁵ Iuda akutšo le̱ mli le̱ ake̱ nāso̱o-mo̱nõ le̱ kadi mei akpei-nyoṅma-ke̱-enyo̱; Ruben akutšo le̱ mli le̱ mei akpei-nyo-ṅma-ke̱-enyo̱, Gad akutšo le̱ mli le̱ mei akpei-nyoṅma-ke̱-enyo̱,

⁶ Ašer akutšo le̱ mli le̱ mei akpei-nyoṅma-ke̱-enyo̱, Naftali akutšo le̱ mli le̱ mei akpei-nyoṅma-ke̱-enyo̱, Manase akutšo le̱ mli le̱ mei akpei-nyoṅma-ke̱-enyo̱,

⁷ Simeon akutšo le̱ mli le̱ mei akpei-nyoṅma-ke̱-enyo̱, Levi akutšo le̱ mli le̱ mei akpei-nyoṅma-ke̱-enyo̱, Isakar akutšo le̱ mli le̱ mei akpei-nyoṅma-ke̱-enyo̱,

⁸ Zebulon akutšo le̱ mli le̱ mei akpei-nyoṅma-ke̱-enyo̱, Iosef akutšo le̱ mli le̱ mei akpei-nyoṅma-ke̱-enyo̱, Benyamin akutšo le̱ mli le̱ mei akpei-nyoṅma-ke̱-enyo̱.

⁹ Nii ne̱ ase̱ le̱ mikwe̱, ni na, asafo babaō ní mokomoko nyẽṅ akane ní dše̱ dšeṅmaṅ-fẽ-dšeṅmaṅ ke̱ akutšei ke̱ mãdši ke̱ mãdšiano̱wiemo̱i amli damo̱ maṅtše̱sẽi le̱ hĩe ke̱ tōbi le̱ hĩe, ni ame̱wo *atadei ye̱dši, ní ame̱hĩe ble̱oi ye̱ ame̱deṅ, *6,11.

¹⁰ ni ame̱blo̱ ke̱ gbē wā ame̱kē̱: Yiwalahereme̱ le̱ dši wo̱-Nyoṅmo̱ ni tá maṅtše̱sẽi le̱ no̱ le̱ ke̱ tōbi le̱ nõ! 12,10.

¹¹ Ni *bo̱foi le̱ fẽ damo̱ maṅtše̱sẽi le̱ ke̱ onukpai nyoṅmai-enyo̱ ke̱ edſe̱ le̱ ke̱ hĩekãlo̱i edſe̱ le̱ ahewo̱ ke̱-kpe, ní ame̱-ke̱ †ame̱hĩe bumo̱ ši ye̱ maṅtše̱sẽi le̱ hĩe, ni ame̱dšá Nyoṅmo̱ *5,11. †11,16.

¹² ame̱kē̱: Amen: Dsō̱mo̱ ke̱ anumnyam ke̱ nilē ke̱ šĩdā ke̱ agbodšē ke̱ hewale̱ ke̱ nyẽmo̱ áhã wo̱-Nyoṅmo̱ le̱ ke̱-dše̱ nãno̱ ke̱-ya nāno̱i! Amen. 5,12.

¹³ Ni onukpai le̱ ateṅ mokome here no̱ ekē̱mi ake̱: Mei ní wo atadei ye̱dši ne̱, namei ni, ni nẽgbe̱ ame̱dše̱?

¹⁴ Ni mikē̱le̱ ake̱: Minuṅtšo̱, bo ole. Ni ekē̱mi ake̱: Mene̱mei dši mei ni dše̱ *amanehũlũ kpeteṅkple le̱ mli le̱, ni ame̱fo̱ ametadei le̱ ahe, ni ame̱hã eye futā ye̱ tōbi le̱ †lá le̱ mli. *3,10. Mat. 24,21. †Heb. 9,14.

¹⁵ Nohewo ni ame̱yo̱ Nyoṅmo̱ maṅtše̱sẽi le̱ hĩe, ni ame̱dšáale̱ nyõṅ ke̱ ſane ye̱ *eso̱lemo̱tšũ le̱ mli le̱; ni moni tá maṅtše̱sẽi le̱ no̱ le̱ aaši ebu le̱ eto ame̱no. *11,19; 14,15. 17; 15,5. 8; 16.1; 21,3. 22.

¹⁶ Hõmo̱ yeṅame̱ doṅṅ, ni kũmai hũ yeṅame̱ doṅṅ, ni asaṅ hũlũ lo latšã ko esaṅ amehe doṅṅ; Ies. 49,10.

¹⁷ edšake̱ *tōbi le̱ ni yo̱ maṅtše̱sẽi le̱ teṅ le̱ aalè̱ame̱, ni †eetšõame̱ gbe̱ ke̱-ate wala nubui ahe, ni **Nyoṅmo̱ aatšumo̱ ame̱hĩeaṅ yāfónui fẽ. *5,6. †Lal. 23,2. **Kpods. 21,4. Ies. 25,8.