Kpojiemɔ 22 - Ṅmãle̱ Kroṅkroṅ Le̱

¹ Ni etšõmi *wala-nu fā kro̱ṅṅ ní mli tše tamo̱ kristalo-aſĩſe̱ mīdše̱ Nyoṅmo̱ ke̱ tōbi le̱ maṅtše̱sẽi le̱ mli. *Ezek. 47,1. Zak. 14,8.

² Ni *eblohũ le̱ teṅ ke̱ fā le̱ toi bie̱ ke̱ bie̱ fẽ le̱ †walatšei le̱ mãmo̱ ši, ni ewoo̱ yibii šii nyoṅma ke̱ enyo̱, ni nyõṅ-fẽ-nyõṅ no̱ le̱ ewoo̱ yibii, ni tšo le̱ yibāi le̱ ake̱-tšáa dšeṅmãdši le̱. *21,21. †Ezek. 47,12.

³ Ni *musu-ko-musu ko be̱ doṅṅ. Ni Nyoṅmo̱ ke̱ tōbi le̱ maṅtše̱sẽi le̱ aamã emli; ni etšũdši le̱ aasúmo̱le̱; *Zak. 14,11.

⁴ ni *ame̱ana ehĩe, ni †egbe̱i le̱ aahĩ ame̱hĩeṅtšei ano̱. *21,3. †3,12.

⁵ Ni *nyōṅ be̱ dše̱i, ni kane lo hũlũ kpe̱mo̱ ehĩaṅame̱, edšake̱ Nuṅtšo̱ Nyoṅmo̱ le̱ aakpe̱ ahãame̱, ni †ame̱aye maṅtše̱ ke̱-ate nāno̱i anāno̱. *21,25. †5,10. Dan. 7,18. 27.

⁶ Ni ekē̱mi ake̱: Ano̱kwa wiemoi ní mã ši šiṅṅ ne̱; ni Nuṅtšo̱ ní dši *gbalo̱i amumo̱i le̱ a-Nyoṅmo̱ le̱ tšũ †ebo̱fo le̱ ni ebatšõ etšũdši nii ní sa ake̱ aba oyá. *4 Mose 27,16. 1 Kor. 14,32. †Kpods 1,1.

⁷ Na, mība oyá. Adšō̱ moni ke̱ ne̱ke̱ wolo ne̱ mli gbale̱ wiemo̱i le̱ too̱ le̱. K. 12. 20; 3,11; 1,3.

⁸ Ni mi, Iohane, dši moni na ni nu nii ne̱. Ni heni minu ni mina le̱, *miho mibu ši ní madšá ye̱ bo̱fo le̱ ní tšõo̱mi nii ne̱ le̱ nãdši anā. *19,10.

⁹ Ni ekē̱mi ake̱: Kākwe̱ ni ofe! edšake̱ onanyotšũlo̱ ke̱ onyemimei ke̱ gbalo̱i ke̱ mei ní too̱ ne̱ke̱ wolo ne̱ mli wiemo̱i le̱ ateṅ moko dšimi; Nyoṅmo̱ moṅ odšá!

¹⁰ Ni ekē̱mi ake̱: *Kāso̱o ne̱ke̱ wolo ne̱ mlĩ gbale̱ wiemo̱i le̱ anā, ši †be le̱ ebe̱ṅke̱. *10,4. Dan. 8,24; 12,4. †Kpods. 1,3.

¹¹ Moni edšaa le̱, hã eya no̱ efe nii ni edšaa le̱; ni moni dši mũdšiatše̱ le̱, hã eya no̱ ewo ehe mũdši le̱; ni moni dši dšalo̱ le̱, ha eya no̱ efe dšale̱nii, ni moni dši mokroṅkroṅ le̱, hã eya no̱ ehĩ kroṅkroṅ.

¹² *Na, mība oyá, ni †mihĩe minyõmo̱wo le̱ ke̱-mība, ní **mawo mofẽmo nyõmo̱ ye̱ enitšumo le̱ nā. *K. 7; 3,11. †Ies. 40,10. **Rom. 2,6.

¹³ Midsi Alfa le̱ ke̱ Omega le̱, šišidšē le̱ ke̱ nāgbē le̱, kleṅkleṅmo le̱ ke̱ nāgbēmo le̱. 1,8. Heb. 13,8.

¹⁴ Adšō̱ mei ní fo̱ö̱ ametadei le̱ ahe le̱, koni ame̱ná hegbe̱ ye̱ walatšo le̱ no̱, ni ame̱tšṍ agbói le̱ amli ke̱-bote maṅ le̱ mli.

¹⁵ Ši maṅ le̱ se̱ le̱, gbẽ́i le̱ ke̱ sũlo̱i le̱ ke̱ adſamaṅbo̱lo̱i le̱ ke̱ awuyelo̱i le̱ ke̱ amãgãdšálo̱i le̱ ke̱ mofẽmo ní sumoo̱ amale ni emaleo̱ le̱ yo̱ dše̱i. 21,8. 27. 1 Kor. 6,9. 10.

¹⁶ *Mi, Iesu, mitšũ mibote le̱ koni †ebaye nii ne̱ ahe odase etšõnye ye̱ asafoi le̱ amli. Midši David **šišifã le̱ ke̱ esešinyo le̱, ††tolō ní kpe̱o̱ le̱. *1,1. †1,2. **Ies. 11,10. Kpods 5,5. ††Luk 1,78.

¹⁷ Ni *Mumo̱ le̱ ke̱ ayemforo le̱ kē̱o̱ ake̱: Ba! Ni moni nuo̱ le̱, hã ni eke: Ba! Ni moni †kũmai yeo̱le̱ le̱, hã ni eba, ni moni sumoo̱ le̱, hã ni ebaye wala-nu le̱ yaka. *Rom. 8,23. †Kpods. 21.6. Ies. 55,1. Ioh. 7,37.

¹⁸ Mi mīye odase mīhã mofẽmo ní nuo̱ ne̱ke̱ wolo ne̱ mli gbale̱ wiemo̱i le̱ ake̱: Ke̱dši moko ke̱ noko fata nii ne̱ ahe le̱, Nyoṅmo̱ aaṅõ haomo̱i *ni aṅmã ye̱ ne̱ke̱ wolo ne̱ mli le̱ afata he abale; *15,1. 6.

¹⁹ ni ke̱dši *moko dšie noko ke̱-dše̱ ne̱ke̱ gbale̱ wolo ne̱ mli wiemo̱i le̱ amli le̱, Nyoṅmo̱ aadšie egbemi ke̱-adše̱ wala-wolo le̱ ke̱ maṅ kroṅkroṅ le̱ ke̱ nii ni aṅmã ye̱ ne̱ke̱ wolo ne̱ mli le̱ amli. *5 Mose 4,2.

²⁰ Moni yeo̱ ne̱ke̱ nii ne̱ he odase le̱ mīkē̱ ake̱: Hē̃, miba oyá. Amen. Hē̃, ba, Nuṅtšo̱ Iesu!

²¹ Wo̱ Nuṅtšo̱ Iesu Kristo dromo̱ le̱ ke̱ nyefe ahĩ ši! Amen.