Kpojiemɔ 20 - Ṅmãle̱ Kroṅkroṅ Le̱

¹ Ni mina bo̱fo ko mikpleke ši ke̱-mīdše̱ ṅwei, ni ehĩe *bu kwo̱ṅkwo̱ṅ le̱ nā samfe le̱ ke̱ †kõsõṅkõsõ kpeteṅkple ko ye edeṅ. *9,1. †2 Pet. 2,4. Iuda 6.

² Ni emo *drako le̱, blema onũfũ le̱ ní dši diabolo (abonsam) ke̱ satan le̱, ni efĩle̱ afii akpe, *12,9.

³ ni eṅõle̱ ewo bu kwo̱ṅkwo̱ṅ le̱ mli, ni eṅã́ eyi ni eso̱o nā, koni *ekasišiu dšeṅmãdsi le̱ doṅṅ ke̱-yaši beyino̱ ni aagbe afii akpe le̱ nā; ni no se̱ le̱ dša afẽnele̱ be fio ko. *2 Tes. 2,9. 10.

⁴ Ni *mina maṅtše̱sẽii, — ni ame̱ho ame̱trá no̱, ni aṅõ kodšomo̱ ahaame̱, — ke̱ mei ni aflo̱ ame̱yii ye̱ Iesu odaseyeli le̱ ke̱ Nyoṅmo̱ wiemo̱ le̱ hewo̱ le̱ asusumai le̱, ke̱ mei ní dšáko kolo le̱ lo emãgã le̱ ni ame̱heko ekadi le̱ ye̱ ame̱hĩeṅtšei ano̱ lo ame̱deṅ le̱; ni ame̱hĩe kamo̱, ni ame̱ke̱ Kristo ye maṅtše̱ afii akpe. *Dan. 7,9. 22. 27. Luk. 22,30. 1 Kor. 6,2.

⁵ Ši gbohĩĩ ní eſe̱ le̱ ahĩe náko atšẽ ke̱-yaši beyino̱ ní aagbe afii akpe le̱ nā. Ene̱ dši kleṅkleṅ šitē le. 1 Kor. 15,23. 1 Tes. 4,16.

⁶ Moni adšō̱ ke̱ mokroṅkroṅ dši moni aaná gbe̱nā ye̱ kleṅkleṅ šitē le̱ mli le̱; gbēle ní dši enyo̱ le̱ be̱ hewale̱ ko ye̱ nakai mei le̱ ano̱; ši moṅ ame̱atšṍmo̱ Nyoṅmo̱ ke̱ Kristo *oso̱foi, ni ame̱ke̱le̱ aaye maṅtše̱ afii akpe. *6,19.

⁷ Ni beni agbe afii akpe le̱ nā le̱, aafẽne satan ke̱-adše̱ etšũ le̱ṅ,

⁸ ni eedše kpo, ni eyašisiu dšeṅmãdši le̱ ní yo̱ šikpoṅ kodši edſe̱ le̱ mli le̱, *Gog le̱ ke̱ Magog le̱, koni ebua ame̱nā ke̱-kpe ni ameya ta; mei ayibo̱ ni †tamo̱ ṅšo̱ nā šia le̱. *Ezek. 38,2. †Ezek. 38,9. 15.

⁹ Ni ame̱yiṅ ke̱-te šikpoṅ te̱trē̱ le̱ no̱, ni ame̱yabo̱le meikroṅkroṅi le̱ ansra le̱ ke̱ maṅ ní asumoo̱ le̱ ke̱-kpe. Ni *la dše̱ Nyoṅmo̱ ṅõ ke̱-dše̱ ṅwei, ni ebaša-ame̱ butū. *Ezek. 38,22; 39.6. Zak. 12,9.

¹⁰ Ni abonsam le̱ ní šišiuo̱ame̱ le̱, aṅõle̱ awo la ke̱ swō̱ kpākpo le̱ mli, heni *kolo le̱ ke̱ amalegbalo̱ le̱ hũ yo̱ le̱, ni †aapĩame̱ nyōṅ ke̱ ſane ke̱-ate nāno̱i anāno̱. *19.20. †14,10. 11.

¹¹ Ni mina *maṅtše̱sẽi ye̱ṅ ko ní da, ke̱ moni tá no̱ le̱, ní šikpoṅ ke̱ ṅwei †dšo foi ye̱ ehĩe, ni anáá gbe ahãame̱. *Mat 25,31-46. †2 Pet 3,7. 10 12.

¹² Ni mina gbohĩĩ le̱, mei bibii ke̱ mei wudši, damo̱ maṅtše̱sẽi le̱ hĩe, ni *agble wodši anā; ni agble †wolo kroko ni dši wala-wolo le̱ hũ nā. Ni akodšo gbohĩĩ le̱ ye̱ nibii ní aṅmã ye̱ wodši le̱ amli le̱ anā, **bo̱ni sa ame̱nitšumo̱i le̱. *Dan 7,10. †Kpods. 3.5. Fil. 4,3. **Rom. 2,6.

¹³ Ni ṅšo̱ dšie gbohĩĩ ní yo̱ emli le̱ ehā, ni gbĕle ke̱ gbohĩĩadše dšie gbohĩĩ ni yo̱ ame̱mli le̱ ame̱hã; ni akodšoame̱, mofẽmo bo̱ni sa enitšumo̱i le̱. Ioh. 5,28. 29.

¹⁴ Ni *gbĕle ke̱ gbohĩĩadše le̱, aše̱re̱-ame̱ aſie la kpākpo le̱ mli. Ene̱ dši gbĕle ní dši enyo̱ le̱, la kpākpo le̱ ne̱. *1 Kor 15,26. 55.

¹⁵ Ni ke̱ moko ye̱ ní anaa ake aṅmã egbe̱i ye̱ wala-wolo le̱ mli le̱, ašé̱o̱le̱ afõo̱ *la kpākpo le̱ mli. *19,20. Mat. 25,41.