Kpojiemɔ 16 - Ṅmãle̱ Kroṅkroṅ Le̱

¹ Ni minu gbē wulu ko ni dše̱ so̱lemo̱tšũ le̱ṅ mīkē̱ bo̱foi kpawo le̱ ake̱: Nyeyaä ni nyeyafe̱sea Nyoṅmo̱ *mlifũ toi kpawo le̱ nyeſiea šikpoṅ le̱ no̱! *15,7.

² Ni kleṅkleṅmo le̱ yiṅ ete, ni eyafo̱se eto̱ le̱ mli nii le̱ eſie šikpoṅ le̱ no̱; ni mei ní kolo le̱ okadi yo̱ ame̱he le̱ ke̱ mei ní dšáa emãgã le̱ *fãmo̱ fadši fõdši ní waä mo he. *2 Mose 9,10. 11.

³ Ni bo̱fo ní dši enyo̱ le̱ fo̱se eto̱ le̱ mli nii le̱ ewo ṅšo̱ṅ; ni etšṍ lá tamo̱ gbonyo nõ, ni nofẽno ní hĩe kã ye̱ ṅšo̱ le̱ mli le̱ gbo. 2 Mose 7,17-21.

⁴ Ni bo̱fo ní dši etẽ le̱ fo̱se eto̱ le̱ mli nii le̱ ewo fāi ke̱ nubui le̱ amli; ni nu le̱ *tšṍ lá. *2 Mose 7,19-24.

⁵ Ni minu nui le̱ ano̱ bo̱fo le̱ mīkē̱: Dšalo̱ dsio, Nuṅtšo̱, moni yo̱ ke̱ moni ye̱ ke̱ moni dši kroṅkroṅmo le̱, ake̱-ní okodšo ne̱ke̱ ne̱;

⁶ edšake̱ ame̱ſie kroṅkroṅbii le̱ ke̱ gbalo̱i le̱ alá ši, ni lá noṅṅ ohãame̱ amenu; esaame̱ nakai.

⁷ Ni minu *afo̱lesãlate̱ le̱ mīkē̱: Hē̃, Nuṅtšo̱ Nyoṅmo̱ Ofe, †ano̱kwa ke̱ dšale̱ dši okodšomoi le̱. *9,13. †19,2.

⁸ Ni bo̱fo ní dši edſe̱ le̱ fo̱se eto̱ le̱ mli nii le̱ eſie hũlũ no̱; ni ahãle̱ hewale̱ ní eke̱ la asã gbomei.

⁹ Ni edo̱le̱ babaō le̱ šã gbomei, ni ame̱wie *musubō̱-wiemoi ame̱ši Nyoṅmo̱ ní yo̱ hewale̱ ye̱ ne̱ke̱ haomo̱i ne̱ ano̱ le̱ gbe̱i le̱, ni †ame̱tšakee ame̱tšui ní ame̱wo ehĩe nyam. *K. 11. 21. †9.20. 21.

¹⁰ Ni bo̱fo ní dši enumo̱ le̱ fo̱se eto̱ le̱ mli nii le̱ eſie kolo, le̱ maṅtše̱sẽi le̱ no̱; ni emaṅtše̱yelihe le̱ *wo dnṅ, ni ame̱kõmo̱ ame̱lile̱ii ye̱ nõnā le̱ hewo̱. *2 Mose 10,21. Ies 8,21. 22.

¹¹ Ni ame̱wie musubō̱-wiemo̱i ame̱ši ṅwei Nyoṅmo̱ le̱ ye̱ ame̱nõnāi le̱ ke̱ ame̱fadši le̱ ahewo̱, ni ame̱tšakee ame̱tšui ke̱-dše̱e̱ ame̱nitšumo̱i le̱ amli. K. 9.

¹² Ni bo̱fo ní dši ekpa le̱ fo̱se eto̱ le̱ mli nii le̱ ewo Eufrate fā kpeteṅkple le̱ mli; ni emli *nu le̱ mī̃, koni ake̱-sā gbe̱ ahã maṅtše̱mei ní dše̱ hũlũ šitēhe le̱. *Ies. 11,15. 16.

¹³ Ni mina *mumo̱i fõdši etẽ ní tamo̱ ko̱ko̱denei mīdše kpo ke̱-mīdše̱ †drako le̱ dāṅ ke̱ **kolo le̱ dāṅ ke̱ ††amalegbalo̱ le̱ dāṅ; *2 Mose 8,8. †Kpods. 12,9. **13,1. ††13,11. Kwe̱ 1 Maṅ. 22,21-23.

¹⁴ edšake̱ daimonioi amumo̱i dšiame̱, ni *ame̱feo̱ okadii, ni ame̱yaä maṅtše̱mei ní yo̱ dšeṅ mū le̱ fẽ le̱ aṅõ, koni ame̱yabua ame̱nā †ke̱-ya Nyoṅmo̱ Ofe le̱ gbĩ wulu le̱ no̱ ta le̱. *13.13. †19,19.

¹⁵ Na, *mība take̱ dšulo̱. Adšō̱ moni sraã ni etoo̱ etadei le̱, koni ekanyie †yayai ní ana ehĩegbĕle le. *1 Tes. 5,2. †8,18.

¹⁶ Ni ebua ame̱nā ke̱-te heko ní atšé̱o̱ dše̱i ye̱ Hebri wiemo mli ake̱ *Harmagedon le̱. *Kods. 5,19. 31. 2 Maṅ. 9,27; 23,29. Zak. 12,11.

¹⁷ Ni bo̱fo ní dši kpawo le̱ fo̱se eto̱ le̱ mli nii le̱ ewo kō̱yo̱ mli; ni gbē kpeteṅkple ko dše̱ ṅwei so̱lemo̱tšũ le̱ṅ ke̱-dše̱ maṅtše̱sẽi le̱ṅ kē̱ ake̱: Agbe nā!

¹⁸ Ni *srawai ke̱ gbẽi ke̱ nyoṅmo̱-šimo̱i ba, ni šikpoṅ hoso wā, bo̱ni ke̱-dše̱ beyino̱ ní gbomei yo̱ šikpoṅ le̱ no̱ ne̱ anako nakai šikpoṅhosomo̱ kpeteṅkple kome ní tamo̱ nõ dã. *4,5; 8,5; 11,19.

¹⁹ Ni *maṅ kpeteṅkple le̱ mli gbla etẽ, ni dšeṅmãdši le̱ amãdši le̱ wule, ni akai Babilon kpeteṅkple le̱ ye̱ Nyoṅmo̱ hĩe, koni aṅõ emlifũ ní nā wa le̱ †kpulu le̱ mli dā̃ le̱ ahãle̱. *11,8. †14,10.

²⁰ Ni *ṅšo̱kpo̱-fẽ-ṅšo̱kpo̱ dšo foi, ni gõdši le̱ anaa doṅṅ. *6,14; 20,11.

²¹ Ni nyoṅmo̱ṅte̱i babaō ni ame̱tšīmo̱ *tamo̱ talenta dšo̱ ṅwei baſie gbomei ano̱; ni gbomei le̱ wie †musubō̱-wiemo̱i ame̱ši Nyoṅmo̱ ye̱ nyoṅmo̱ṅte̱i le̱ ahaomo̱ le̱ hewo̱, edšake̱ ame̱haomo̱ le̱ da tšṍ. *2 Mose 9,23. †K. 9.