Obadia 1 - Ṅmãle̱ Kroṅkroṅ Le̱

¹ Obadia ninā le̱. Bo̱ni Nuṅtšo̱ Iehowa kē̱ ye̱ Edom he ne̱: Wo̱nu sane ko ke̱dše̱ Iehowa ṅõ, ni atšũ bo̱fo ko ke̱-te dšeṅmãdši le̱ ateṅ ake̱: Nyetea ši, ni wo̱te ši wo̱wole̱ ni wo̱ke̱le̱ awu!

² Na, mifeo bibiō ye̱ dšeṅmãdši le̱ ateṅ, ohe guo̱ egbo babaō!

³ Otšuiṅ hewõ le̱ ešišiuo, bo moni *ohĩo̱ te̱kpodši amli, ni ošihĩle̱he yo̱ ṅwei šoṅṅ; okē̱o̱ ye̱ otšui mli ake̱: Namo aa-nyẽmi adšie ke̱-kpleke ši ke̱-ba šikpoṅ? *4 Mose 24,21.

⁴ Kē̱ oyafe otšù ye̱ ṅwei šoṅṅ tamo̱ okropoṅ, ni otšù le̱ ho̱ ṅulamii ateṅ tete le̱, madšieo ke̱-adše̱ dše̱i ke̱-yi ši, Iehowa kē̱.

⁵ Ke̱dši dšulo̱i ba ono̱, ké̱ odšotſalo̱i ba nyõṅ le̱, kwe̱ bo̱ni akpãtã ohĩe! ani ame̱dšuṅ bo̱ni aaše̱ ame̱nā? ké̱ weinyibii kpaloi ba ono le, ani amešĩṅ kpe̱kpe̱-bii?

⁶ Kwe̱ bo̱ni ataoo̱ Esau nibiiaṅ, kwe̱ bo̱ni adšieo̱ edſetrii ni aṅõ-tẽ le̱ aši!

⁷ Mei ni ke̱o kpãṅ le̱ fẽ eſieo ke̱-te hũsũ le̱ no̱ tõ; mei ni ke̱o yo̱ gbẽ dšūrõ le̱ hū ešišiuo ni ame̱ye ono̱; mei ní yeo̱ obolo le̱ tete etšõ̀ tšõne ye̱ ošiši; ebe̱ se̱yomo̱ po.

⁸ Aso dšee nakai gbĩ le̱, Iehowa kē̱, makpãtã nilelo̱i ahĩe ke̱-adše̱ Edom, ke̱ se̱yomo̱ hũ ke̱-adše̱ Esau goṅ le̱ no̱?

⁹ Ni ṅmiṅmi aamõmo̱ ohĩĩ kãkãlo̱i le̱, Teman! beni afe ni ake̱ awuyeli akpãtã mofẽmo hĩe ke̱-dše̱ Esau goṅ le̱ no̱.

¹⁰ Yi ni owa *onyemi Iakob hewo̱ le̱ hĩegbẽle aaha ohe, ni aakpãtã ohĩe ke̱-ate nāno̱. *Ioel 4,19.

¹¹ Gbĩ ni odamo afã, gbĩ ni gbo̱i ṅõ eta le̱ nom ke̱-te ni meikpõdši bote egbói le̱ amli ni ame̱fõ Ierusalem no̱ ošiki le̱, bo hũ otamo̱ ame̱teṅ mo-kome.

¹² Ši *kākwe̱ onyemi le̱ gbĩ ni dši emanehũlũ ghĩ le̱, ni kāye Iudabii le̱ ayo̱ ye̱ ame̱hĩekpãtãmo̱ gbĩ le̱ no̱, ni kāwie hewō wiemo̱ ye̱ ame̱haomo̱ gbĩ le̱ no̱! *Lal. 137,7.

¹³ Kābote mimaṅ le̱ agbó le̱ mli ye̱ ame̱gbĩ ſõṅ le̱ no̱, kākwe̱ ame̱nõnā le̱ ye̱ ame̱gbĩ ſõṅ le̱ no̱, ni kākpã onine mli ota ame̱nii le̱ ahe ye̱ ame̱gbĩ ſõṅ le̱ no̱!

¹⁴ Ni kāyadamo̱ gbe̱nta ni okpãtã emei ni dšoo̱ foi le̱ ahĩe, ni kādšie emei ni eſe̱ le̱ ohã ye̱ efĩmo̱ gbĩ le̱ no̱!

¹⁵ Edšake̱ Iehowa *gbĩ le̱ eše̱ etã ehã dšeṅmãdši le̱ fẽ: †bo̱ni ofe le̱, nakai aafeo, onifemo̱nii le̱ aakū se̱ awula oyi-teṅ! *Ioel 1,15. †Ier. 50,15. 29.

¹⁶ Edšake̱ take̱ bo̱ni nyenunū dãi ye̱ migoṅ kroṅkroṅ le̱ no̱ le̱, nakai noṅṅ dšeṅmãdši le̱ fẽ *aanunū dãi dāne̱; ni ame̱anu ni ame̱amĩ, ni ame̱atšṍmo̱ tamo̱ mei ni be̱ po. *Ier. 95,15.

¹⁷ Ši *Zion goṅ le̱ no̱ le̱ mei ni edše mli le̱ aahĩ dše̱i, ni eetšṍ hekroṅkroṅ, ni Iakob we le̱ nine aaše̱ ame̱gbe̱fãṅnõ le̱ no̱. *Ioel 8,6; 4,17.

¹⁸ Ni Iakob we le̱ aatšṍ *la, ni Iosef we le̱ aatšṍ lalile̱i, ni Esau we le̱ aatšṍ gbetšelii, ni ame̱ahere ye̱ ame̱teṅ, ni ame̱ašãame̱, ni mokomoko eſe̱ṅ hãṅ Esau we le̱; edšake̱ Iehowa kē̱. *Zak. 12,6.

¹⁹ Ni wuoyigbe̱bii le̱ aaṅõ Edom goṅ le̱, ni ṅãno̱ šikpoṅ le̱ no̱ bii le̱ aaṅõ Filistibii ašikpoṅ le̱, ni ame̱aṅõ Efraim ṅã le̱ ke̱ Samaria ṅã le̱, ni Benyamin aaṅõ Gilead.

²⁰ Ni ne̱ke̱ ta ne̱, ni dši Israelbii ni aṅõame̱ nom le̱, aaṅõ Kanaanbii le̱ ke̱-yaši Zarefad, ni Ierusalem nomi ni yo̱ Sefarad le̱ aaṅõ wuoyigbe̱ mãdši le̱.

²¹ Ni yiwalaherelo̱i aakwo̱ ke̱-ba Zion goṅ le̱ no̱, koni ame̱bakodšo Esau goṅ le̱, ni maṅtše̱yeli le̱ aatšṍ Iehowa nõ.