Nehemia 6 - Ṅmãle̱ Kroṅkroṅ Le̱

¹ Ni eba mli ake̱, beni Sanbalat ke̱ Tobia ke̱ Gešem, Arabianyo le̱, ke̱ wo̱henye̱lo̱i ní eſe̱ le̱ nu ake̱ mĩtſa gbogbo le̱, ni heko be̱ ní ekũmo̱ doṅṅ le̱, (tše̱bele̱ no mli le̱ mĩtráko agbói le̱ anā šĩnāi le̱ tete,)

² Sanbalat ke̱ Gešem tšũ aba miṅõ ake̱: Ba ní wo̱kpe ye̱ Ono ṅã kplanã le̱ no̱ akrowai le̱ eko mli! Ši efõṅ ame̱taoo̱ ame̱femi.

³ Ni mitšũ bo̱foi ke̱-te ame̱ṅõ ake̱: Nitšumo̱ ní mitšuo̱ le̱ da, hewo̱ le̱ minyẽṅ maba; mẽba mahã afõ nitšumo̱ le̱, ni mašĩ maba nyeṅõ?

⁴ Kẽle̱ ame̱tšũ ke̱-ba miṅõ nakai noṅṅ šii edſe̱ so̱ṅṅ, ni mito he mihãame̱ nakai noṅṅ.

⁵ Ke̱ke̱ ni Sanbalat tšũ etšũlo̱ ke̱-ba miṅõ nakai noṅṅ noni dši ši enumo̱, ni ehĩe wolo ni nā kã ye̱ edeṅ;

⁶ ni aṅmã ye̱ mli ake: Ātā ye̱ dšeṅmãdši le̱ amli, ni Gašmu hũ kē̱o̱ ake̱ bo ke̱ Iudafoi le̱ mīdſẽṅ atũatšemo̱, nohewo̱ otſaä gbogbo le̱ ne̱, ni asaṅ, bo̱ni akē̱o̱ le̱, ōtao ame̱no̱ maṅtše̱ oye. Ezra 4,12.

⁷ Ni asaṅ akē̱o̱ ake̱ owo gbalo̱i ní ame̱šie̱ bo ye̱ Ierusalem ake̱: Maṅtše̱ ko ye̱ Iuda! Ni agbe̱ne̱ ne̱ke̱ wiemo̱i ne̱ aayaše̱ maṅtše̱ le̱ toiiaṅ. Nohewo̱ le̱ ba ní wo̱yahe adšina!

⁸ Ke̱ke̱ ni mitšũ ate eṅō ake̱: Nii ni okē̱o̱ ne̱, afeko nakai noko; ši bodientše̱ otšui mli sane ofoo̱ otāa ne̱!

⁹ Edšake̱ ame̱fẽ le̱, wo̱he gbeyei ke̱-ke̱ ame̱taoo̱ ame̱wo, ni ame̱susuo̱ ake̱: Ame̱nidšiaṅ badše wui ye̱ nitšumo̱ le̱ he, ni agõ. — Nohewo̱ le̱ agbe̱ne̱, wadšemo̱ minidšiaṅ!

¹⁰ Ni mite Šemaia ni dši Mehetabel bi Delaia bi le̱ we le̱; ši eṅã́ eyi, ni ekē̱: Hã wo̱yakpe ye̱ Nyoṅmo̱ we le, ye̱ so̱lemo̱tšũ le̱ mli, ni wo̱ṅã́mo̱ so̱lemo̱tšũ le̱ šĩnāi le̱; edšake̱ ame̱baba ní ame̱bagbeo, nyõṅ po ame̱baba ni ame̱bagbeo!

¹¹ Ni mikē̱: Aso nū ní tamo̱mi aadšo foi? Ni namo yo̱ ni tamo̱mi ni eebote so̱lemo̱tšũ le̱ṅ, koni eyi aná wala? Miyaa mli!

¹² Ni miyo se̱ ake̱ dšee Nyoṅmo̱ tšũ-le̱, ši moṅ mi egba ne̱ke̱ gbale̱ ne̱ eši, edšake̱ Tobia ke̱ Sanbalat ebo̱le̱ apā.

¹³ Ene̱hewo̱ abo̱le̱ apā le̱, beni afe ní maše gbeyei ni mafe nakai, ni *mafe eša, koni ame̱ná sane fõṅ ko ame̱yatã, ni ame̱ke̱-bo̱mi ahora. *4 Mose 18,7.

¹⁴ *Mi-Nyoṅmo̱, kaimo̱ Tobia ke̱ Sanbalat ye̱ ame̱nitšumo̱i ne̱ anā, ke̱ gbalo̱yõ Noadia ke̱ gbalo̱i ní eſe̱ le̱ hũ, mei ni taoo̱ ní kũle̱ ame̱wo mihe gbeyei le̱. *5,36. 37.

¹⁵ Ni gbĩĩ nyoṅmai-enumo̱ ke̱ enyo̱ se̱ le̱ agbe gbogbo le̱ nā ye̱ Elul nyõṅ le̱ no̱ gbĩ ní dši gbĩ nyoṅmai-enyo̱ ke̱ enumo̱ le̱ no̱.

¹⁶ Ni eba mli ake̱, beni wo̱henye̱lo̱i le̱ fẽ nu le̱, dšeṅmãdšĩ ní bo̱lewo̱ le̱ fẽ še gbeyei, ni ame̱hĩe gboi wo ame̱yitseiaṅ; edšake̱ ame̱yo ake̱ ne̱ke̱ nitšumo̱ ni atšu ne̱, wo̱-Nyoṅmo̱ le̱ deṅ dše̱.

¹⁷ Asaṅ nakai gbĩĩ le̱ amli le̱ Iuda abladei le̱ ṅmlã wodši pī yahã Tobia, ni Tobia hũ nii ba ame̱ṅõ.

¹⁸ Edšake̱ mei pī ye̱ Iuda ní ekãmo̱le̱ kitãi; edšake̱ Ara bi Šekania šānū dšile̱, ni ebinū Iehohanan ebaw̌e̱ Berekia bi Mešulam biyō.

¹⁹ Asaṅ ame̱bawieo̱ ehe ekpakpa ame̱tšṍo̱mi, ni mi hū miwiemo̱i le̱ ame̱yagbaäle̱. Ši wodši le̱, mihe gbeyei Tobia ke̱-bawo.