Nehemia 11 - Ṅmãle̱ Kroṅkroṅ Le̱

¹ Ni maṅ le̱ no̱ *onukpai le̱ hĩ Ierusalem; ši maṅbii ni eſe̱ le̱ hũ fõfō̃ ošikii, koni mei nyoṅma ateṅ le̱ mokome abahĩ Ierusalem, maṅ kroṅkroṅ le̱ṅ, ni mlidšāi ne̱hũ le̱ ahĩ mãdši le̱ amli. *7,5.

² Ni maṅbii le̱ dšō̱ hĩĩ fẽ ní ši ame̱ tšitši ake̱ ame̱abahĩ Ierusalem le̱.

³ Agbe̱ne̱ šikpoṅ le̱ no̱ onukpai ní hĩ Ierusalem le̱ ne̱. Ši Iuda mãdši le̱ amli le̱ mofẽmo hĩ le̱dientše̱ ešikpoṅ no̱ ye̱ ame̱mãdši le̱ amli: Israel, oso̱foi le̱ ke̱ Levibii le̱ ke̱ so̱lemo̱we súolo̱i le̱ ke̱ *Salomo tšũdši abii le̱. *7,67.

⁴ Ši Ierusalem le̱ Iudabii le̱ ekomei ke̱ Benyaminbii le̱ ekomei hī dše̱i. Iudabii le̱ ateṅ le̱: Ataia, Uzia bi, Zakaria bi, Amaria bi, Šefatia bi, Mahalalel bi ni dše̱ Perez bii le̱ ateṅ le̱,

⁵ ke̱ Maaseia, Baruk bi, Kol-Hoze bi, Hazaia bi, Adaia bi, Ioiarib bi, Zakaria bi, Šilonnyo bi le̱.

⁶ Perez bii le̱ fẽ ni hĩ Ierusalem le̱ dši ohai-edſe̱ ke̱ nyoṅmai-ekpa ke̱ kpānyo̱, hĩĩ kãkãlo̱i so̱ṅṅ.

⁷ Ni Benyaminbii le̱ ne̱: Salu, Mešulam bi, Ioed bi, Pedaia bi, Kolaia bi, Maaseia bi, Itiel bi, Iesaia bi le̱.

⁸ Ni ese̱ le̱ Gabai ke̱ Salai: mei ohai-ne̱hũ ke̱ nyoṅmai-enyo̱ ke̱ kpānyo̱.

⁹ Ni Ioel, Zikri bi le̱, dši ame̱no̱kwe̱lo̱; ni Iuda, Hasenua bi le̱, dši ese̱mo ye̱ maṅ le̱ no̱.

¹⁰ Ni oso̱foi le̱ ateṅ le̱: Iedaia, Ioiarib bi le̱, ke̱ Iakin;

¹¹ Seraia, Hilkia bi, Mešulam bi, Zadok bi, Meraiot bi, ni dši Ahitub, Nyoṅmo̱ we le̱ no̱ lumo̱ le̱, bi le̱,

¹² ke̱ ame̱nyemimei le̱ ni tšuo̱ šĩa le̱ he nii le̱, mei ohai-kpānyo̱ ke̱ nyoṅmai-enyo̱ ke̱ enyo̱; ke̱ Adaia, Ieroham bi, Pelalia bi, Amzi bi, Zakaria bi, Pašhur bi, Malkia bi le̱,

¹³ ke̱ enyemimei ni dši tše̱mei awei le̱ ano̱ onukpai lo̱: ohai-enyo̱ ke̱ nyoṅmai-edſe̱ ke̱ enyo̱; ke̱ Amašai, Azarel bi, Ahazai bi, Mešilemot bi, Imer bi le̱,

¹⁴ ke̱ enyemimei le̱, hĩĩ kãkãlo̱i so̱ṅṅ: oha ke̱ nyoṅmai-enyo̱ ke̱ kpānyo̱. Ni ame̱no̱kwe̱lo̱ dši Zabdiel, Gedolim bi le̱.

¹⁵ Ni Levibii le̱ ateṅ hũ: Šemaia, Hašub bi, Azrikam bi, Hašabia bi, Buni bi le̱,

¹⁶ ke̱ Šabetai ke̱ Iozabad ni dše̱ Levibii anukpai le̱ ateṅ ni kwe̱o̱ Nyoṅmo̱ we le̱ kpono̱gbe̱ nitšumo̱ le̱ no̱ le̱,

¹⁷ ke̱ Matania, Mika bi, Zabdi bi, Asaf bi le̱, moni dši onukpa ni dšeo̱ šidä lala šiši ye̱ so̱lemo̱ le̱ mli le̱, ke̱ Bakbukia ni dši enyemimei le̱ ateṅ moni nyie ese̱ le̱, ke̱ Abda, Šamua bi, Galal bi, Iedutun bi le̱.

¹⁸ Levibii le̱ ſē ni yo̱ maṅ kroṅkroṅ le̱ mli le̱ anā šio̱ ohai-enyo̱ ke̱ nyoṅmai-kpānyo̱ ke̱ edſe̱.

¹⁹ Asaṅ agbónākwe̱lo̱i le̱ ni dši Akub ke̱ Talmon ke̱ ame̱nyemimei le̱, ni buo̱ agbói le̱ anā le̱, anā šio̱ oha ke̱ nyo-ṅmai-kpawo ke̱ enyo̱.

²⁰ Ni Israelbii ni eſe̱ le̱, oso̱foi le̱ ke̱ Levibii le̱, ye̱ Iuda mãdši le̱ fẽ mli, mofẽmo ye̱ le̱dientše̱ ešikpoṅ no̱.

²¹ Ši so̱lemo̱we súolo̱i le̱ hĩ Ofel; ní Ziha ke̱ Gišpa dši so̱lemo̱we súolo̱i le̱ anukpai.

²² Ni Levibii le̱ ní yo̱ Ierusalem le̱ ano̱kwe̱lo̱ dši Uzi, Bani bi, Hašabia bi, Matania bi, Mika bi le̱. Edše̱ Asaf bii ní dši lalatše̱mei ni kwe̱o̱ Nyoṅmo̱ we le̱ nitšumo̱ le̱ no̱ le̱ ateṅ.

²³ Edšake̱ maṅtše̱ le̱ ewo kitã ye̱ ame̱-hewo̱, ni ato lalatše̱mei le̱ agbe̱nã afõ ši ahãame̱, gbĩ-fẽ-gbĩ ke̱ enõ.

²⁴ Ši Petahia, Mešezabel bi le̱, ni dše̱ Iuda bi Zera bii le̱ ateṅ le̱, yo̱ maṅtše̱ le̱ he ye̱ maṅ le̱ sane-fë-sane mli.

²⁵ Ši akrowai le̱ ke̱ ame̱kōi ase̱ le̱, Iudabii le̱ ateṅ meikomei hi *Kiriat-Arba ke̱ ehe mãdši le̱ amli, ke̱ Dibon ke̱ ehe mãdši le̱ amli, ke̱ Iekabzeel ke̱ ehe akrowai le̱ amli, *Ios. 20,7; 21,11.

²⁶ ke̱ Iešua ke̱ Molada ke̱ Bet-Pelet

²⁷ ke̱ Hazar-Šual ke̱ Beeršeba ke̱ ehe mãdši le̱ amli,

²⁸ ke̱ *Ziklag ke̱ Mekona ke̱ ebe mãdši le̱ amli, *Ios. 15,31.

²⁹ ke̱ En-Rimon ke̱ Zora ke̱ Iarmut,

³⁰ Zanoa, Adulam ke̱ ame̱he akrowai le̱ amli, ke̱ Lakiš ke̱ ekoi ase̱, ke̱ Azeka ke̱ ehe mãdši le̱ amli. Ni ame̱he ši ke̱-dše̱ Beeršeba ke̱-yaši Hinom dšō̱ le̱ṅ.

³¹ Ni Benyaminbii le̱ ni dše̱ Geba le̱ bi Mikmaš ke̱ Aia ke̱ *Betel ke̱ ehe mãdši le̱ amli, *Ios. 18,22.

³² ke̱ Anatot ke̱ Nob ke̱ Anania,

³³ Hazor, Rama, Gitaim,

³⁴ Hadid, Zeboim, Nebalat,

³⁵ Lod ke̱ Ono ke̱ ṅāle̱i adšō̱ le̱ṅ.

³⁶ Ši Levibii le̱ amlidšāi le̱ ekomei ni dše̱ Iuda nõ mli le̱ yahĩ Benyaminbii ateṅ.