Mika 5 - Ṅmãle̱ Kroṅkroṅ Le̱

¹ Ni bo, *Betlehem Efrata, ní odaa bo̱ni aabuo aši Iuda wekui le̱ ano̱, bo kẽ omli moko aadše̱ aba ahãmi, ní ebatšṍ Israel no̱yelo̱, moni ekpo-dšēi †dše̱ blema bēbe ke̱-dše̱ nāno̱ gbĩĩ le̱ amli le̱. *Mat. 2,5. 6. †Ioh. 1,1. 2.

² Nohewo̱ le̱ eeṅõame̱ ehã ke̱-yaši beyino̱ ni *yōfo̱yō le̱ aafo̱, ni enyemimei le̱ ateṅ mei ni eſe̱ le̱ †aakũ ame̱se̱ ke̱-aba Israelbii le̱ aṅõ. *Ies. 7,15. †Ies. 11,12.

³ Ni eedamo̱ ši ni *eelè̱ame̱ ye̱ Iehowa hewale̱ ke̱ Iehowa, e-Nyoṅmo̱ le̱, gbe̱i le̱ agbodšē mli, ni ame̱ahĩ ši ſeſēſe; edšake̱ agbe̱ne̱ eeda ke̱-yaši šikpoṅ le̱ nāgbēhei le̱. *Ezek. 34,23.

⁴ Ni mone̱ aatšṍ *hedšo̱le̱. Ké̱ Ašur mītao aba wo̱šikpoṅ le̱ no̱ ní ebabote wo̱mõdši fe̱fe̱dši le̱ amli le̱, no le̱ wo̱o̱tē no̱kwe̱lo̱i kpawo ke̱ lume̱i kpānyo̱ ši wo̱-wole̱. *Ies. 9,5. Ef. 2,15.

⁵ Ni ame̱ke̱ klante aalè̱ Ašur šikpoṅ le̱ ke̱ Nimrod šikpoṅ le̱ ye̱ egbói le̱ anā; ni eeherewo̱ ke̱-dše̱ Ašur deṅ, ké̱ eba wo̱šikpoṅ le̱ no̱, ni ebanānā wo̱hūsũi le̱ ano̱ le̱.

⁶ Ni Iakob ſē̱nõ le̱ aatšṍ *tamo̱ bó̱ ní dše̱ Iehowa ṅõ ye̱ mãdšimãdši pī ateṅ, tamo̱ futufuli ní ſãa dſe̱i no̱, ní emẽẽ gbomo ko gbomo ko, ní ekwe̱e̱ gbomei abii agbe̱ le̱. *Lal. 110,3.

⁷ Ni Iakob ſē̱nõ le̱ aatšṍ ye̱ dšeṅmãdši le̱ amli ke̱ mãdšimãdši pī ateṅ tamo̱ dšata ye̱ kōṅ koloi ateṅ, lo tamo̱ dšata oblanyo ye̱ tōikui ateṅ, ní ké̱ ebatšṍ mli ke̱-ho le̱, *enānāa no̱ ní etšere̱o̱ mli, ní dšielo̱ ko be̱ le̱. *Lal. 7,3. 6.

⁸ Wó onine no̱ ye̱ ohaolo̱i le̱ ano̱, ní obenye̱lo̱i le̱ fẽ aplenē!

⁹ Ni aaba mli ake̱ nakai gbĩ ie̱ no̱ le̱, Iehowa kē̱, maplenē okpo̱ṅo̱i le̱ ke̱-adše̱ omli, ni makpãtã oſīlii le̱ ahĩe; Zak. 9,10.

¹⁰ ni maplenē ošikpoṅ le̱ no̱ mãdši le̱, ni makũmo̱ omõdši le̱ fiā;

¹¹ ni maplenẽ ṅkũnyāyelii ke̱-adše̱ odeṅ, ní onáṅ okõmfoi doṅṅ;

¹² ni maplenē omāgãi ke̱ owo̱ṅte̱i le̱ ke̱-adše̱ omli, ni odšáṅ onidši anā nitšumo̱ le̱ doṅṅ; Zak. 13,2.

¹³ ni mafãmo̱ okrabatšai le̱ ke̱-adše̱ omli, ni makpãtã omãdši le̱ ahĩe;

¹⁴ ni mike̱ mlifũ ke̱ mlila aato̱ owele ye̱ dšeṅmādši ní boo toi le̱ ano̱.