Mika 1 - Ṅmãle̱ Kroṅkroṅ Le̱

¹ Iehowa wiemo̱ ni ba *Mika, Moraštinyo le̱, ṅõ ye̱ †Iotam, Ahaz ke̱ Hizekia, Iuda maṅtše̱mei le̱, ayino̱, ni ena ye̱ Samaria ke̱ Ierusalem hewo̱ ne̱: *Ier. 26,13. †Ies. 1,1.

² Nyeboa toi, nye mãdšimãdši fẽkwa! nyefea toi, šikpoṅ ke̱ emli nii le̱! ni Nuṅtšo̱ Iehowa, ni dši Nuṅtšo̱ le̱, adše̱ eso̱lemo̱we kroṅkroṅ le̱ aye odase ašinye!

³ Ši na, Iehowa edše kpo ke̱-dše̱ egbe̱he le̱, ni eeyi ši, ní ebanyie šikpoṅ le̱ no̱ *hei groṅṅi le̱ ano̱. *Amos 4,13.

⁴ Ni gõdši le̱ aasĕre ye̱ ešiši, ni dšō̱i le̱ amli aagblagblai, tamo̱ wò-agbaku sĕreo̱ ye la hĩe, tamo̱ nu ní hoo̱ ſimſim ye heko ni emã enā ši.

⁵ Iakob mlatõmo̱ le̱ ke̱ Israel we le̱ he ešai le̱ ahewo̱ ni ene̱mei fẽ baä ne̱. Mẽ dši Iakob mlatõmo̱ le̱? *ani dšee Samaria ni? ni mẽ dši Iuda hei groṅṅi le̱? ani dšee Ierusalem ni? *Ier. 23,13. 14.

⁶ Ni mafe Samaria kóikói ye̱ ṅã le̱ no̱, ke̱ weintromi amli te̱omo̱nii, ni mafo̱se emli te̱i le̱ maſie dšō̱ le̱ mli, ni madšie ešišĩtōi le̱ akpo.

⁷ Ni aadſăra emãgãi le̱ fẽ, aašã *enikēnii le̱ fẽ ye̱ la mli, ni mafe ewo̱dši le̱ fẽ amaṅfõ; edšake̱ adſamaṅ nyōmo̱wo mli ebua nā ke̱-dše̱, ni adſamaṅ nyõmo̱wo noṅṅ ame̱atšṍ ekoṅ! *Hos. 3,7. 14.

⁸ Ene̱ hewo̱ le̱ mawo yăra ni mawo̱ lele, manyie pasā ke̱ yayai; mawo yăra tamo̱ ṅãṅgbēi, ni maye ṅko̱mo̱ tamo̱ dugumai.

⁹ Edšake̱ epilamo̱i le̱ ehĩĩ tsámo̱; edšake̱ ehe Iuda tõ, eše̱ mimaṅ le̱ agbó le̱ nā, eše̱ Ierusalem!

¹⁰ *Nyekayagbaä ye̱ Gat! nyekayafóa ye̱ Ako! makoklo lamlu mii ye̱ Bet-Afra! *2 Sam. 1,20.

¹¹ Nyehoa ke̱-yaä ke̱ hĩegbĕle ke̱ he-yayai, nye Safirbii! Zaanabii le̱ edšee kpo doṅṅ; Bet-Ezel yărafemo̱ le̱ ehã edāmo̱ ni ebadamo̱ nyemase̱i le̱ ebo̱nye!

¹² Marotbii le̱ mīkwe̱ nõkpakpa gbe̱; edšake̱ nõfõṅ dše̱ Iehowa ṅõ kpleke ši ke̱-ba Ierusalem agbó le̱ nā.

¹³ Nyefĩa ſīli nyekpe̱te̱a okpo̱ṅo̱ ní he yo̱ oyá le̱, nye Lakišbii! le̱ dši eša šišidšē hã Zion biyō le̱; edšake̱ bo omli ana Israel mlatõmo̱i le̱ ye̱!

¹⁴ Nohewo̱ le̱ oohã Morešet-Gat mligblamo̱wolo. Akzib šĩai le̱ aatšṍmo̱ šišiumo̱-fā ahã Israel maṅtše̱mei le̱.

¹⁵ Kẽle̱ mike̱ no̱yelo̱ aaba nyeno̱, Marešabii le̱; Israel hĩenānobii le̱ aaše̱ Adulam tō̃.

¹⁶ Kpo̱ oyi ní oše̱ otšẽṅ ye̱ obii ni onyã́a ame̱he le̱ ahewo̱; hã oyiteṅ kpatā le̱ alē̱ tamo̱ akpaṅa nõ! edšake̱ ame̱dše ohe ame̱te nomṅō̃ mli!