Mateo 7 - Ṅmãle̱ Kroṅkroṅ Le̱

¹ Nyekakodšoa, koni akakodšonye. Rom. 2,1. 1 Kor. 4,5.

² Ši nõ kodšomo̱ ní nyeṅõ-kodšoo̱ le̱, aaṅõ-kodšonye; ni nō susumo̱nõ ni nyeṅõ-susuo̱ le̱, aaṅõ-susu ahãnye. Mar. 4,24.

³ Ši mẽba onaä kuli ní yo̱ onyemi hĩṅme̱i mli le̱, ši bodientše̱ ohĩṅme̱i mli mplãṅ le̱, oyoo le̱?

⁴ Alo té aafe tēṅ ní ookē̱ onyemi ake̱: Hã madšĩe kuli le̱ ye̱ ohĩṅme̱i mli, tše̱ mplãṅ ye̱ bodientše̱ ohĩṅme̱i mli.

⁵ Osatofo, dšiemo̱ mplãṅ le̱ ye̱ bodientše̱ ohĩṅme̱i mli tšutšu, ni no dãni oona faṅṅ ni odšie kuli le̱ ye̱ onyemi le̱ hĩṅme̱i mli.

⁶ Nyekaṅōa noni dši *kroṅkroṅ le̱ nyehãa šifõdši le̱; asaṅ nyekaše̱re̱a nyedſenei nyeſiea kplotoi ahĩe, ní aleenõ ame̱banānā no̱ ye̱ ame̱nãdši aši, ní ame̱tšṍmo̱ ame̱hĩe ame̱batšere̱nye. *10,11.

⁷ Nyebia, ni aahãnye; nyetaoa, ni nyeana; nyešia, ni aagble ahãnye. Mar. 11,24. Luk. 11,5-13, Ier. 29,13. 14.

⁸ Ši mofẽmo ní bio̱ le̱, aahãle̱; ni moni taoo̱ le̱, enaä; ni moni šio̱ le̱, agbleo̱ ahãale̱.

⁹ Alo nyeteṅ namo ni, ke̱dši ebi bile̱ abolo, ni eehãle̱ te̱?

¹⁰ Alo ke̱dši ebile̱ ṅšo̱ṅlō, ni eehãle̱ onũfũ?

¹¹ Agbene ke̱dši nye ní nyedši meifõdši le̱ nyele bo̱ni nyefeo̱ nyeṅõo̱ nikpakpai nyehãa nyebii le̱: enyie noṅṅ nyetše̱ ní yo̱ ṅwei le̱ eṅõṅ nikpakpai ehãṅ mei ni bio̱le̱ le̱? Iak. 1,17.

¹² Nohewo̱ le̱, nofẽno ní nyetaoo̱ ake̱ mei aṅõ-fenye le̱, nye hũ nyefeaame̱ nakai noṅṅ; edšake̱ ene̱ dši mla le̱ ke̱ gbalo̱i le̱. 22,39. 40. Rom. 13,8-10.

¹³ Nyebotee agbó fintō̃ le̱ mli! Edšake̱ agbó ní lē̱ ke̱ gbe te̱trē̱ dši noni ke̱ mo yaä hĩekpãtãmo mli le̱, ni mei ní boteo̱ mli le̱ fá pī. Luk. 13,24.

¹⁴ Ši agbó fintō̃ ke̱ gbe ní etša dši noni ke̱ mo yaä wala mli le̱, ni mei fiō dši mei ní naä no. 19,24. Bo̱f. 14,22.

¹⁵ Ši nyehĩe ahĩa nyehe no̱ ye̱ *osatogbalo̱i le̱ ahe, edšake̱ ame̱ṅõo̱ tōwolo ame̱haä amehe ke̱-baã nyeṅõ, ši †ame̱mligbe̱ le̱ klădši fulo̱i dšiame̱. *24,4. 5. 24. †Bo̱f. 20,29.

¹⁶ Ame̱yibii le̱ nyeke̱-aleame̱. Ani atšeo̱ weinyibii ye̱ ṅmeitšei ano̱, alo atšeo̱ agbãmii ye̱ aklatii ano̱? Gal. 5,19-22. Iak. 3,12.

¹⁷ Nakai noṅṅ tšo-fẽ-tšo ní dši ekpakpa le̱ woo̱ yibii kpakpai; ši tšo fõṅ woo̱ yibii fõdši. 12,33.

¹⁸ Tšo kpakpa nyẽẽ awo yibii fõdši, ni asaṅ tšo fõṅ nyẽẽ awo yibii kpakpai.

¹⁹ Tšo-fẽ-tšo ní woo yibii kpakpai le̱, aatōle̱, ni aṅõle̱ awo la mli. 3,10. Ioh. 15,2. 6.

²⁰ Nohewo̱ le̱ ame̱yibii le̱ nyeke̱-aleame̱.

²¹ *Dšee mofẽmo ní kē̱o̱mi ake̱: Nuṅtšo̱, Nuṅtšo̱! le̱, aabote ṅwei maṅtše̱yeli le̱ mli; ši moṅ moni feo̱ mitše̱ ní yo̱ ṅwei le̱ suomo̱nānii le̱. *Rom. 2,13. Iak. 1,22. 25; 2,14.

²² Mei pī aakē̱mi ye̱ no gbĩ le̱ no̱ ake̱: Nuṅtšo̱, Nuṅtšo̱! ani dšee bo ogbe̱i le̱ mli wo̱gba ye̱, ni ogbe̱i le̱ mli wo̱fãmo̱ daimonioi ye̱, ni ogbe̱i le̱ mli wo̱fe hewale̱nibii pī ye̱ lo? Luk. 13,25-27. 1 Kor. 13,1. 2.

²³ Ni no le̱ magba mli makē̱ame̱ ake̱: Mileenye kwrā, nyedšea mino̱ nyeyaä, nye mei ní nyetšuo nibii ní edšaa gbe̱! 25,41. 2 Tim. 2,19.

²⁴ Nohewo̱ le̱, mofẽmo ni nuo̱ miwiemoi ne̱ ni eyeo̱ no̱ le̱, maṅõle̱ mato ṅālelo̱ ní mă étšũ ye̱ te̱sā no̱ le̱ he. K. 21.

²⁵ Ni nyoṅmo̱ tue, ni fāi ba, ni kō̱yo̱ tſa, ni ame̱šimo̱ tšũ le̱, ši ewulee; edšake̱ ato šiši ye̱ te̱sā no̱.

²⁶ Ni mofẽmo ni nuo̱ miwiemo̱i ne̱ ni eyee no̱ le̱, aaṅõle̱ ato nū kwašia ní mã etšũ ye̱ šia no̱ le̱ he.

²⁷ Ni nyoṅmo̱ tue, ni fāi ba, ni kō̱yo̱ tſa, ni ame̱šimo̱ tšũ le̱, ni ewule, ni ewulemo̱ le̱ da. Ezek. 13,10. 11.

²⁸ Ni eba mli ake̱, beni Iesu egbe wiemo̱i ne̱ ana le̱, *mei le̱ ahe dšõ amo̱he ye̱ eniitšõmo̱ le̱ hewo̱; *Mar. 1,22. Luk. 4,32.

²⁹ edšake̱ etšõame̱ nii ake̱ moko ní yo̱ hegbe̱, ši tamo̱o̱ ame̱woloṅmãlo̱i le̱. Ioh. 7,46.