Mateo 5 - Ṅmãle̱ Kroṅkroṅ Le̱

¹ Ši beni ena mei pī le̱, ekwo̱ ete goṅ le̱ no̱, ni beni eho eta ši le̱, ekaselo̱i le̱ ba eṅõ.

² Ni egble enā etšõame̱ nii ekē̱:

³ Adšō̱ mumo̱ le̱ṅ ohĩafoi le̱; ši ame̱nõ dši ṅwei maṅtše̱yeli le̱. Ies. 57,15.

⁴ Adšō̱ mei ní yeo̱ ṅko̱mo̱ le̱; ši aaše̱dše ame̱mī. Lal. 126,5. Ies. 61,2. Kpods. 7,17.

⁵ Adšō̱ mei ní he dšo̱ le̱; ši ame̱aye šikpoṅ le̱ no̱. Lal. 37,11.

⁶ Adšō̱ mei ni dšale̱ he hõmo̱ ke̱ kũmai yeo̱ame̱ le̱; ši ame̱atŏ̱ro̱.

⁷ Adšō̱ mei ni naã mo̱bo̱; ši aanaame̱ mo̱bo̱. Iak. 2,13.

⁸ Adšō̱ mei ní tšuii amli tše le̱; ši ame̱ana Nyoṅmo̱. Lal. 51,12. 1 Ioh. 3,2. 3.

⁹ Adšō̱ mei ní kpãtãa le̱; ši aatšé̱ame̱ Nyoṅmo̱ bii. Heb. 12,14.

¹⁰ Adšō̱ mei ní dšale̱ hewo̱ ni awaäame̱ yi le̱; ši ame̱nõ dši ṅwei maṅtše̱yeli le̱. 1 Pet. 3,14.

¹¹ Adšō̱nye, ke̱dši adšé̱nye ní awanye yi ni amale awie nyehe efõṅ-fẽ-efõṅ ye̱ mihewo̱ le̱. 1 Pet. 4,14.

¹² Nyenyã́a ni nyemli aflianye; ši nyenyõmo̱wo fá ye̱ ṅwei; edšake̱ nakai ame̱wa gbalo̱i ní tšṍ nyehĩe le̱ ayi. Iak. 5,10. Heb. 11,33-38.

¹³ Šikpoṅ le̱ no̱ ṅō dšinye. Ši ke̱dši ṅō nānu gbo le̱, meni ake̱-awole̱ ṅō doṅṅ? Ehĩĩ hãã noko doṅṅ, ake̱ dša atši aſie, ní gbomei nānā no̱. Mar. 9,50. Luk. 14,34. 35.

¹⁴ Nyedši dše le̱ṅ la le̱. Maṅ ni mã goṅ no̱ le̱, anyẽṅ aṅõ-tẽ. Ioh 8,12.

¹⁵ Asaṅ esuu kane amãã tšese šiši: ši moṅ aṅõ-mãa kanetšo no̱, ni etšoo̱ ehāa mei ní yo̱ šīa le̱ fẽ. Mar. 4,21.

¹⁶ Nakai nyehãa nyela atšoa ye̱ gbomei ahĩe, koni ame̱na nyenifemo̱nii kpakpai le̱, ni ame̱wo nyetše̱ ní yo̱ ṅwei le̱ hĩe nyam. Ef. 5,8. 9. 1 Pet. 2,12.

¹⁷ Nyekasusua ake̱ miba mla le̱ lo gbalo̱i le̱ agū; mibaa gū, ši moṅ nāgbē miba. 3,15. Rom. 3,31; 10,4.

¹⁸ Ši le̱le̱ṅ, mikē̱o̱nye ake̱: Gbĩĩ abo̱ ní ṅwei ke̱ šikpoṅ hoko ne̱, yota kome lo kuli kome edšeṅ mla le̱ mli hoṅ, dša agbe fẽ nā. Luk. 16,17; 21,33.

¹⁹ Nohewo̱ le̱ mofẽmo ní agoi kitãi bibii ne̱ ateṅ *ekome ní eetšõ mei nakai le̱, aatšé̱le̱ bibiō fè fẽ ye̱ ṅwei maṅtše̱yeli le̱ mli; ši mofẽmo ní aaye no̱ ni eetšõ le̱, le̱ le̱ aatšé̱le̱ agbo ye̱ ṅwei maṅtše̱yeli le̱ mli. *Iak. 2,10.

²⁰ Ši mīkē̱nye ake̱: Ke̱dši nyedšale̱ le̱ fáá tekee woloṅmãlo̱i ke̱ Farisifoi anõ le̱ no̱ le̱, nyeboteṅ ṅwei maṅtše̱yeli le̱ mli kwrā.

²¹ Nyenu ake̱, akē̱ blemabii le̱ ake̱: “Kāgbe gbomo!” ši mofẽmo ní aagbe gbomo le̱, eeye kodšomo̱ le̱ṅ fo̱. 2 Mose 20,13; 21,12. 3 Mose 24,17. 2 Mose 17,8.

²² Ši mi le̱, mīkē̱nye ake̱: Mofẽmo ní mli fũo̱ enyemi (yaka) le̱, eeye kodšomo̱ le̱ṅ fo̱; ni mofẽmo ní aake enyemi ake̱: “Raka” [yakagbomo] le̱, eeye adšina le̱ hĩe fo̱; ni mofẽmo ní aakē̱ ake̱: “Bo se̱ke̱yelo̱” le̱, eeye la-gehena le̱ mli yā fo̱. 1 Ioh. 3,15.

²³ Nohewo̱ le̱, ke̱dši oke̱ onõkēnõ le̱ bāṅmẽ afo̱lešãlate̱ le̱ no̱, ni okai ye̱ dše̱i ake̱ onyemi ke̱o teṅ ye̱ sane ko le̱, Mar. 11,25.

²⁴ ši onõkēnõ le̱ ye̱ dše̱i ye̱ afo̱lešãlate̱ le̱ hĩe, ni oya oke̱ onyemi le̱ ayakpãtã dā, koni oba ní oke̱ onõkēnõ le̱ abahā.

²⁵ Oke̱ obelo̱ le̱ atšá mrã, beni oke̱le̱ nyie gbe le̱; koni aleenõ obelo̱ le̱ akaṅõo ehã kodšolo̱ le̱ gbĩko, ni kodšolo̱ le̱ ṅõo ehã tšũlo̱ le̱, ni aṅõo awo tšũṅ. 6,14. 15; 18.35. Luk. 12.58. 59.

²⁶ Le̱le̱ṅ, mīkē̱o ake̱: Odšeṅ dše̱i odšeṅ kpo ke̱-yaši beyino̱ ní oowo nāgbē hĩeo le̱.

²⁷ Nyenu ake̱ akē̱ blemabii le̱ ake̱: “Kāfite gblã!” 2 Mose 20,14.

²⁸ Ši mi le̱, mīkē̱nye ake̱: Mofẽmo ní kwe̱o̱ yō ni ehe feo̱le̱ ako̱no̱ le̱, eke̱le̱ éfite gblã momo ye̱ etsui mli. Hiob. 31,1. 2 Pet. 2,14.

²⁹ Ši ke̱dši ohĩṅme̱i dšŭrõ mītõtõ onane le̱, fā̃, ni ošé̱ ofõ; edšake̱ši ehĩ hão ake̱ ohenii le̱ eko fiteo̱, koni akašé̱ ogbomotšo mū le̱ afõ gehena mli. 18,8. 9. Mar. 9,43. 47, Kol. 3,5.

³⁰ Ni ke̱dši onine dšŭrõ mītõtõ onane le̱, fṍ, ni ošé̱ ofõ; edšake̱ši ehĩ hão ake̱ ohenii le̱ eko fiteo̱, koni akašé̱ ogbomotšo mū le̱ afõ gehena mli.

³¹ Asaṅ akē̱ ake̱: “Mofẽmo ní aaſie eṅã le̱ ehāle̱ ſiemo̱-wolo.” 19,3-9. 5 Mose 24,1.

³² Ši mi le̱, mīkē̱nye ake̱: Mofẽmo ní aaſie eṅã ní dšee adſamaṅbō̱ sane hewo̱ṅ le̱, ehãa no fiteo̱ gblã; ni mofẽmo ní aaw̌e̱ moni aſiele̱ le̱, ēfite gblã. Luk. 16,18. 1 Kor. 7,10. 11.

³³ Asaṅ nyenu ake̱, akē̱ blemabii le̱ ake̱: “Kākã amale kitã, ši ye okitãi le̱ ano̱ ohã Nuṅtšo̱ le̱.” 2 Mose 20,7. 8 Mose 19,12. 5 Mose 30,8.

³⁴ Ši mi le̱, mīkē̱nye ake̱: *Nyekakãa kitã kwrā! Kākã ṅwei, ši †Nyoṅmo sẽi ni; *28,15-22. †Ies. 66,1. Bo̱f. 7,49.

³⁵ alo šikpoṅ, ši enãdšiaši māṅō ni; alo Ierusalem, ši *maṅtše̱ agbo le maṅ ni. *Lal. 48,3.

³⁶ Ni okakã oyitšo tete, edšake̱ onyẽṅ ofe yitšo̱i kome eye̱ṅ lo ediṅ.

³⁷ Ši nyehãa nyewiemo̱ afea: Hē̃, hē̃! dabi, dabi! ši nofẽno ní fè ene̱mei le̱ edše̱ mofõṅ le̱ṅ, 2 Kor. 1,17. Iak. 5,12.

³⁸ Nyenu ake̱ akē̱: “Ake̱ hĩṅme̱i ato hĩṅme̱i nãdšiaṅ, nĩ ake̱ nyãnyõṅ ato nyãnyõṅ nãdšiaṅ.” 3 Mose 24,19. 20.

³⁹ Ši mi le̱, mīkē̱nye ake̱: Nyekakũa efõṅ le̱ nā; ši moṅ mofẽmo ní aagba oninedšŭrõ toiṅ le̱, tšṍ eko le̱ hũ ohãle. Ioh. 18,22. 23. 3 Mose 19,18.

⁴⁰ Ni ke̱dši moko tao ake̱ eke̱o aye sane ní ešõ oflaka le̱, hã eṅõ ohebo le̱ hũ. 1 Kor. 6,7.

⁴¹ Ni ke̱dši moko aanyẽ ono̱ ake̱ oke̱le̱ anyie ṅmle̱tſā kome le̱, oke̱le̱ aya enyo̱.

⁴² Hã moni baäo le̱, ni moni taoo̱ ake̱ ofàle̱ le̱, kãtšṍ ohe ke̱-dše̱ eṅõ.

⁴³ Nyenu ake̱, akē̱ ake̱: “Suomo̱ onanyo,” ni onye̱ ohenye̱lo̱. 3 Mose 19,18.

⁴⁴ Ši mi le̱, mīkē̱nye ake̱: Nyesumo̱a *nyehenye̱lo̱i, nyedšō̱a mei ni lomoo̱nye, nyefea mei ní nye̱o̱nye le̱ ekpakpa, ni †nyeso̱lea nyehãa mei ní haoo̱nye ní ame̱waänye yi le̱; *2 Mose 23,4. 5. Rom. 12,14. 20. †Luk. 23,34. Bo̱f. 7,60.

⁴⁵ koni *nyetšṍmo̱ nyetše̱ ní yo̱ ṅwei le̱ bii; ši ehãa ehũlũ teo̱ ši ye̱ meifõdši ke̱ meikpakpai ano̱, ni ehãa nyoṅmo̱ ne̱o̱ ye̱ dšalo̱i ke̱ mei ní be dšale̱ le̱ ano̱. *Ef. 5,1.

⁴⁶ Ši ke̱dši nyesnmoo̱ mei ni sumoo̱nye le̱, mẽ nyõmo̱wo nyeyo̱? Ani ntōhelo̱i le̱ tete efee nakai noṅṅ?

⁴⁷ Ni ke̱dši nyeṅãa nyenyemimei ke̱ke̱ le̱, enyie noṅṅ nyefeo̱? Ani wo̱ṅdšálo̱i le̱ tete efee nakai noṅṅ?

⁴⁸ Nohewo̱ le̱ *nyehĩa ke̱-wulaä ši, tamo̱ bo̱ni nyetše̱ ni yo̱ ṅwei le̱ hĩ ke̱-wula ši le̱. *3 Mose 19.2.