Mateo 3 - Ṅmãle̱ Kroṅkroṅ Le̱

¹ Ši no gbĩĩ le̱ amli le̱ *Iohane, Baptisilo̱ le̱, ba ebašie̱ ye̱ Iudea ṅã le̱ mli, *Luk. 1,13.

² ni ekē̱ ake̱: Nyetšakea nyetšuii; ši ṅwei maṅtše̱yeli le̱ ebe̱ṅke̱. 4,17.

³ Ši mone̱ dši mo he ní gbalo̱ *Iesaia wie ake̱: “Moko gbē mibo ye̱ ṅã le̱ no̱ ake̱: Nyesāa Nuṅtšo̱ le̱ gbe̱ le̱, ni nyefea etempõṅi le̱ trõmō̃!” *Ies 40,3. Ioh. 1,28.

⁴ Ši le̱ Iohane le̱, yoma hetšo̱i ake̱-ló *etade, ni wolokpã fĩ emliteṅ, ni eniyenii dši bālabii ke̱ ṅãno̱-wò. *2 Maṅ. 1,3.

⁵ Agbene̱ Ierusalem ke̱ Iudea fẽ ke̱ Iordan niiaṅ fẽ dše kpo ba eṅõ;

⁶ ni ebaptisiame̱ ye̱ Iordan mli, beni ame̱dšadšeo̱ ame̱he ešai le̱.

⁷ Ši beni ena Farisifoi ke̱ Sadukifoi le̱ ateṅ mei pī baä ebaptisimo̱ le̱ he le̱, ekē̱ame̱ ake̱: *Šinõi aſïei, namo tšõnye ake̱ nyedšo mlifũ ní baba le̱ nā foi? *23,33.

⁸ Bĕle̱ nyewoa yibii ní sa tšuitšakemo̱ mo̱!

⁹ Ni nyekasusua ye̱ nyemli ni nyekē̱ ake̱: Wo̱ le̱ we̱tše̱ dši Abraham; ši mīkē̱nye ake̱: Nyoṅmo̱ aanyẽ ake̱ etēo̱ bii aši ye̱ te̱i ne̱ amli ehãa Abraham. Rom 2,23. 29; 4,12. Ioh. 8,33. 39.

¹⁰ Ši lema le̱ kā tšei le̱ ašišifã le̱ no̱ momo, koni tšo-fẽ-tšo ní woo yibii kpakpai le̱, atole̱ agbē ši, ni ašé̱ afõ la mli. Luk. 13,7-9.

¹¹ Mi le̱, nu mike̱-baptisio̱nye hā tšuitšakemo̱; ši moni baä ye̱ mise̱ le̱, ebe wa fèmi, etokotai tete misaa moni hĩeo̱, le̱ eke̱ Mumo̱ kroṅkroṅ ke̱ la aabaptisinye. Ioh. 1,26. 27. 33. Bo̱f. 1,5.

¹² Moni hĩe ešātšeneye̱ edeṅ, ni ebabē̱ ešikpoṅ le̱ fitšofitšo, ni ebuá eṅmā̃ le̱ nā eto eboṅo mli; ši tutū le̱, eke̱ la ni gboo bašã. 13,30.

¹³ Ke̱ke̱ ni Iesu dše̱ Galilea eba Iohane ṅõ ye̱ Iordan nā, koni no abaptisile̱.

¹⁴ Ši Iohane tšĩle̱ gbe ekē̱: Mi moṅ ní ehĩami ake̱ bo obaptisio̱mi le̱, ni bo obaä miṅõ ne̱?

¹⁵ Ši Iesu here no̱ ekē̱le̱ ake̱: Kplẽmo̱ ke̱ke̱, ši ne̱ke̱ sa ake̱ wo̱gbeo̱ dšale̱ fẽ nā. Ke̱ke̱ ni ekplẽle̱.

¹⁶ Ni beni abaptisi Iesu le̱, edše̱ nu le̱ mli amrō edše kpo; ni na, agble ṅwei nā ahãle̱, ni ena Nyoṅmo̱ Mumo̱ le̱ mīkpleke ši tamo̱ okpo ke̱-mība eno.

¹⁷ Ni na, *gbē ko dše̱ ṅwei kē̱: Mone̱ dši misuomo̱bi ní †miná ehe tšui le̱. *17,5. †Ies. 42,1.