Mateo 22 - Ṅmãle̱ Kroṅkroṅ Le̱

¹ Ni Iesu wo enā no̱ eke̱ame̱ wie ekoṅ ye abe̱buai amli ekē̱:

² Ṅwei maṅtše̱yeli le̱ tamo̱ maṅtše̱ ko ní kpẽo̱ yō eha ebi. Ioh. 3,29.

³ Ni etšũ etšũdši ake̱ ame̱yatšé̱ mei ní akpē le̱ ke̱-ba yōkpēmo̱ le̱ he; ši ame̱mii bā.

⁴ Esā etšũ tšũdši krokomei ekē̱: Nyeyakē̱a mei ní akpē le̱ ake̱: Na, migbe miniyenii le̱ anā; agbe mitšinai le̱ ke̱ milẽ̱́-koloi le̱, ni agbe nofẽno nā: nyebaä yōkpēmo̱ le̱ he! 21,36.

⁵ Ši ame̱ le̱ ame̱bun po, ni ame̱kŏ̱lo̱ ame̱gbe̱i, mokome te ebō̱ mli, ni mokroko hũ te eguo̱yeli.

⁶ Ni mei ní ſe̱ le̱ mõmo̱ etšũdši le̱, ni ame̱feame̱ niseniianii, ni ame̱gbeame̱.

⁷ Ši beni maṅtše̱ le̱ nu le̱, emli fũ, ni etšũ etabilo̱i, ni ame̱yagbe ne̱ke̱ awuyelo̱i ne̱, ni ašã ame̱maṅ le̱. 24,2.

⁸ Ke̱ke̱ ni ekē̱ etšũdši le̱ ake̱: Ato yōkpēmo̱ le̱ he nii agbe nā moṅ, ši mei ní akpē le̱, esaaame̱.

⁹ Nohewo̱ le̱ nyeyaä ṅmaṅmašai le̱ ano̱, ni mei abo̱ ní nyeana le̱, nyekpēa-ame̱ ke̱-baä yōkpēmo̱ le̱ he. 18,47; 21,43.

¹⁰ Ni tšũdši le̱ dše kpo te gbe̱i le̱ ano̱, ni ame̱yabua mei fẽ ní ame̱na le̱ anā, meifõdši ke̱ meikpakpai, ni yōkpēmo̱he le̱ yi to̱ ke̱ mei.

¹¹ Ši beni maṅtše̱ le̱ ba mei le̱ akwe̱mo̱ le̱, ebana moko ye̱ dše̱i ní woo yōkpēmo̱ atade;

¹² ni ekē̱le̱ ake̱: Nanyo, té fe tēṅ ní oba bie̱ ne̱ ní owoo yōkpēmo̱ atadeṅ? Ni eto̱ mú,

¹³ Ke̱ke̱ ni maṅtše̱ le̱ kē̱ etšũdši le̱ ake̱: Nyefĩmo̱a enidši ke̱ enãdši ni nyewóale̱ nyeyašé̱ale̱ nyefoa gbe̱se̱duṅ le̱ mli! Dše̱i yāfó ke̱ nyãnyõdši ašišikpemo̱ yo̱. 8,12.

¹⁴ Edšake̱ atšé̱ mei pī moṅ; ši mei flō ahala.

¹⁵ Ke̱ke̱ ni Farisifoi le̱ te ni ame̱yato adšina, bo̱ni ame̱afe ní ame̱mõ enā enyo̱ṅ.

¹⁶ Ni ame̱tšũ ame̱kaselo̱i le̱ ke̱ *Herodebii le̱ ke̱-ba eṅõ ame̱bakē̱: Tšõlo̱, wo̱le ake̱ ano̱kwafo dšĩo ni otšõo̱ Nyoṅmo̱ gbe̱ le̱ ye̱ ano̱kwale mli, ni okpaa gbomei amli; edšake̱ okwe̱e̱ gbomei ahĩeaṅ; *Mar. 8,6.

¹⁷ nohewo̱ le̱ kē̱mo̱wo̱ bo̱ni osusuo̱, ani edša ake̱ atšũo̱ onĩa ahãa Kaisare, alo edšaa?

¹⁸ Ši Iesu kpa ame̱yiṅto fõṅ le̱ ši, ni ekē̱: Osatofoi, mẽba nyetšõo̱mi?

¹⁹ Nyeke̱ oniatšumo̱ šika le̱ atšõami! Ni ame̱ke̱ denario tšõle̱.

²⁰ Ni ekē̱ame̱ ake̱: Namo mfoniri ne̱ ke̱ noni aṅmã ye̱ no̱ ne̱?

²¹ Ame̱kē̱: Kaisare nõṅ. Ni ekē̱ame̱ ake̱: Bĕle̱ *nyeṅõa Kaisare nii nyehãa Kaisare, ni Nyoṅmo̱ nii le̱ nyeṅõhãa Nyoṅmo̱! *Rom. 13,7.

²² Ni beni amenu ene̱ le̱, ame̱nā kpe̱ ame̱he, ni ame̱šĩle̱ ame̱te.

²³ No gbĩ le̱ no̱ noṅṅ le̱ Sadukifoi ni kē̱o̱ ake̱ gbohĩĩašitē ko be̱ le̱ hũ ba eṅõ, babile̱ ake̱: Bo̱f. 23,6. 8.

²⁴ Tšõlo̱, *Mose kē̱ ake̱: Ke̱dši moko gbo ní ešĩĩ bii ye̱ ese̱ le̱, enyemi aṅõ eṅã le̱, koni ewo ſĩei ehã enyemi le̱. *5 Mose 25,5. 6.

²⁵ Agbe̱ne̱ nyemimei kpawo hĩ wo̱teṅ, ni kromo̱bi le̱ w̌e̱ yō, ni egbo, ni ake̱-ní ešĩī bii ye̱ ese̱ le̱, ešĩ eṅã le̱ ehã enyemi le̱.

²⁶ Nakai noṅṅ kã no̱ ke̱-tšṍ moni dši enyo̱ le̱ ke̱ moni dši etẽ le̱ no̱ ke̱-yaši moni dši kpawo le̱ no̱.

²⁷ Ši ame̱fẽ ame̱se̱ le̱ yō le̱ hũ gbo.

²⁸ Bĕle̱ gbohĩĩašitē le̱ mli le̱, mei kpawo le̱ ateṅ namo ṅã eetšṍ, edšake̱ ame̱fẽ ame̱ke̱le̱ hĩ ši?

²⁹ Ši Iesu here no̱ ekē̱ame̱ ake̱: Nyemītõ nā, edšake̱ nyelee ṅmãle̱i le̱ ke̱ Nyoṅmo̱ hewale̱ le̱.

³⁰ Edšake̱ gbohĩĩašitē le̱ mli le̱ ame̱w̌e̱e̱ yei, ni asaṅ ake̱ yei hãã gblã; ši moṅ ame̱tamo̱ Nyoṅmo̱ bo̱foĩ ye̱ ṅwei.

³¹ Ši gbohĩĩašitē le̱ hewo̱ le̱ nyekaneko noni Nyoṅmo̱ kē̱nye ake̱:

³² *“Mi le̱, Abraham Nyoṅmo̱ ke̱ Isak Nyoṅmo̱ ke̱ Iakob Nyoṅmo̱ dšimi le̱”? Nyoṅmo̱ le̱ dšee gbohĩĩ a-Nyoṅmo̱ṅ, ši moṅ hĩekālo̱i a-Nyoṅmo̱ṅ. *2 Mose 3,6.

³³ Ni beni asafoi le̱ nu ene̱ le̱, amehe dšõ ame̱he ye̱ etšõmo̱ le̱ hewo̱.

³⁴ Ši beni Farisifoi le̱ nu ake̱ ekũ Sadukifoi le̱ anā le̱, ame̱babua ame̱he nā ye̱ hekome;

³⁵ ni ame̱teṅ mokome ní dši mlatšõlo̱ le̱ tšõ̀le̱ bile̱ ake̱:

³⁶ Tšõlo̱, té noni dši mla le̱ mli kitã wuluṅ?

³⁷ Ni Iesu kē̱le̱ ake̱: “Suomo̱ Nuṅtšo̱, o-Nyoṅmo̱ le̱, ke̱ otšui mū le̱ fẽ ke̱ osusuma mū le̱ fẽ ke̱ odſẽṅmo̱ mū le̱ fẽ.” 5 Mose 6,5.

³⁸ Kitãi le̱ amli otu ke̱ ewulu ne̱.

³⁹ Ni noni nyie se̱ le̱ tamo̱ no, ake̱: *“Suomo̱ onanyo tamo̱ bo̱ni osumoo̱ bodientše̱ ohe,” *3 Mose 19,18.

⁴⁰ Kitãi enyo̱ ne̱ mla le̱ ke̱ gbalo̱i le̱ fẽ tšotšŏro. 7,12. Rom. 13,10. Gal. 5,14.

⁴¹ Ni beni Farisifoi le̱ anā ekpe ši le̱, Iesu biame̱ ake̱:

⁴² Té nyesusuo̱ ye̱ Kristo le̱ hewo̱ tēṅ? Namo bi dšile̱? Ame̱kē̱le̱ ake̱: David biṅ.

⁴³ Ekē̱ame̱ ake̱: Mẽba mo̱ ni David ye̱ Mumo̱ nā le̱ etšé̱o̱le̱ Nuṅtšo̱ ni ekē̱o̱ ake̱:

⁴⁴ *“Nuṅtšo̱ le̱ kē̱ mi-Nuṅtšo̱ le̱ ake̱: Tá mininedšŭrõ no̱ ke̱-yaši beyino̱ ní ma-ṅõ ohenye̱lo̱i le̱ mafe onãdšiaši mãṅō?” Lal. 110,1. Mat. 26,64.

⁴⁵ Agbe̱ne̱ ke̱ dši David tšé̱le̱ Nuṅtšo̱ le̱, té tēṅ ni edši ebi moṅ?

⁴⁶ Ni moko nyẽẽle̱ hetõ ko ahã, ni asaṅ ke̱-dše̱ no gbĩ le̱ no̱ le̱ moko ekaale̱ noko bimo̱ doṅṅ.