Mateo 20 - Ṅmãle̱ Kroṅkroṅ Le̱

¹ Edšake̱ ṅwei maṅtše̱yeli le̱ tamo̱ nū šĩatše̱ ko ní dše kpo mãṅkẽ-mrã eyaho nitšulo̱i apā ke̱-te *eweintrom mli. *21,33.

² Ni beni eke̱ nitšulo̱i le̱ eye nā denario kome dšenamo̱ le̱, ewoame̱ gbe̱ ke̱-te eweintrom le̱ mli.

³ Ni ke̱-baã ṅmle̱ ne̱hũ mli le̱, edše kpo ekoṅ ni eyana meikrokomei damo̱ ši yaka ye̱ dšā le̱ no̱;

⁴ ni ekē̱ mene̱mei hũ ake̱: Nye hũ nyeyaä weintrom le̱ mli, ni noni dša le̱, mahãnye.

⁵ Ni ame̱te. Asaṅ ke̱-baã ṅmle̱ nyoṅma ke̱ enyo̱ mli ke̱ ṅme̱dši etẽ mli le̱ edše kpo, ni eyafe nakai noṅṅ.

⁶ Ni ke̱-baä gbe̱ke̱ ṅme̱dši enumo̱ mli le̱, edše kpo ni eyana meikrokomei hũ damo̱ ši yaka, ni ekē̱ame̱ ake̱: Mẽba ni nyedamo̱ ši yaka ye̱ bie̱ dšenamo̱ ne̱ fẽ ne̱?

⁷ Ame̱kē̱le̱ ake̱: Ake̱-ní moko ebo̱kowo̱ apā le̱ hewo̱ṅ, Ekē̱ame̱ ake̱: Nye hũ nyeyaä weintrom le̱ mli, (ni noni dša le̱, nyeaná).

⁸ Ši heni še̱ gbe̱ke̱ le̱, weintrom-tše̱ le̱ kē̱ etšũlo̱nukpa le̱ ake̱: Tšé̱ nitšulo̱i le̱ ní owoame̱ nyõmo̱, ni obõi ke̱-dše̱ se̱kpẽbii le̱ ano̱ ke̱-yaši kleṅkleṅbii le̱ ano̱.

⁹ Ni beni gbe̱ke̱ ṅme̱dši enumo̱ no̱ bii le̱ ba le̱, ame̱fẽ ame̱ná denario kome-kome.

¹⁰ Ni beni kleṅkleṅbii le̱ ba le̱, ame̱susu ake̱ abaṅmẽ ame̱nõ le̱ no̱; ši ame̱ hũ ame̱ná denario kome-kome.

¹¹ Ši beni eše̱ ame̱deṅ le̱, ame̱še̱ to̱kemo̱ ke̱ šĩatše̱ le̱ wō,

¹² ame̱kē̱: Se̱kpēbii ne̱, ṅmle̱tſā kome ke̱ke̱ ame̱tšu nii, ni ohãame̱ ke̱ wo̱ ní wo̱tšu nii dšenamo̱ ní eto̱wo̱ ní latšā etšawo̱ le̱ fẽ pe̱.

¹³ Ši ehere no̱ ekē̱ ame̱teṅ mokome ake̱: Nanyo, mifekoö efõṅ ko; ani dšee denario mike̱o ye nā?

¹⁴ Ṅõ noni dši onõ le̱ ni oya. Ši mīsumo̱ ake̱ mahã se̱kpēmo ne̱ tamo̱ bo̱ni mihão le̱ noṅṅ.

¹⁵ *Alo mibe̱ hegbe̱ ake̱ mike̱ midientše̱ minii feo̱ noni misnmoo̱? Ani mimlihĩle̱ ne̱ hewo̱ ohĩṅme̱i etšu ne̱? *Rom. 9,16. 21.

¹⁶ Ne̱ke̱ ni *se̱kpēbii aatšṍmo̱ kleṅkleṅbii, ni kleṅkleṅbii aatšṍmo̱ se̱kpēbii; †edšake̱ atšé̱ mei pī, ši mei flo ahala. *19,30. †22,14.

¹⁷ Ni beni Iesu yaä Ierusalem le̱, eṅõ ekaselo̱i nyoṅma ke̱ enyo̱ le̱ ke̱-te afã ye̱ gbe̱te le̱ṅ, ni ekē̱ame̱ ake̱:

¹⁸ Na, wo̱mīya Ierusalem, ni aaṅõ gbomobi le̱ awo oso̱fonukpai ke̱ woloṅmãlo̱i le̱ adeṅ, ni ame̱abule̱ gbĕle fo̱. 16,21; 17,22. 23.

¹⁹ Ni ame̱aṅõle̱ ame̱hã dšeṅmãdši le̱, ní ame̱ye ehe fe̱o ní ame̱ke̱ kplebii ayile̱ ní ame̱se̱ṅle̱; ni gbĩ ní dši gbĩ etẽ le̱ eete ši ekoṅ.

²⁰ Ke̱ke̱ ni *Zebedeo bii le̱ anye ke̱ ebihĩĩ le̱ ba eṅõ ebakũla ši, ni ebale̱ noko. *10,2.

²¹ Ni ekē̱le̱ ake̱: Meni otaoo̱? No herele̱ no̱ ake̱: Kē̱mo̱ ní mibii enyo̱ ne̱ ateṅ mokome atá onine dšŭrõ no̱, ni mokome hũ atá obe̱ku no̱ ye̱ omaṅtše̱yeli le̱ mli. 19,28.

²² Ši Iesu here no̱ eké̱: Nyelee noni nyebio̱ le̱. Ani nyeanyẽ *kpulu ní mibanu le̱ nyenu, [alo nyeanyẽ ni ake̱ †mibaptisimo̱ le̱ abaptisinye]? Ame̱ke̱le̱ ake̱: Wo̱o̱nyẽ. *26,39. Ioh 18,11. †Luk. 12,50.

²³ Ni ekē̱ame̱ ake̱: Mikpulu le̱ nyeanu moṅ, [ni mibaptisimo̱ le̱ hũ ake̱-abaptisinye]; ši minine dšŭrõ ke̱ mibe̱ku no̱ trámo̱ le̱, edšee minõ ní mike̱-hãa, ši moṅ mei ní mitše̱ ésā etoame̱ le̱ anõṅ.

²⁴ Ni beni mei nyoṅma le̱ nu le̱, ame̱mli wo nyemimei enyo̱ le̱ la. Luk 22,24-26.

²⁵ Ši Iesu tšé̱ame̱ ke̱-ba eṅõ, ni ekē̱-ame̱ ake̱: Nyele ake̱ mãdši le̱ ano̱ lume̱i le̱ yeo̱ ame̱no̱, ni ame̱teṅ gbomei agboi le̱ hũ ye̱ hewale̱ ye̱ ame̱no̱.

²⁶ Akafe nakai ye̱ nyeteṅ; ši mofẽmo ní sumoo̱ ake̱ etšṍ agbo ye̱ nyeteṅ le̱, le̱ moṅ etšṍ nyesúolo̱. 23,11.

²⁷ Ni mofẽmo ni sumoo̱ ake̱ etšṍ onukpa ye̱ nyeteṅ le̱, le̱ moṅ etšṍ nyetšũlo̱. Mar. 9,35.

²⁸ Tamo̱ bo̱ni gbomobi le̱ baa ní asùmo̱le̱, ši eba *sùomo̱ moṅ, ní eṅõ esusuma le̱ ehã ye̱ mei pī †akpõmo hewo̱ le̱. *Luk. 22.27. Fil. 2.7. †1 Tim. 2,6.

²⁹ Ni beni ame̱dše̱ Ieriko ame̱yaä le̱, asafo babaõ nyie ese.

³⁰ Ni na, hĩĩ ſilafoi enyo̱ trá gbe̱ le̱ toi, ni beni amenu ake̱ Iesu mīho le̱, ame̱blo̱ ame̱kē̱: Nawo̱ mo̱bo̱, Nuṅtšo̱, David bi!

³¹ Ši asafo le̱ fã́mu ame̱yi ake̱ ame̱bu ame̱nā; ši ame̱blo̱ moṅ fè tšutšu le̱ ake̱: Nawo̱ mo̱bo̱, Nuṅtšo̱, David bi!

³² Ni Iesu wa-damo̱ ši ni etšé̱ame̱ ni ekē̱: Meni nyetaoo̱ ake̱ mife mihãnye?

³³ Ame̱ke̱le̱ ake̱: Nuṅtšo̱, ake̱ agble wo̱hĩṅme̱ii le̱!

³⁴ Ni Iesu mũsũṅ tšõle̱ ye̱ ame̱hewo̱, ni etra ame̱hĩṅme̱ii le̱ ahe, ni amrõ le̱ ame̱na nii, ni ame̱nyie ese̱.