Mateo 2 - Ṅmãle̱ Kroṅkroṅ Le̱

¹ Ši beni *afo̱ Iesu ye̱ Betlehem ye̱ Iudea ye̱ maṅtše̱ Herode yino̱ le̱, na, nilelo̱i dše bokã ba Ierusalem babi ake̱: *Luk. 2,1-7.

² Nẽgbe̱ Iudafoi amaṅtše̱ ní afo̱ le̱ yo̱? ši wo̱na eṅulami ye̱ bokã le̱, ni wo̱bale̱ dšámo̱ ne̱. 4 Mose 24,17.

³ Ši beni maṅtše̱ Herode nu ene̱ le̱, eke̱ Ierusalem fẽ yoyoro;

⁴ ni ebua maṅ le̱ oso̱fonukpai le̱ ke̱ woloṅmãlo̱i le̱ fẽ na, ni ebiame̱ heni aafo Kristo le̱ ye̱.

⁵ Ni ame̱kē̱le̱ ake: Ye̱ Betlehem ye̱ Iudea; ši bo̱ni *gbalo̱ le ṅmã ne̱: *Mika 5,1. Ioh. 7,42.

⁶ “Ni bo, Betlehem, Iuda šikpoṅ le̱, dšee bo dši bibiō fè fẽ ye̱ Iuda lume̱i le̱ ateṅ kwrā, ši omli lumo̱ ní aalē̱ mimaṅ Israel le̱ aadše̱.”

⁷ Ke̱ke̱ ni Herode tšé̱ nilelo̱i le̱ nĩgī̃, ni ebiame̱ fitšofitšo beyino̱ ní ṅulamile̱ pue.

⁸ Ni ehã ame̱te Betlehem ni ekē̱; Nyeyaä ni nyeyataoa abifao le̱ fitšofitšo; ši ké̱ nyenale̱ le̱, nyebakē̱ami, koni mi hũ maba ní mabadšále̱.

⁹ Ši beni ame̱nu maṅtše̱ le̱ wiemo̱ le̱, ame̱yiṅ ame̱te. Ni na, ṅulami le̱ ní ame̱na ye̱ bokã le̱ nyie ame̱hĩe āhũ, ke̱-yaši ebadamo̱ heni abifao le̱ yo̱ le̱ ṅwei.

¹⁰ Ni beni ame̱na ṅulami le̱, ame̱ná mīše̱ babaō dientše̱.

¹¹ Ni ame̱te šĩa le̱, ni ame̱na abifao le̱ ke̱ enye Maria le̱, ni ame̱kũla ši ame̱-dšále̱, ni ame̱fẽne ame̱nibii anā, ni ame̱kekēle̱ nii: šika ke̱ kro̱bo̱o ke̱ mire. Lal. 72,10. 15. Ies. 60,6.

¹² Ni ake̱-ní adšie atšõame̱ ye̱ wo̱lamõ mli ake̱ ame̱kaya Herode ṅõ doṅṅ le̱, ame̱tšṍ gbe̱ kroko no̱ ke̱-te ame̱šikpoṅ le̱ no̱.

¹³ Ni beni ame̱te le̱, na, Nuṅtšo̱ le̱ bo̱fo dšie ehe kpo etšõ Iosef ye̱ wo̱lamõ mli ni ekē̱: Te ši, ṅõ abifao le̱ ke̱ enye le̱, ni odšo foi oya Mizraim, ní ohĩ dše̱i ke̱-yaši beyino̱ ní makē̱o; ši Herode batao abifao le̱ ní egbele̱.

¹⁴ Ni ete ši eṅõ abifao le̱ ke̱ enye le̱ nyōṅ, ni eyiṅ ete Mizraim.

¹⁵ Ni ehĩ dše̱i ke̱-yaši Herode gbĕle mli, koni noni Nuṅtšo̱ le̱ wie ye̱ *gbalo̱ le̱ nā le̱ aba mli ake̱: “Mizraim mitšé̱ mibi le̱ ke̱-dše̱.” *Hos. 11,1.

¹⁶ Agbene beni Herode na ake̱ nilelo̱i le̱ eye ehe fe̱o le̱, emli fũ babaō, ni etšũ ayagbe gbekẽbiihĩĩ fẽ ní yo̱ Betlehem ke̱ dše̱i niiaṅ fẽ, mei ní eye afii enyo̱ ke̱ mei ní yeko nakai le̱, ye̱ be ni ebi nilelo̱i le̱ fitšofitšo le̱ nā.

¹⁷ Ne̱ke̱ noni *gbalo̱ Ieremia kē̱ le̱ ba mli ake̱: *Ier. 31,15.

¹⁸ “Anu gbe ye̱ Rama, ṅko̱mo̱yeli ke̱ yāfó ke̱ yărafemo̱ babaō: *Rahel mīfó ebii, ni ekplẽẽ kpãtãmo̱; edšake̱ ame̱be̱.” *1 Mose 35,19.

¹⁹ Ši beni Herode egbo le̱, na, Nuṅtšo̱ le̱ bo̱fo dšie ehe kpo etšõ Iosef ye̱ lamõ mli ye̱ Mizraim,

²⁰ ni ekē̱: Te ši, ní oṅõ abifao le̱ ke̱ enye le̱, ní oya Israel šikpoṅ le̱ no̱; *ši mei ní taoo̱ abifao le̱ susuma le̱ egboi. *2 Mose 4,13.

²¹ Ni ete ši, ni eṅõ abifao le̱ ke̱ enye le̱, ni eba Israel šikpoṅ le̱ no̱.

²² Ši beni enu ake̱ Arkelao mīye maṅtše̱ ye̱ Iudea ye̱ etše̱ Herode se̱ le̱, eše dše̱i-yā gbeyei; ni ake̱-ni adšie atšõle̱ ye̱ lamõ mli le̱, edo̱ eyi ke̱-te Galilea niiaṅ.

²³ Ni eba ebahĩ maṅ ko ni atšé̱o̱le̱ *Nazaret le̱ mli; koni noni gbalo̱ le̱ wie le̱ aba mli ake̱: “Aatšé̱le̱ Nazarenyo.” *Luk. 1,36; 2,39. (Ies. 11,1; 53,2.) Ioh. 1,46.