Mateo 19 - Ṅmãle̱ Kroṅkroṅ Le̱

¹ Ni eba mli ake̱, beni Iesu egbe wiemo̱i ne̱ anā le̱, edše Galilea eba Iudea kpokpai le̱ ano̱ yo̱ Iordan se̱;

² ni mei pī nyie ese̱ ni etšátšāame̱ ye̱ dše̱i.

³ Ni Farisifoi le̱ ba eṅõ ni ame̱ba-tšõ̀le̱ ame̱kē̱ ake̱: Ani edša ake̱ nū ſieo̱ eṅã ye̱ sane-fẽ-sane hewo̱? 5,31. 32.

⁴ Ni ehere no̱ ekē̱ame̱ ake̱: Ani nyekaneko ake̱, moni bo̱ gbomo ye̱ šišidšē le̱ṅ le̱, “nū ke̱ yō ebo̱ame̱”? 1 Mose 1,27.

⁵ Ni ekē̱: “Ene̱hewo̱ ni nū aašĩ etše̱ ke̱ enye ni eekpe̱te̱ eṅã he, ní ame̱yi enyo̱ le̱ fẽ ame̱atšṍ helo kome le̱.” 1 Mose 2,24.

⁶ Bĕle̱ agbe̱ne̱ ame̱dšee mei enyo̱ doṅṅ, ši moṅ helo kome; nohewo̱ le̱, noni Nyoṅmo̱ eṅõ-tšá le̱, *akahã gbomo migbla mli. *1 Kor. 7,10. 11.

⁷ Ame̱kē̱le̱ ake̱: Mẽhewo̱ ni Mose wo kitã ake̱ ahã yōſiemo̱wolo ni aſiele̱ le̱ mo̱? 5 Mose 24,1.

⁸ Ekē̱ame̱ ake̱: Nyetšuiwale̱ hewo̱ ni Mose hãnye hegbe̱ ake̱ nyeſie nyeṅãmei le̱; ši šišidšē le̱ṅ le̱ ebe̱ nakai.

⁹ Ši mīkē̱nye ake̱: Mofẽmo ní dšee adſamaṅbō̱ hewo̱ dše̱ ní eeſie eṅã ní eyaw̌e̱ yō kroko le̱, efite gblã; ni mofẽmo ní w̌e̱o̱ yō ní aſiele le, le̱ hũ efite gblã. Luk. 16,18.

¹⁰ Ekaselo̱i le̱ kē̱le̱ ake̱: Ke̱dši ne̱ke̱ nū ke̱ eṅã sane yo̱ le̱, bĕle̱ ehĩĩ ake̱ aw̌e̱o̱ yō mo̱.

¹¹ Ši ekē̱ame̱ ake̱: Dšee mei fẽ aanyẽ wiemo̱ ne̱ mli amõ, dša mei ní aṅõ-hã le̱ ke̱ke̱. 1 Kor. 7,7. 17.

¹² Edšake̱ osaii komei ye̱ ní afo̱ame̱ nakai ke̱-dše̱ ame̱nyemei amũsũ mli; ni osaii le̱ ekomei ye̱ ní gbomei sàame̱; ni osaii le̱ ekrokomei hũ ye̱ ni ṅwei maṅtše̱yeli le̱ hewo̱ ame̱dientše̱ ame̱sà amehe. Moni aanyẽ mlĩ amõ le̱, hã emõ mli.

¹³ Ke̱ke̱ ni ake̱ gbekẽbii bibii ba eṅõ, koni eṅõ enidši eſie ame̱no̱ ni eso̱le. Ši ekaselo̱i le̱ fã́mo̱ ame̱yi.

¹⁴ Ši Iesu kē̱: Nyehãa gbekẽbii le̱ abaä miṅõ, ni nyekatšĩaame̱ gbe̱; ši mene̱mei anõ dši ṅwei maṅtše̱yeli le̱. 18,2. 3.

¹⁵ Ni eṅõ enidši eſie ame̱no̱; ni edše dše̱i.

¹⁶ Ni na, moko ba eṅõ ni ebabile̱ ake̱: Tšõlo̱, mẽ nõkpakpa po mafe, ni maná nāno̱ wala?

¹⁷ Ni ekē̱le̱ ake̱: Mẽba obio̱mi nõkpakpa he sane? Mokōme yo̱ ní dši mokpakpa [le̱ dši Nyoṅmo̱]. *Ši ke̱dši ōtao ake̱ oboteo̱ wala mli le̱, ye kitãi le̱ ano̱. *Luk. 10,26-28.

¹⁸ Ekē̱le̱ ake̱: Té nii ní dšiṅ? Ni Iesu kē̱: “Kāgbe gbomo; kāfite gblã; kādšu; kāye amale odase;” 2 Mose 20,12-16.

¹⁹ “wo otše̱ ke̱ onye;” ke̱ *“suomo̱ onanyo-gbomo tamo̱ bo̱ni osumoo̱ bodientše̱ ohe le.” *3 Mose 19,18.

²⁰ Oblanyo le̱ kē̱le̱ ake̱: Ene̱mei fẽ le̱ miye no̱ ke̱-dše̱ migbekẽbiiašĩ; meni fe̱o̱mi lolo?

²¹ Iesu kē̱le̱ ake̱: Ke̱dši otao ake̱ ohĩo̱ ke̱-wulaä ši le̱, ya ní oyahõ nii ní oyo̱ le̱, ni oṅõ-hã ohĩafoi, ni ooná dſetri ye̱ ṅwei; ní oba obanyie mise̱. 6.20. Luk. 12,33.

²² Ši beni oblanyo le̱ nu wiemo̱ ne̱ le̱, edo̱le̱ ni eyiṅ ete; edšake̱ eye̱ nii babaō. Lal. 62,11.

²³ Ni Iesu kē̱ ekaselo̱i le̱ ake̱: Le̱le̱ṅ, mīkē̱nye ake̱: Ewa hã niiatše̱ ake̱ eebote ṅwei maṅtše̱yeli le̱ mli.

²⁴ Ši asaṅ mīkē̱nye ake̱: Edšraa hãã yoma ake̱ eetšṍ abui hĩṅme̱i mli, tamo̱ bo̱ni dšraä hãa niiatše̱ ake̱ eebote Nyoṅmo̱ maṅtše̱yeli le̱ mli le̱.

²⁵ Ni beni ekaselo̱i le̱ nu le̱, ame̱he dšõ ame̱he tšṍ ame̱kē̱: Bĕle̱ namo yiwala aanyẽ ahere mo̱?

²⁶ Ši Iesu kwe̱ame̱ ke̱-kpe, ni ekē̱ame̱ ake̱: Gbomei agbe̱fãṅ le̱ anyẽṅ ene̱ afe; Ši Nyoṅmo̱ gbe̱fãṅ le̱ aanyẽ nii fẽ afe.

²⁷ Ke̱ke̱ ni Petro here no̱ ni ekē̱le̱ ake̱: Na, wo̱ le̱ wo̱šĩ nii fẽ, ni wo̱banyie ose̱; bĕle̱ meni wo̱baná?

²⁸ Ši Iesu kē̱ame̱ ake̱: Le̱le̱ṅ, mīkē̱nye ake̱, nye mei ní nyenyie mise̱ ne̱, beni gbomobi le̱ aatá enumnyam sẽi le̱ no̱ ye̱ dšeṅ hē le̱ mli le̱, nye hũ nyeatrá sẽii nyoṅma ke̱ enyo̱ no̱, ni nyeakodšo Israel akutšei nyoṅma ke̱ enyo̱ le̱. Luk. 22,30.

²⁹ Ni mofẽmo ni ešĩ šĩai lo nyemimeihĩĩ lo nyemimeiyei lo tše̱ lo nye lo ṅã lo bii lo abō̱i ye̱ migbe̱i le̱ hewo̱ le̱, aatole̱ nãdšiaṅ toi oha, ni eená nãno̱ wala. Heb. 10,34.

³⁰ Ši kleṅkleṅbii pī aatšṍmo̱ se̱kpelo̱i, ni *se̱kpelo̱i aatšṍmo̱ kleṅkleṅbii. *20,16. Luk. 18,30.