Mateo 18 - Ṅmãle̱ Kroṅkroṅ Le̱

¹ No ṅmle̱tſā le̱ mli noṅṅ le̱ kaselo̱i le̱ ba Iesu ṅõ ni ame̱bakē̱ ake̱: Namo dši agbo ye̱ ṅwei maṅtše̱yeli le̱ mli?

² Ni Iesu tšé̱ gbekẽ bibiō ko ke̱-ba eṅõ, ni eke̱le̱ damo̱ ame̱teṅ,

³ ni ekē̱: Le̱le̱ṅ, mīkē̱nye ake̱: Ke̱dši nyetšakee ní nyetšṍmo̱ tamo gbekẽbii bibii le̱, nyeboteṅ ṅwei maṅtše̱yeli le̱ mli kwrā. 19,14.

⁴ Nohewo̱ le̱, mofẽmo ní baä ehe ši tamo̱ gbekẽ ne̱ le̱, le̱ dši agbo ye̱ ṅwei maṅtše̱yeli le̱ mli.

⁵ Ni mofẽmo ní ṅõo̱ gbekẽ fiō kome ní tamo̱ mone̱ ye̱ migbe̱i ano̱ le̱, eṅõo̱mi. 10,40.

⁶ Ši moni tõtõo̱ bibii ne̱ ateṅ mokome ní heo̱ mino̱ yeo̱ le̱ nane le̱, fãṅ noni ake̱ tedši-w̌ie̱ ṅmõ ekue̱ ni aṅõle̱ awo ṅšo̱ṅ. Luk. 17,1. 2.

⁷ Kpóo hã dše le̱ ye̱ nanetõtõmo̱ sãdši ahewo̱! edšake̱ nanetõtõmo̱ sãdši le̱ baba kẽ moṅ; ši kpóo hã gbomo ní nanetõtõmo̱ le̱ tšṍo̱ eno̱ ke̱-baä le!

⁸ Ši ke̱dši onine lo onane mītõtõ onane le̱, fo ye̱ ohe ni ošé̱ ofõ; fãṅ noni oke̱ nine kuku lo nane kuku bote wala mli fè noni oyo̱ nidši enyo̱ lo nãdši enyo̱ ni aašé̱o afõ nāno̱ la le̱ mli le̱. 5,29. 30.

⁹ Nĩ ke̱dši ohĩṅme̱i mītõtõ onane le̱, fã ye̱ ohe ní ošé̱ ofõ; fãṅ noni oke̱ hĩṅme̱i kome bote wala mli fè noni oyo̱ hĩṅme̱ii enyo̱ ní aašé̱o afõ gehena la le̱ mli le̱.

¹⁰ Nyekwe̱a dšogbāṅ koni nyekagbe meibibii ne̱ ateṅ mokome he guo̱; edšake̱ mīkē̱nye ake̱, *ame̱bo̱foi ní yo̱ ṅwei le̱ kwe̱o̱ mitše̱ ní yo̱ ṅwei le̱ hĩe dā. *Heb. 1,14.

¹¹ Ši gbomobi le̱ ba noni elādše le̱ yiwala-heremo̱. 9,13. Luk. 19,10.

¹² Té nyesusuo̱ tēṅ, ke̱dši moko ye̱ tōi oha ni ame̱teṅ ekome dũ gbe̱ le̱: ani ešĩṅ nyoṅmai-ne̱hũ ke̱ ne̱hũ le̱ ye̱ gõdši le̱ ano̱, ni eya eyatao noni edū gbe̱ le̱?

¹³ Ni ke̱dši eba mli ake̱ enale̱ le̱, le̱le̱ṅ, mīkē̱nye ake̱, emī še̱o̱ ehe ye̱ no he fè nyoṅmai-ne̱hũ ke̱ ne̱hũ le̱ ní edũko gbe̱ le̱.

¹⁴ Nakai noṅṅ ni nyetše̱ ni yo̱ ṅwei le̱ sumo̱o̱ ake̱ bibii ne̱ ateṅ mokome ladšeo̱.

¹⁵ Ši ke̱dši onyemi ko tõ ono̱ le̱, ya ní oyatšõle̱ etõmo̱ le̱ oke̱le̱ yii enyo̱ ke̱ke̱. Ke̱dši eboö toi le̱, nyemi efe nyemi. 3 Mose 19,17. Luk. 17,8. Gal. 6,1.

¹⁶ Ši ke̱dši ebooö toi le̱, ṅõ mokome lo mei enyo̱ ofata ohe, koni *odasefoi enyo̱ lo etẽ nā le̱ sane-fẽ-sane amã ši. *5 Mose 19,15.

¹⁷ Ni ke̱dši ame̱ hũ ebooame̱ toi le̱, yakē̱ asafo le̱; ni ke̱dši asafo le̱ hũ no̱ etoi gbo yo̱ le̱, *bule̱ tamo̱ wo̱ṅdšálo̱ ke̱ ntōhelo̱. *1 Kor. 5,13.

¹⁸ Le̱le̱ṅ, mīkē̱nye ake̱: Nofẽno ní nyeafĩ ye̱ šikpoṅ le̱ no̱ le̱, aafĩ ye̱ ṅwei; ni nofẽno ní nyeafẽne ye̱ šikpoṅ le̱ no̱ le̱, aafẽne ye̱ ṅwei. 16,19. Ioh. 20,23.

¹⁹ Asaṅ mīkē̱nye ake̱, ke̱dši nyeteṅ mei enyo̱ kpã gbē ye̱ šikpoṅ ne̱ no̱ ye̱ sane-fẽ-sane ní ame̱bio̱ le̱ he le̱, mitše̱ ní yo̱ ṅwei le̱ aafe ahãame̱. Mar. 11,24.

²⁰ Edšake̱ heni mei enyo̱ lo mei etẽ ebua ame̱he nā ye̱, ye̱ migbe̱i ano̱ le̱, miye̱ ame̱teṅ ye̱ dše̱i. 28,20.

²¹ Ke̱ke̱ ni Petro ba eṅõ ni ebakē̱: Nuṅtšo̱, šii enyie minyemi atõ mino̱ ní miṅõ-fale̱? ke̱-yaši šii kpawo lo?

²² Iesu kē̱le̱ ake̱: Mikē̱ē̱o ake̱ ke̱-yaši šii kpawo; ši moṅ šii kpawo toi nyoṅmai-kpawo. Luk. 17,4.

²³ Nohewo̱ le̱ ṅwei maṅtše̱yeli le̱ tamo̱ maṅtše̱ ko ni taoo̱ eke̱ etšũdši ababu akontā.

²⁴ Ni beni ebõi bū le̱, ake̱ moko ní hĩele̱ nyõmo̱ talentai akpei-nyoṅma ba eṅõ.

²⁵ Ši ake̱-ní ebe̱ noko ní eke̱-awole̱ le̱, enuṅtšo̱ le̱ fã́ ake̱ ahõle̱ ke̱ eṅã ke̱ ebii ke̱ nii fẽ ní eyo̱, ní aṅõ-wo nyõmo̱ le̱.

²⁶ Ke̱ke̱ ni tšũlo̱ le̱ ho kũla ši ni ekpale̱ fai ekē̱: Nuṅtšo̱, to otšui ši ohãmi, ni mawoö nyõmo̱ le̱ fẽ!

²⁷ Ni tšũlo̱ ne̱ nuṅtšo̱ le̱ mũsũṅ tsõle̱ ni eṅmē̃ ehe, ni eke̱ nyõmo̱ le̱ kele̱.

²⁸ Ši nakai tšũlo̱ le̱ dše kpo eyana enanemei tšũdši le̱ ateṅ mokome ní hĩele̱ nyõmo̱ denarioi oha; nĩ emõle̱ emĩa esẽ, ni ekē̱: Womi nyõmo̱ ní ohĩemi le̱!

²⁹ Ke̱ke̱ ni enanyotšũlo̱ le̱ ho kũla ši ekpale fai ekē̱: To otšui ši ohãmi, ni mawoö nyõmo̱ le̱ fẽ.

³⁰ Ši le̱ le̱ ekplẽẽ; ši moṅ eyawule̱ tšũṅ ke̱-yaši beyino ní eewole̱ nyõmo̱ le̱.

³¹ Ši beni enanemei-tšũdši le̱ na noni afe le̱, edo̱ame̱ tšṍ ni ame̱bagba ame̱nuṅtšo̱ le̱ noni afe le̱ fẽ.

³² Ke̱ke̱ ni enuṅtšo̱ le̱ hã ayatšé̱le̱ ke̱-ba ni ekē̱le̱ ake: Tšũlo̱ fõṅ! ake̱-ní okpami fai hewo̱ le̱ miṅõ ne̱ke̱ nyõmo̱ ne̱ fẽ mikeo;

³³ ani kũle̱ dšee ho hũ ogbe̱nā dši ake̱ ona onanyo-tšũlo̱ le̱ mo̱bo̱, bo̱ni mi hũ minao mo̱bo̱ le̱?

³⁴ Ni enuṅtšo̱ le̱ mli fũ, ni ehã apĩle̱ *ke-yaši beyino ní eebawole nyõmo le fẽ. 5,26.

³⁵ Nakai noṅṅ mitše̱ ní yo̱ ṅwei le̱ hũ aaṅõ-fenye, ke̱dši nyeteṅ mofẽmo eṅõõ enyemi notõmo̱ ekeele̱ ke̱-dše̱e̱ etšuĩṅ le̱. 6,14. 15.