Mateo 16 - Ṅmãle̱ Kroṅkroṅ Le̱

¹ Ni Farisifoi ke̱ Sadukifoi le̱ bakale̱, ame̱bile̱ ake̱ etšõame̱ ṅwei-okadi ko. 12,38.

² Ši ehere no̱ ekē̱amo̱ ake̱: Gbe̱ke̱ mli le̱ nyekē̱o̱ ake̱: Dšeṅ batše, edšake̱ ṅwei etšu. Luk. 12,54-56.

³ Ni lebi le̱ nyekē̱o̱ ake̱: Nme̱ne̱ nyoṅmo̱ bane̱; edšake̱ ṅwei etšu ni ehĩe eha. Osatofoi, nyele ṅwei hĩenibii amlibū, ši yino̱i le̱ ahe *okadii le̱ nyenyẽẽ nyebu lo? 11,4.

⁴ Yino̱bii fõdši ke̱ gblãfitelo̱i mītao okadi, ši *ahãṅame̱ okadi ko, ake̱ dša gbalo̱ Iona okadi le̱. Ni ešĩame̱ eyiṅ ete. *12,39. 40.

⁵ Ni beni ekaselo̱i le̱ yaã ṅšo̱ le̱ se̱ le̱, ame̱hĩe kpá no̱ ake̱ ame̱aṅõ abolo ke̱-ya.

⁶ Ši Iesu kē̱ame̱ ake̱: Nyekwe̱a ní nyehĩe ahĩa nyehe no̱ ye̱ Farisifoi ke̱ Sadukifoi le̱ amãša le̱ hewo̱! Luk. 12,1.

⁷ Ši ame̱wiewie he ye̱ ame̱teṅ ame̱kē̱: Abolo ní wo̱hĩee le̱ hewo̱ṅ!

⁸ Ši noni Iesu ná le nakai le̱, ekē̱: Nye ni nyehemo̱-ke̱-yeli fáá, menihewo̱ nyewiewieo̱ ye̱ nyeteṅ ake̱ abolo ní nyehĩee le̱ hewo̱ṅ? *6,30.

⁹ Nyenako nii anā lolo? ni nyesā *nyekaii mei akpei-enumo̱ le̱ aboloi enumo̱ le̱ ke̱ kafũi abo ni nyekŏ̱lo̱ le̱? *11,17-21.

¹⁰ Alo mei akpei-edſe̱ le̱ *aboloi kpawo le̱ ke̱ flo̱to̱i abo̱ ní nyekŏ̱lo̱ le̱? *15,34-38.

¹¹ Té tēṅ ní nyenaa nā ake̱ dšee abolo hewo̱ ní mikē̱nye ake nyehĩe ahĩ nyehe no̱ ye̱ Farisifoi ke̱ Sadukifoi le̱ amãša le̱ hewo̱ le̱?

¹² Agbe̱ne̱ ame̱yo se̱ ake dšee abolo mãša hewo̱ ekē̱, ame̱hĩe ahĩ ame̱he no̱ le̱, ši moṅ Farisifoi ke̱ Sadukifoi le̱ atšõmo̱ le̱ hewo̱ṅ.

¹³ Ši beni Iesu ba Kaisaria Filipi niiaṅ le̱, ebi ekaselo̱i le̱ ake̱: Namo mei kē̱o̱ ake̱ gbomobi le̱ dši?

¹⁴ Ši ame̱kē̱ ake̱: Meikomei kē̱o̱ ake̱ *Iohane, baptisilo̱ le̱ ni, ni meikomei hũ kē̱o̱ ake̱ †Elia ni, ni meikrokomei ke̱o̱ ake̱ Ieremia alo gbalo̱i le̱ ateṅ mokome ni. *14,2. †17,10.

¹⁵ Ekē̱ame̱ ake̱: Ši nye le̱, namo nyekē̱o̱ ake midši?

¹⁶ Ši Simon Petro here no̱ ekē̱: *Bo dši Kristo le̱, Nyoṅmo̱, hĩekãlo̱ le̱, bi le̱. *Ioh. 6.69.

¹⁷ Ni Iesu here no̱ ekē̱le̱ ake̱: Adšŏ̱o, Simon, Iona bi; edšake̱ *dšee helo ke̱ lá dšie ene̱ tšõo, ši moṅ mitše̱ ní yo̱ ṅwei le̱ ni. *Gal. 1,15. 16.

¹⁸ Ni mi hũ mīkē̱e ake̱: Bo dši Petro le̱, ni ne̱ke̱ *te̱sā ne̱ no̱ matſa misafo le̱ mamã, ni gbohĩĩadše agbói le̱ nyẽṅ eno̱ aye. *Ioh. 1,42. Ef. 2,20.

¹⁹ Ni maṅõ ṅwei maṅtše̱yeli le̱ nā samfei le̱ mahão; ni *nofẽno ní oofĩ ye̱ šikpoṅ le̱ no̱ le̱, aafĩ ye̱ ṅwei; ni nofẽno ni oofẽne ye̱ šikpoṅ le no̱ le̱, aafẽne ye̱ ṅwei. *18,18.

²⁰ Ke̱ke̱ ni etſa ekaselo̱i le̱ ana mã ake ame̱kakē̱ moko ake̱ le̱ dši Iesu, Kristo le̱. 17,9.

²¹ Ke̱-dše̱ no be le̱ no̱ noṅṅ ni Iesu bõi ekaselo̱i le̱ tšõmo̱ ake̱ dša ete Ierusalem ni eyana amanehũlũ pī ye̱ onukpai le̱ ke̱ oso̱fonukpai ke̱ woloṅmãlo̱i le̱ adeṅ, ni agbele̱, ní gbĩ ní dši gbĩ etẽ le̱ eete ši ekoṅ. 12,40. Ioh 2.19.

²² Ni Petro tšé̱le̱ ke̱-te afã ebõile̱ ko̱-ko̱bō̱ ekē̱: Na ohe mo̱bo̱, Nuṅtšo̱, ene̱ akagbaleo fō̃ṅfõ!

²³ Ši etšṍ ehe ekē̱ Petro ake̱: Ho mise̱, satan! õtõtõ minane: edšake̱ odſẽṅṅ Nyoṅmo̱ nii ahe, ši gbomei anii ahe moṅ odſẽṅo̱.

²⁴ Ke̱ke̱ ni Iesu kē̱ ekaselo̱i le̱ ake̱: Ke̱dši moko mīsumo̱ ake̱ enyieo̱ mise̱ le̱, hã ní ekwa ehe ní ewó ese̱ṅmo̱tšo le̱ ní enyie mise̱. 10,38. 39.

²⁵ Edšake̱ mofẽmo ní taoo̱ ake̱ ebāa esusuma yi le̱, eelādšele̱; ši mofẽmo ní lādšeo̱ esusuma ye̱ mihewo̱ le̱, enine aaše̱ no̱.

²⁶ Edšake̱ mẽ se̱ gbomo náa, ke̱dši enine še̱ dšeṅ mū le̱ fẽ no̱, ši elādše esusuma le̱? Alo meni gbomo aaṅō-hã ní eke̱kpõ esusuma le̱?

²⁷ Edšake̱ gbomobi le̱ baba ye̱ etše̱ anumnyam le̱ mli ke̱ ebo̱foi le̱; ni no mli le̱ *eewo mofẽmo nyõmo̱ ye̱ enitšumo̱ nā. *Rom. 2,6.

²⁸ Le̱le̱ṅ, mīkē̱nye ake̱: Meikomei ye̱ mei ní damo̱ bie̱ ne̱ ateṅ ní ame̱saṅ ame̱nā gbĕle ke̱-yaši beyino̱ ní ame̱ana gbomobi le̱ miba ye̱ emaṅtše̱yeli le̱ mli. 10,25.