Mateo 15 - Ṅmãle̱ Kroṅkroṅ Le̱

¹ Ke̱ke̱ ni woloṅmãlo̱i ke̱ Farisifoi ni dše̱ Ierusalem le̱ ba Iesu ṅõ ame̱bakē̱:

² Mẽhewo̱ ní okaselo̱i le̱ tõo̱ onukpai le̱ *ablemasãdši le̱ ano̱ le̱? edšake̱ †ame̱fo̱o̱ ame̱dẽ dãni ame̱yeo̱ nii. *5 Mose 4,2. †Luk. 11,33.

³ Ši ehere no̱ ekē̱ame̱ ake: Mẽhewo̱ ní nye hũ nyeke̱ nyeblemasãdši le̱ tõo̱ Nyoṅmo̱ kitã le̱ no̱ le̱?

⁴ Edšake̱ Nyoṅmo̱ *wo kitã ekē̱: “Wo otše̱ ke̱ onye!” ni “moni lomoo̱ etše̱ lo enye le̱, gbe aagbele̱!” *2 Mose 20,12; 21,17.

⁵ Ši nye le̱ nyekē̱o̱ ake̱: Mofẽmo ní aake etše̱ lo enye ake̱: Noni kũle̱ ooná ye̱ mideṅ le̱, mike̱-ke Nyoṅmo̱ le̱, ekawo etše̱ lo enye doṅṅ.

⁶ Ni nyeblemasãdši le̱ ahewo̱ le̱ nyegu Nyoṅmo̱ kitã le̱.

⁷ Osatofoi! gbe̱ nā pe̱ *Iesaia gba ye̱ nyehewo̱ ake̱: *Ies. 29,13.

⁸ “Maṅ ne̱ ke̱ ame̱nābu woo̱mi; ši ame̱tšui etši ehe ke̱-dše̱ mihe ke̱-te šoṅṅ.

⁹ Ši yakatſā ame̱dšáami le̱, edšake̱ ame̱tšõo̱ tšõmo̱i ní dši gbomei akitãi.”

¹⁰ Ni etšé̱ asafo le̱ ke̱-ba, ni ekē̱ame̱ ake̱: Nyeboa toi ní nyena šiši!

¹¹ Dšee noni *boteo̱ mo dāṅ le̱ buleo̱ gbomo; ši moṅ noni †dšeo̱ mo dāṅ le̱, no buleo̱ gbomo. *1 Tim. 4,4. †Mat. 12,34.

¹² Ke̱ke̱ ni ekaselo̱i le̱ ba eṅõ ame̱bakē̱le̱ ake̱: Ole ake̱, beni Farisifoi le̱ nu ne̱ke̱ wiemo̱i ne̱, efeame̱ tāṅ?

¹³ Ši ehere no̱ ekē̱: Tšo-fẽ-tšo ní dšee miṅwei-tše̱ le̱ te̱o le̱, fã aafã.

¹⁴ Nyekadia ame̱se̱! *ſilafoi ní tšõo̱ ſilafo agbe dšiame̱; ni ké̱ ſilafo mītsõ ſilafo gbe̱ le̱, ame̱yi enyo̱ le̱ fẽ ame̱agbẽ bu mli. *23,24. Luk. 6,39. Rom 2.19.

¹⁵ Ni Petro here no̱ ekē̱le̱ ake: Tšõmo̱wo̱ abe̱ ne̱ šiši!

¹⁶ Ni ekē̱: Ani nye hũ nyeleko nii lolo?

¹⁷ Ani nyekpako ši ake̱, nofẽno ní boteo̱ mo dāṅ le̱, mũsũṅ eyaä ni adšieo̱ awoo tiafi mli?

¹⁸ Ši nii ní dše̱o̱ dāṅ dšeo̱ kpo le̱ tšui mli dše̱o̱, ni nomei buleo̱ mo le̱.

¹⁹ Edšake̱ *tšui mli ni susumo̱i fõdši, gbomogbē, gblãfitemo̱i, adſamaṅbō̱i, dšūi, amale odaseyelii ke̱ musubō̱i dše̱o. *1 Mose 8,21.

²⁰ Ene̱mei dši nii ní buleo̱ gbomo; ši dẽ ni afo̱o̱ dãni ayeo̱ nii le̱, no bulee mo.

²¹ Ni Iesu dše dše̱i eyiṅ ete Tiro ke̱ Zidon niiaṅ.

²² Ni na, Kanaanyō ko ní dše̱ dše̱i niiaṅ noṅṅ bablo̱le̱ ekē̱: Nami mo̱bo̱, Nuṅtšo̱, David bi; mibiyō mina nõ ke̱ daimonio.

²³ Ši efoo edāṅ. Ni ekaselo̱i le̱ ba bakpale̱ fai, ni ame̱kē̱ ake̱: Wole̱ gbe̱ ní eya, ši ēblo̱ ke̱-mīnyie wo̱se̱!

²⁴ Ši ehere no̱ ekē̱: *Israel we tōi ní elādše le̱ aṅõ ke̱ke̱ atšũmi. *10,6.

²⁵ Ši yō le̱ ba bakũla ši ye̱ ehĩe ekē̱: Nuṅtšo̱, femo̱ he eko ohãmi!

²⁶ Ši ehere no̱ ekē̱: Edšaa ake̱ aṅõo̱ bii abolo le̱ aše̱re̱o̱ aſieo̱ šifõdši abii.

²⁷ Ši ekē̱: Nuṅtšo̱, eye̱ mli moṅ; ši be̱ šifõdšĩ abii le̱ hũ yeo̱ fufudšì ni ſieo̱ ame̱nuṅtšo̱mei akplõi le̱ ašisi le̱ eko!

²⁸ Ke̱ke̱ le̱ Iesu here no̱ ekē̱le̱ ake̱: O yō, *ohemo̱-ke̱-yeli da! Afe ahão tamo̱ bo̱ni otaoo̱ le̱! Ni atšá ebiyō le̱ ye̱ no ṅmle̱tſā le̱ no̱ noṅṅ. *8,10. 13.

²⁹ Ni *Iesu dše dše̱i eba Galilea ṅšo̱ le̱ nā. Ni ekwo̱ ete goṅ le̱ no̱ ni eyatá ši ye̱ dše̱i. *Mar. 7,31.

³⁰ Ni asafoi pī ba eṅõ ame̱hĩe obubuafoi ke̱ ſilafoi ke̱ mumuii ke̱ kpadšelo̱i ke̱ meikrokomei pī; ni ame̱ke̱ame̱ baſie Iesu nādši anā; ni etšáame̱.

³¹ Ni asafoi le anā kpe̱ ame̱he, beni ame̱na ake̱ mumuii miwie ni kpadšelo̱i eye emū ni obubuafoi minyie ni ſilafoi mīna nii le̱; ni ame̱wo Israel Nyoṅmo̱ le̱ hĩe nyam. Mar. 7,37.

³² Ši Iesu tšé̱ ekaselo̱i le̱ ke̱-ba ni ekē̱: *Mimũsũṅ mītšõmi ye̱ asafoi le̱ ahewo̱, ake̱ ṅmene̱ dši gbĩĩ ete ní ame̱ke̱mĩ ehĩi ši, ni ame̱be̱ noko ní ame̱yeo̱; ni misumo̱o̱ ake̱ miwoo̱ame̱ gbe̱ ke̱ hõmo̱, ni ekole̱ ame̱yato̱ö̱ biti ye̱ gbe̱ le̱ no̱. *14,14.

³³ Ni ekaselo̱i le̱ kē̱le̱ ake̱: Nẽgbe̱ wo̱baná aboloi ní pá pī ye̱ ṅã ne̱ no̱, bo̱ni aaše̱ asafo babaō ne̱ nā?

³⁴ Ni Iesu biame̱ ake̱: Aboloi enyie nyeyo̱? Ame̱kē̱le̱ ake̱: Kpawo, ke̱ lōi bibii fio ko.

³⁵ Ni efã́ asafoi le̱ ake̱ ame̱trá ši ye̱ šikpoṅ.

³⁶ Ni ekŏ̱lo̱ aboloi kpawo le̱ ke̱ lōi le̱, ni eda ši, ni ekũmo̱ mli ni eṅõ-hã ekaselo̱i le̱, ni ekaselo̱i le̱ ṅõ-hã asafoi le̱.

³⁷ Ni ame̱fẽ ame̱ye ni ame̱tŏ̱ro̱; ni ame̱kŏ̱lo̱ fufudši ní ſe̱ le̱ flo̱to̱i kpawo obõbõ.

³⁸ Ni mei ní ye le̱ ayibo̱ dši hĩĩ akpei-edſe̱, sŏro yei ke̱ gbekẽbii.

³⁹ Ni ewo asafoi le̱ agbe̱, ni ebote le̱le̱ mlĩ, nĩ eba Magdala niiaṅ.