Mateo 13 - Ṅmãle̱ Kroṅkroṅ Le̱

¹ Nakai gbĩ le̱ no̱ noṅṅ le̱ Iesu dše šĩa le̱ eyatá ṅšo̱ le̱ nā,

² Ni asafo babaō babua ame̱he nā ye̱ eṅõ, ni nohewo̱ le̱ ete lele ko mli eyatá ši, ni asafo le̱ fẽ damo̱ ṅšo̱ le̱ nā.

³ Ni ewie wiemo̱i pī etšõame̱ ye̱ abe̱buai amli ekē̱: Na, nidũlo̱ yiṅ ete ni-dũmo̱.

⁴ Ni beni edũo̱ le̱, ekomei yaſie gbe̱ he, ni lofõdši ba bakŏ̱lo̱.

⁵ Ni ekomei hũ yaſie te̱sāi ano̱, heni ame̱náá sũ tūtu ye̱; ni amrõ le̱, ake̱-ní ame̱be̱ sũ ní kwo̱ le̱ hewo̱ le̱, ame̱kwẽ;

⁶ ši beni hũlũ te ši le̱, ame̱šã, ni ame̱be̱ fã ko hewo̱ le̱ ame̱ṅălã.

⁷ Ni ekomei hũ yaſie ṅmei ateṅ, ni ṅmei le̱ hole ame̱he no̱, ni ame̱gbe nomei.

⁸ Ši ekomei hũ yaſie šikpoṅ kpakpa no̱, ni ewo yibii, ekomei oha, ekomei nyoṅmai-ekpa, ke̱ ekomei nyoṅmai-etẽ.

⁹ Moni yo̱ toi ni eke̱-anu le̱, hã ní enu!

¹⁰ Ni ekaselo̱i le̱ ba eṅõ babile̱ ake̱: Menihewo̱ oke̱ame̱ wieo̱ ye̱ abe̱buai amli le̱?

¹¹ Ši ehere no̱ ekē̱ame̱ ake̱: Edšake̱ nye le̱ aṅõ-hãnye ake̱ nyele ṅwei maṅtše̱yeli le̱ṅ tēmo̱sãdši le̱, ši ame̱ le̱ aṅõ-hãkoame̱.

¹² Edšake̱ *mofẽmo ní yo̱ noko le̱, aahãle̱ ni éná ke̱-teke no̱; ši mofẽmo ní be̱ noko le̱, noni eyo̱ tete le̱, aašõ ye̱ edeṅ. *25,29. Mar. 4,25. Luk. 8,18.

¹³ Ene̱hewo̱ mike̱ame̱ wieo̱ ye̱ abe̱buai amli le̱, edšake̱ ame̱mīna ši ame̱naa, ni ame̱mīnu ši ame̱nuu, ni ame̱naa šiši hũ. 5 Mose 29,8.

¹⁴ Ni Iesaia gbalo̱ le̱ eba mli ye̱ amehe, *noni kē̱o̱ ake̱: “Nu le̱ nyebanu ne̱, ši nyenaṅ šiši; ni na le̱ nyebana ne̱, ši nyeyooṅ se̱. *Ies. 6,9. 10.

¹⁵ Edšake̱ ne̱ke̱ maṅ ne̱ tšui ekplim, ni ame̱toii ewa, ni ame̱mīamīa ame̱hĩṅme̱ii; koni ame̱kana ke̱ ame̱hĩṅme̱ii, ni ame̱kanu ke̱ ame̱toii, ni ame̱tšui hũ aka-na šiši, ní ame̱kpale ní mitšáame̱.”

¹⁶ Ši nye le̱, adsō̱ nyehĩṅme̱ii le̱, ake̱ ame̱mīna nii, ke̱ nyetoii le̱, ake̱ ame̱mīnu nii. Luk. 10,23. 24.

¹⁷ Edšake̱ le̱le̱ṅ, mīkē̱nye ake̱, gbaloi ke̱ dšalo̱i pī tao ní ame̱na nii ní nye-naä ne̱, ni ame̱yanaa, alo ní ame̱nu nii ní nyenuo̱ ne̱, ni ame̱yanuu.

¹⁸ Nohewo̱ le̱ nye le̱ nyeboa nidũlo̱ le̱ he abe̱ le̱ toi.

¹⁹ Mofẽmo ni nuo̱ maṅtše̱yeli le̱ he wiemo̱ le̱ ní eyoo se̱ le̱, mofõṅ le̱ baä bašáa noni adũ ye̱ etsui mli le̱. Mone̱ dši moni adũ ye gbe̱ he le̱.

²⁰ Ši moni adũ ye̱ te̱sā no̱ le̱, le̱ dši moni nuo̱ wiemo̱ le̱ ni ehereo̱ amrõ ke̱ mīše̱;

²¹ ši ake̱-ní ebe šišifã ye̱ emli le̱, ehĩo̱ ši fiō ke̱ke̱; ni ke̱dši haomo̱ lo yiwale̱ ba ye̱ wiemo̱ le̱ hewo̱ le̱, etše̱e̱ ke̱ke̱ le̱ enane etõtõ.

²² Ši moni adũ ye̱ ṅmei ateṅ le̱, le̱ dši moni nuo̱ wiemo̱ le̱, ni dše ne̱ṅ *he nāgbamo̱ ke̱ nii pī ahe lakamo̱ le̱ gbeo̱ wiemo̱ le̱, ni ewoo yibii. *6,19-34. 1 Tim. 6,9.

²³ Ši moni adũ ye̱ šikpoṅ kpakpa no̱ le̱, le̱ dši moni nuo̱ wiemo̱ le̱ ni eyoo̱ se̱, ni esā ewoo̱ yibii hũ, ni ebaä, moko oha, moko hũ nyoṅmai-ekpa, ke̱ moko hũ nyoṅmai-etẽ.

²⁴ Ebuame̱ abe kroko hũ ekē̱: Ṅwei maṅtše̱yeli le̱ tamo̱ nū ko ni dũo̱ dũmo̱nii kpakpai ye̱ ebō̱ mli. 18,26-43.

²⁵ Ši beni mei wo̱ le̱, ehenye̱lo̱ ko ba ebadũ dſe̱i efutu ṅmā̃ le̱, ni eyiṅ ete.

²⁶ Ši beni ekwẽ ni ewo yibii le̱, ke̱ke̱ le̱ dſe̱i le̱ hũ pue.

²⁷ Ši šĩatše̱ le̱ tšũdši le̱ ha eṅõ babile̱ ake̱: Nuṅtšo̱, ani dšee dũmo̱nii kpakpai odũ ye̱ obō̱ le̱ mli le̱? nẽgbe̱ eke̱ dſe̱i ne̱ dše̱ mo̱?

²⁸ Ši ekē̱ame̱ ake̱: Henye̱lo̱ ko bafe ene̱ ne̱. Ni etšũdši le̱ kē̱le̱ ake̱: Bĕle̱ ōsumo̱ ake̱ wo̱ya ní wo̱yafãmo̱ lo?

²⁹ Ši ekē̱: Dabi, ekole̱ aleenõ dſe̱i le̱ fãmo̱ mli le̱, nyeafãmo̱ ṅmā̃ le̱ hũ nyefutuṅ.

³⁰ Nyehãa enyo̱ le̱ fẽ akwẽa ke̱-yašia ṅmā̃kpamo̱be le̱, ni ṅmā̃kpamo̱be le̱ makē̱ kpalo̱i le̱ ake̱: Nyebuaä dſe̱i le̱ anā tšutšu, ni nyefīmo̱a-ame̱ keikei, koni ašā; ši ṅmā̃ le̱ *nyebuaä nā nyeyawoa miboṅo le̱ mli. *3,12.

³¹ Ebuame̱ abe̱ kroko ekē̱: Ṅwei maṅtše̱yeli le̱ tamo̱ sinapiwu ní moko ko̱ ni eyadũ ye̱ ebō̱ mli;

³² edši dũmo̱nii fẽ ateṅ bibiō kwrā, ši ke̱ ekwẽ le̱, edaä fè ſiebāi fẽ, ni efeo̱ tšo, ni ṅwei lofõdši le baä bafeo̱ tšũi ye̱ enidši ateṅ.

³³ Ebuame̱ abe̱ kroko ake̱: Ṅwei maṅtše̱yeli le̱ tamo̱ mãša ní yō ko ko̱ ni eṅõ-ho̱ mã́ tšesei etẽ mli ke̱-yaši beyino ní fẽ ša. Luk. 13,20. 21.

³⁴ Abe̱buai amli Iesu tšṍ wie *nii ne̱ fẽ etšõ asafoi le̱, ni abe̱buai amli so̱ṅṅ ke̱ke̱ eke̱ame̱ wieo̱; *Mar. 4,33. 34.

³⁵ koni noni *gbalo̱ le̱ wie le̱ aba mli ake̱: “Magble minā ye̱ abe̱buai amli; magba nii ní aṅõ-tē ke̱-dše̱ dšeṅ šišidšē le̱.” *Lal. 78,2.

³⁶ Ke̱ke̱ ni Iesu dšie asafoi le̱ agbe̱ ni ete šĩa le̱. Ni ekaselo̱i le̱ ba eṅõ bakē̱le̱ ake̱:. Tšõmo̱wo̱ abō̱ le̱ṅ dſe̱i le̱ he *abe̱bua le̱ šíši. *K. 24-30.

³⁷ Ni ehere no̱ ekē̱ame̱ ake̱: Dũmo̱nii kpakpai adũlo̱ le̱ dši gbomobi le̱;

³⁸ abō̱ le̱ dši dše ne̱ṅ; *dũmo̱nii kpakpai le̱ dši maṅtše̱yeli le̱ṅ bii le̱; dſe̱i le̱ dši mofõṅ le bii le̱; *1 Kor. 3,9.

³⁹ henye̱lo̱ ní dũame̱ le̱ dši abonsam; ṅmãkpamo̱be le̱ dši dše ne̱ṅ nāgbē le̱; ni ṅmā̃kpalo̱i le̱ dši ṅweibo̱foi.

⁴⁰ Agbene bo̱ni abuaä dſe̱i anã ní ake̱ la šãa le̱, nakai noṅṅ aafe ye̱ dše ne̱n nāgbē le.

⁴¹ Gbomobi le̱ aatšũ ebo̱foi le̱, ni *ame̱abua nanetõtõmo̱nii fẽ ke̱ mei ní tšuo̱ mlakwamo̱nii le̱ anã ke̱-adše emaṅtše̱yeli le̱ mli, *25,31-46.

⁴² ni ame̱aṅõame̱ ame̱wo laflõnõ le̱ mli; dše̱i yāfó ke̱ nyãnyõdši ašišikpemo̱ aahĩ. 8,12.

⁴³ Ni *dšalo̱i le̱ aakpe̱ tamo̱ hũlũ ye̱ ame̱tše̱ maṅtše̱yeli le̱ mli. Moni yo̱ toii ni eke̱-anu le̱, hã ní enu! *Dan. 12,3.

⁴⁴ Asaṅ ṅwei maṅtše̱yeli le̱ tamo̱ dſetri ní aṅõ-tē ye̱ abō̱ mli, ní beni gbomo ko yana le̱, eṅõ-tē, ni no he mīše̱ ní ená hewo̱ le̱ ete ni *eyahõ nii fẽ ní eyo̱ le̱, ni eke̱-hé nakai abō̱ le̱. *19,29. Luk 14,33. Fil. 3,7.

⁴⁵ Asaṅ ṅwei maṅtše̱yeli le̱ tamo̱ guo̱yelo̱ ko ní taoo̱ adiagbai fe̱fe̱dši,

⁴⁶ ni beni eyana *adiagba kome ní dšra wa le̱, ete ni eyahō nii fẽ ní eyo̱ le̱, ni eke̱-hé. *Abe̱i 8,10. 11.

⁴⁷ Asaṅ ṅwei maṅtše̱yeli le̱ tamo̱ yā ní afõ ye̱ ṅšo̱ mli ní eṅõ lōi sro̱toi fē eko; 22,9. 10.

⁴⁸ ni beni eyi le̱, agbla ke̱-ba šia no̱, ni ame̱trá ši ame̱bua ekpakpai le̱ anā ame̱wo kpaii amli; ši nii ní ehĩĩ le̱ ame̱še̱re̱ ame̱ſie.

⁴⁹ Nakai noṅṅ abafe ye̱ dše ne̱ṅ nāgbē le̱. Ṅweibo̱foi le̱ aadše kpo aba ni *ame̱abahala mei fõdši le̱ ye̱ dšalo̱i le̱ ateṅ; *25,32.

⁵⁰ ni ame̱ke̱ nomei aawo laflõnõ le̱ mli. Dše̱i yāfó ke̱ nyãnyõdši ašišikpemo̱ aahĩ.

⁵¹ Iesu kē̱ame̱ ake̱: Nyéna nii ne̱ fẽ šiši lo? Ame̱kē̱le̱ ake: Hē̃, Nuṅtšo̱!

⁵² Ši ekē̱ame̱ ake̱: Nohewo̱ le̱, woloṅmãlo̱-fẽ-woloṅmãlo̱ ní afele̱ kaselo̱ aha ṅwei maṅtše̱yeli le̱, etamo̱ šĩatše̱ ko ní dšieo̱ nii hēi ke̱ nii memedši ke̱-dše̱o̱ edſetri le̱ṅ.

⁵³ Ni eba mli ake̱, beni Iesu egbe abe̱buai ne̱ anā le̱, edše dše̱i;

⁵⁴ ni beni eba le̱dientše̱ emã le̱ṅ le̱, etšõame̱ nii ye̱ ame̱kpēhe le̱, ní eha amehe dšõ amehe ni ame̱kē̱: Nẽgbe̱ mone̱ yaná nilē ke̱ hewale̱nii ne̱ ke̱-dše̱?

⁵⁵ Ani dšee ṅālo̱ le̱ bi le̱ ne̱? Ani dšee enye atšé̱o̱ Maria, ke̱ enyemimeihĩĩ Iakobo ke̱ Iose ke̱ Simon ke̱ Iuda le̱?

⁵⁶ Ni enyemimeiyei le̱, ani dšee ame̱fẽ ame̱ke̱wo̱ yo̱? Nẽgbe̱ mone̱ yaná nii ne̱ fẽ ke̱-dše̱ mo̱? Ioh. 7,15. 52.

⁵⁷ Ni etšṍ pāmpĩ ehãame̱. Ši Iesu kē̱ame̱ ake̱: *Abuo̱ gbalo̱ ye̱ hefẽhe, dša le̱dientše̱ emaṅ ke̱ ledientše ewe ke̱ke̱. *Ioh. 4,44.

⁵⁸ Ni ake̱-ni ame̱hee ame̱yee hewo̱ le̱, efee hewale̱nii pī ko ye̱ dše̱i.