Mateo 11 - Ṅmãle̱ Kroṅkroṅ Le̱

¹ Ni eba mli ake̱, beni Iesu eto ekaselo̱i nyoṅma ke̱ enyo̱ le̱ gbe̱dšiano̱ ne̱ke̱ egbe nā le̱, edše dše̱i eyatšõ nii ní ešie̱ ye̱ ame̱mãdši le̱ amli.

² Ši Iohane le̱, beni enu Kristo nitšumo̱i le̱ ahe *ye̱ tšũ le̱ṅ le̱, etšũ ekasele̱i le̱ ateṅ mei enyo̱, *14,8.

³ ni ame̱babile̱ ake: Ani *bo dši moni baã le̱, alo wo̱kwe̱ mokroko gbe̱? *Mal. 3,1.

⁴ Ni Iesu here no̱ ekē̱ame̱ ake̱: Nyeyaä ní nyeyagbaä Iohane noni nyenuo̱ ke̱ noni nyenaä ne̱:

⁵ ſilafoi mīna nii, ni obubuafoi mīnyie; kpitiyelo̱i ahe mītše, ni toimũlo̱i mīnu nii; gbohĩĩ mīte ši, ni ohĩafoi le̱, ădšadše sanekpakpa ātšõame̱. Ies. 35,5. 6; 61,1.

⁶ Ni adšō̱ mofẽmo ní *misane etõtõṅ enane. *13,57; 26,31.

⁷ Ši beni mene̱mei yaä le̱, Iesu bõi Iohane he wiemo̱ ke̱ mei babaō le̱ tšōmo̱ ake̱: Mẽ kwe̱mo̱ nyete ye̱ *ṅā le̱ no̱ le̱? dſe̱itšo ní kō̱yo̱ hosoo? *3,1. 5.

⁸ Alo mẽ kwe̱mo̱ nyete? gbomo ní woo̱ atade bo̱dō̱? Na, mei ní woo̱ atade bo̱dō̱ le̱, maṅtše̱mei awei ame̱yo̱.

⁹ Alo mẽ kwe̱mo̱ nyete? *Gbalo̱? Hē̃, mīkē̱nye ake̱, moni fè gbalo̱ tete. *Luk. 1,78.

¹⁰ Edšake̱ mone̱ dši mo hewo̱ ní a-ṅmã ake̱: “Na, mītšũ mibo̱fo le̱ ke̱-tšṍ ohĩe, moni aasā ogbe̱ le̱ etoö le̱.” Mal. 3,1.

¹¹ Le̱le̱ṅ, mīkē̱nye ake̱: Mei ní yei fo̱ame̱ le̱ ateṅ moko eteko ši ní fè Iohane, baptisĩlo̱ le̱; tše̱bele̱ moni dši bibiō kwrā ye̱ ṅwei maṅtše̱yeli le̱ mli le̱ fèle̱. 13,17.

¹² Ši *ke̱-dše̱ Iohane, baptisĩlo̱ le̱, yino̱ ke̱-ba ne̱, hewale̱ nā aṅõo̱ ṅwei maṅtše̱yeli le̱, ni hewalo̱i gblaäle̱ hewale̱ nā. *Luk. 16,16; 18,24.

¹³ Ši gbaloi le̱ fẽ ke̱ mla le̱ gba ke̱-baši Iohane nõ.

¹⁴ Ni ke̱dši nyemīsumo̱ ake̱ nyeamõ mli le̱, mone̱ dši Elia ní baba le̱. Mal. 3,28. Mat. 17,10-18.

¹⁵ Moni yo̱ toi ní eke̱-anu le̱, hã ni enu!

¹⁶ Ši namo he maṅõ ne̱ke̱ yino̱bii ne̱ mato? Ame̱tamo̱ gbekẽbii ní trá dšadši ano̱ ni ame̱tšé̱tšé̱o̱ ame̱nanemei ake̱:

¹⁷ Wo̱kpã ble̱ wo̱hãnye, ni nyedšòko; wo̱wo yăra wo̱hãnye, ni nyefoko. Abe̱i 29,9.

¹⁸ Edšake̱ Iohane ba, ní *eyee nii ni esā enuu noko le, ame̱kē̱ ake̱: Daimonio ye̱ emli. *3,4.

¹⁹ Gbomobi le̱ ba, ní *eyeo̱ nii ni esā enuo̱ noko le̱, ame̱kē̱ ake̱: Na, nū fulo̱ ke̱ dā̃nulo̱, ntōhelo̱i ke̱ ešafelo̱i ašientše̱ ne̱! Ni abu nilē le̱ bem ye̱ ebii le̱ anā. 9,14. 15.

²⁰ Ke̱ke̱ ni ebõi mãdši hei ní etšu ehewale̱-nitšumo̱i babaō titri ye̱ le̱ ahiẽ-wiemo̱, ake̱-ní ame̱tšakee ame̱tšuii le̱, ekē̱:

²¹ Kpóo hã bo, Korazin! kpóo hãbo, Betsaida! Edšake̱ši hewale̱-nitšumo̱i ní atšu ye̱ nyemli le̱, aná atšu ye̱ Tiro ke̱ Zidon dšikũle̱, *ame̱tšake ame̱tšuii ye̱ kpekpe ke̱ lamlu mli dšeeṅmõ. *Iona 3,6.

²² Tše̱bele̱ mīkē̱nye ake̱, edšraṅ hãṅ Tiro ke̱ Zidon ye̱ kodšomo̱gbĩ le̱ no̱, tamo̱ nye.

²³ Ni bo, *Kapernaum ní awó ono̱ ke̱-še̱ ṅwei le̱, gbohĩĩadše tō̃ aabao ši ke̱-ate; edšake̱ši hewale̱-nitšumo̱i ní atšu ye̱ omli le, aná atšu ye̱ Sodom dšikũle̱, emã ši ke̱-baši ṅmene̱. *4,13; 8,5; 9,1.

²⁴ Tše̱bele̱ mīkē̱nye ake̱, edšraṅ hãṅ Sodom šikpoṅ le̱ ye̱ kodšomo̱gbĩ le̱ no̱, tamo̱ bo. 10,15.

²⁵ No be le̱ mli le̱ Iesu here no̱ ni ekē̱: Mīdšie oyi, Atā, ṅwei ke̱ šikpoṅ nuṅtšo̱, ake̱ oṅõ nii ne̱ otē ṅālo̱i ke̱ nilelo̱i, ni odšie otšõ abifabii; 1 Kor. 1,26-29.

²⁶ hē̃, Atā, bo̱ni sa ohĩe dši no.

²⁷ Mitše̱ *étu nii fẽ ewo mideṅ; ni mokomoko lee bi le̱, ake̱ dša tše̱ le̱ ke̱ke̱; asaṅ tše̱ le̱ hũ, mokomoko leele̱, ake̱ dša bi le̱, ke̱ moni bi le̱ snmoo̱ ake̱ edšieo̱le̱ etšõo̱ le̱. *28,18. Ioh. 8,35; 17,2. Fil. 2,9.

²⁸ Nyebaä miṅō, nye mei fẽ ní eto̱nye ni nyedšatšui fènye le̱, ni mahanye hedšō̱mo̱. 12,20. Ier. 31,25.

²⁹ Nyewoa mipã le̱ nyefõa nyeno̱, ni nyekaseami; ši mihe dšo̱, ni mibaã mihe ši ke̱-dše̱ mitsui mli; ni nyeaná hedšō̱mo̱ nyeahã nyesusumai le̱.

³⁰ Edšake̱ mipã le̱ tẽremo̱ waa, ni *midšatšu le̱ etšii, *1 Ioh. 5,3.