Marko 16 - Ṅmãle̱ Kroṅkroṅ Le̱

¹ Ni beni hedšō̱mo̱gbĩ le̱ fo mli le̱, Maria Magdalēna ke̱ Iakobo nye Maria ke̱ Salomo yahe tšofãi-ke̱-ṅmai, koni ame̱ba ní ame̱ke̱-bakpale̱.

² Ni otši le̱ kleṅkleṅ gbĩ le̱ no̱ lebi mā̃ṅkpa, beni hũlũ te ši le̱, ame̱ba bu le̱ nā.

³ Ni ame̱kē̱kē̱ ame̱he ake̱: Namo aakoklo te̱ le̱ ye̱ bu le̱ nā ahãwo̱?

⁴ Ši beni ame̱yawó ame̱hĩe no̱ le̱, ame̱na ake̱ ákoklo te̱ le̱ ke̱-te se̱; edšake̱ eda naakpa.

⁵ Ni beni ame̱bote bu le̱ mli le̱, ame̱na oblanyo ko tá ninedšŭrõgbe̱, ni ewo atade ye̱ṅ kakadaṅ; ni ame̱he̱le ši.

⁶ Ši ekē̱ame̱ ake̱: Nyekasea gbeyei! Nyemītao Iesu Nazarenyo ní ase̱ṅle̱ le̱; ete ši, ebe bie̱; na, heni ake̱le̱ ṅmẽ ne̱!

⁷ Ši nyeyaä ni nyeyakpa ekaselo̱i le̱ ke̱ Petro, ake̱ etšṍ nyehĩe ke̱-mīya Galilea; dše̱i nyeanale̱ ye̱, take̱ bo̱ni ekē̱nye le̱. 14,28.

⁸ Ni ame̱dše kpo oyá ni ame̱dšo foi ke̱-dše̱ bu le̱ he, ši hekpokpomo̱ ke̱ nākpe̱ mõmõame̱; ni ame̱kē̱ē̱ mokomoko noko; edšake̱ ame̱mīše gbeyei.

⁹ Ši beni ete ši lebi mā̃ṅkpa ye̱ otši le̱ kleṅkleṅ gbĩ le̱ no̱ le̱, mo tšutšu ní edšie ehe kpo etšõ dši Maria Magdalēna, mo mli hũ ní *efã daimonioi kpawo ye le. *Luk 8,2. Ioh. 20,11-18.

¹⁰ Ni le̱ ete eyagba mei ni ke̱le̱ hĩ ši ni yeo̱ ṅko̱mo̱ ni ame̱fóo̱ le̱.

¹¹ Ši ame̱ le̱, beni ame̱nu ake̱ ehĩe kã ni enale̱ le̱, ame̱hee ame̱yee.

¹² Nii ne̱ ase̱ le̱ edšie ehe kpo ye̱ su kroko mli etšõ ame̱teṅ mei enyo̱, beni ame̱yaä šišĕramo̱ ye̱ ṅãno̱ le̱. Luk. 21,13-35.

¹³ Ni ame̱ hũ ame̱yiṅ ame̱te ame̱yakē̱ mei ni eſe̱ le̱, ši ame̱hee nomei hũ tete ame̱yee.

¹⁴ Fe se̱ le̱ *edšie ehe kpo etšõ mei nyoṅma ke̱ ekome le̱ dientše̱, beni ame̱trá niyenii aši le̱, ni ewie ame̱hĩe ye̱ he ni ame̱hee ame̱yee ke̱ ame̱tšuiwale̱ le̱ hewo̱, edšake̱ ame̱hee mei ni nale̱ ye̱ ešitē le̱ se̱ le̱ ame̱yee. *1 Kor. 15,5.

¹⁵ Ni ekē̱ame̱ ake̱: Nyeyaä dše le̱ṅ fē-kwa nyeyašie̱a sanekpakpa le̱ nyetšõa nofẽno ní abo̱ le̱. Mat 28,18-20.

¹⁶ Moni heo̱ yeo̱ ni abaptisile̱ le̱, aahere eyiwala; ši moni hee yee le̱, aabule fo̱. Bo̱f. 2,38.

¹⁷ Ši okadii ní aanyie mei ní heo̱ yeo̱ le̱ ase̱ ne̱: Migbe̱i ano̱ le̱ *ame̱afãmo̱ daimonioi; †ame̱awie wiemoi hēi; *Bo̱f. 16,18. †Bo̱f. 2,4. 11; 10,46.

¹⁸ *ame̱ahole onũfũi; ni ke̱dši ame̱nu noko ní gbeo̱ mo le̱, efeṅame̱ efõṅ ko; †ame̱aṅõ ame̱nidši ame̱ſie helatše̱mei ano̱, ni ame̱he aawaame̱. *Luk. 10,19. Bo̱f. 28,3-6. †Iak. 5,14. 15.

¹⁹ Ke̱ke̱ le̱ beni Nuṅtšo̱ Iesu ke̱ame̱ ewie se̱ le̱, aṅõle̱ ke̱-te ṅwei, ni *eyatá Nyoṅmo̱ ninedšŭrõ no̱. *Lal. 110,1. Bo̱f. 7,55.

²⁰ Ši ame̱ le̱ ame̱dše kpo ni ame̱yašie̱ ye̱ hefẽhe, ni Nuṅtšo̱ lo̱ ke̱ame̱ *mītšu nii ni ewo wiemo̱ le̱ hewale̱ ke̱ okadii ni nyie ee̱ le̱. *Heb. 2,4.