Luka 3 - Ṅmãle̱ Kroṅkroṅ Le̱

¹ Agbene Kaisare Tiberio maṅtše̱yeli afi ní dši nyoṅma ke̱ enumo̱ le̱ mli, beni Pontio Pilato yeo̱ amralo ye̱ Iudea, ni Herode yeo̱ tetrarke ye̱ Galilea, ni enyemi Filipo hũ yeo̱ tetrarke ye̱ Iturea ke̱ Trakoniti šikpõdši le̱ ano̱, ni Lisania yeo̱ tetrarke ye̱ Abilēne,

² ní Hana ke̱ Kaiafa yeo̱ oso̱fonukpai le̱, Nyoṅmo̱ wiemo ba Zakaria bi Iohane ṅõ, ye̱ ṅã le̱ no̱.

³ Ni eba Iordan niiaṅ fẽ, ni ešie̱o̱ tšuitšakemo̱ baptisimo̱ ni ake̱-náa ešai fā;

⁴ take̱ bo̱ni aṅmã ye̱ gbalo̱ *Iesaia wiemo̱i awolo le̱ mli ake̱: “Moko gbē mībo ye̱ ṅã le̱ no̱ ake̱: Nyesāa Nuṅtšo̱ le̱ gbe̱ le̱, ni nyedšadšea etempõṅi le̱ trõmō̃. *Ies. 40,3-5.

⁵ Aatsi dšō̱-fẽ-dšō̱, ni aahã goṅ-fẽ-goṅ ke̱ ṅmeṅme-ſẽ-ṅmeṅme aba ši, ni aadšadše nibii kõdõdši, ni gbe̱ ní no̱ yo̱ sakasaka le̱ no̱ aabo;

⁶ ni helo fẽ aana Nyoṅmo̱ walaheremo̱ le̱.”

⁷ Ke̱ke̱ ni ekē̱ asafoi le̱ ní ba eṅõ ní ebaptisiame̱ le̱ ake̱: *Šikpãi aſĩei, namo wie tšõnye ake̱ nyédšo mlifũ ní baä le̱ nā foi? *Mat. 23,33.

⁸ Nohewo̱ le̱ nyewoa yibii ní sa tšuitšakemo̱; ni nyekabõia kē̱mo̱ ye̱ nyeyiṅ ake̱: Wo̱tše̱ dši Abraham; edšake̱ mīkē̱nye ake̱, Nyoṅmo̱ aanyẽ atēe bii aši ke̱-dše̱ te̱i ne̱ amli ehã Abraham.

⁹ Ši agbe̱ne̱ hũ lema le̱ kã tšei le̱ ašišifãi le̱ ano̱ momo; nohewo̱ le̱ tšo-fẽ-tšo ni woo yibii kpakpai le̱, aato ni aašé̱ afõ la mli.

¹⁰ Ni asafoi le̱ bile̱ ake̱: Bĕle̱ meni wō̱fe mo̱?

¹¹ Ni ehere no̱ ekē̱ame̱ ake̱: Moni yo̱ flakai enyo̱ le̱, hã ní eke̱ moni be̱ eko le̱ adša mli; ni moni yo̱ ṅmā̃ hũ, hã ní efe nakai noṅṅ.

¹² Ni ntōhelo̱i hũ ba ní abaptisiame̱, ni ame̱kē̱le̱ ake: Tšŏlo̱, meni wo̱fe?

¹³ Ni ekē̱ame̱ ake̱: Nyekahea fẽ bo̱ni átonye le̱.

¹⁴ Ni asrafoi hũ babile̱ ake̱: Ni wo̱ hũ, meni wo̱fe? Ni ekē̱ame̱ ake̱: Nyekahĩea moko soisoi, ni nyekaflo̱a moko nā yakatſā; ni nyehãa nyenyõmo̱wo asaä nyehĩe.

¹⁵ Ši beni maṅ le̱ hĩe kã no̱ nĩ mei le̱ fẽ susuo̱ ye̱ ame̱tšuiiaṅ ye̱ Iohane hewo̱ ake̱ bene̱ le̱ dši Kristo le̱, Ioh. 1,19-28.

¹⁶ Iohane here no̱ ni ekē̱ mei le̱ fẽ ake̱: Mi le̱ nu mike̱-baptisio̱nye; ši moko ní he wa fèmi mība, ni mīsaa moni fẽneo̱ etokotai anā kpã, le̱ eke̱ Mumo̱ kroṅkroṅ ke̱ la aabaptisinye;

¹⁷ moni hĩe ešātšene ye̱ edeṅ, ni eebē̱ ešikpoṅ le̱ fitšofitšo, ni eebua ṅmã le̱ nā ewo eboṅo le̱ mli; ši tutū le̱ eke̱ la ní gboo aašã le̱.

¹⁸ Ni ewie nibii krokomei pī hũ eke̱wo maṅ le̱ ṅā, eke̱-šie̱ sanekpakpa le̱ etšõame̱.

¹⁹ Ši tetrarke Herode le̱, ake̱-ni Iohane kãle̱ ye̱ enyemi Filipo ṅã Herodia le̱ hewo̱, ke̱ nifõdšianii fẽ ní le̱ Herode le̱ efe le̱ hewo̱ le̱, Mat. 14,3. 4. Mar. 6,17. 18.

²⁰ esā efe ene̱ eši no̱, ake̱ emõ Iohane ewo tšūṅ.

²¹ Ši eba mli ake̱, beni abaptisi mei le̱ fẽ le̱, abaptisi Iesu hũ; ni beni eso̱leo̱ le̱, ṅwei gble,

²² ni Mumo̱ kroṅkroṅ le̱ kpleke ši ke̱ su ní tamo̱ okpo su ke̱-ba eno; ni gbē ko dše̱ ṅwei kē̱: *Bo dši misuomo̱bi le̱, bo ohe tšuidšŭrõ mináa! *9,35.

²³ Ni beni Iesu dientše̱ bõi le̱, eye aafe afii nyoṅmai-etẽ, ni bo̱ni *asusuo̱ le̱, edši Iosef bi, Heli bi, *4,22.

²⁴ Matat bi, Levi bi, Melki bi, Ianai bi, Iosef bi,

²⁵ Matatia bi, Amos bi, Nahum bi, Esli bi, Nagai bi,

²⁶ Maat bi, Matatia bi, Semein bi, Iosek bi, Ioda bi,

²⁷ Iohanan bi, Resa bi, Zerubabel bi, Šealtiel bi, Neri bi,

²⁸ Melki bi, Adi bi, Kosam bi, Elmadam bi, Er bi,

²⁹ Iesu bi, Eliezer bi, Iorim bi, Matat bi, Levi bi,

³⁰ Simeon bi, Iuda bi, Iosef bi, Ionam bi, Eliakim bi,

³¹ Melea bi, Mena bi, Matata bi, *Natan bi, David bi, *2 Sam. 5,14.

³² *Išai bi, Obed bi, Boaz bi, Salmon bi, Nahăšon bi, *Rut 4,22.

³³ Aminadab bi, Ram bi, Hezron bi, Perez bi, *Iuda bi, *1 Mose 29,35.

³⁴ Iakob bi, Isak bi, Abraham bi, Tera bi, Nahor bi, 1 Mose 21,2. 3; 11,10-15. 1 Kron. 1,24-27.

³⁵ Serug bi, Reu bi, Peleg bi, Eber bi, Šela bi,

³⁶ Kainan bi, Arpakšad bi, Šem bi, Noa bi, *Lamek bi, *1 Mose 5,3-32.

³⁷ Metusela bi, Henok bi, Iared bi, Mahalalel bi, Kainan bi,

³⁸ Enos bi, Set bi, Adam bi, ní dši Nyoṅmo̱ nõ le̱. 1 Mose 5,1-3.