Luka 23 - Ṅmãle̱ Kroṅkroṅ Le̱

¹ Ni ame̱safo mū le̱ fẽ te ši, nĩ ame̱kplale̱ ke̱-te Pilato ṅõ.

² Ni ame̱bõi enā flo̱mo̱ ame̱kē̱: Wó̱na nū ne̱ ní ēwo maṅ le̱ yiṅ ni ēgu onĩatšũmo̱ ke̱ *Kaisare hãmo̱, ní ekē̱o̱ ake̱ le̱dientše̱ dši Kristo, maṅtše̱ le̱. 20,25.

³ Ni Pilato bile̱ ake̱: Ani bo dši Iudafoi le̱ amaṅtše̱ le̱? Ni eto he ehãle̱ ake̱: Okē̱.

⁴ Ni Pilato kē̱ oso̱fonukpai le̱ ke̱ asafoi le̱ ake̱: Minaa fo̱būsane ko ye̱ nū ne̱ mli.

⁵ Ši ame̱ka no̱ fè tšutšu le̱, ni ame̱kē̱: Ewoo̱ mã le̱ṅ hirihiri ke̱ enii ní etšõo̱ ye̱ Iudea fẽ, ni ebõi ke̱-dše̱ Galilea ke̱-baši bie̱ le̱.

⁶ Ši beni Pilato nu Galilea he le̱, ebi ake̱ nū le̱ Galileanyoṅ lo?

⁷ Ni beni ená ele ake̱ edše̱ *Herode no̱yelihe le̱, ehā ake̱le̱ te Herode, mo hũ ni eba Ierusalem ye̱ no gbĩĩ le̱ amli le̱, ṅõ. *3,1.

⁸ Ši beni Herode na Iesu le̱, ená mīše̱ babaō, edšake̱ *dšeeṅmõ bēbe edše̱ etaoo̱le̱ ekwe̱, edšake̱ enu ehe sãdši pī, ni ehĩe kã no ake̱ eefe okadi ko ni ena. *9,9.

⁹ Ni ebibīle̱ sãdši pī; šĩ ehããle̱ ekomeflo hetō.

¹⁰ Ni oso̱fonukpai le̱ ke̱ woloṅmãlo̱i le̱ badamo̱ ši ni ame̱flo̱ enā naakpa.

¹¹ Ni beni Herode ke̱ esrafoi le̱ ebo̱le̱ ahora ni ame̱ye ehe fe̱o ni ame̱wole̱ atade kaṅkaṅ le̱, ehã ake̱le̱ te Pilato ṅõ ekoṅ.

¹² Ši nakai gbĩ le̱ no̱ noṅṅ Pilato ke̱ Herode bo̱ nanyo, ši kũle̱ sá le̱ ame̱ke̱ ame̱he yee.

¹³ Ni Pilato tšé̱ oso̱fonukpai le̱ ke̱ onukpai le̱ ke̱ maṅ le̱ ke̱-kpe,

¹⁴ ni ekē̱ame̱ ake̱: Nyeke̱ ne̱ke̱ nū ne̱ bahãmi, ake̱ ēwo maṅ le̱ yiṅ; ni na, mitao esane le̱ mli ye̱ nyehĩe ne̱, minaa fo̱bũsane ko ye̱ ehe ye̱ sãdši nī nyeke̱baflo̱ enā le̱ ekoeko mli.

¹⁵ Ni Herode hũ enaa eko; edšake̱ ekpalele̱ ke̱-ba, ake̱-ní efeko noko ní sa gbĕle le̱.

¹⁶ Nohewo̱ le̱ mibahã ayile̱ ni maṅmē̃ ehe.

¹⁷ (Ši ehĩa ake̱ gbĩdšŭrõ le̱ no̱ le̱ eṅmē̃ mokome he ehãame̱.)

¹⁸ Ši ame̱fẽ ame̱blo̱ šikome ame̱kē̱: Oke̱ mone̱ aya; nĩ oṅmē̃ Baraba he ohãwo̱!

¹⁹ Moko ní atũa ko ní atše ye̱ mã le̱ṅ ke̱ awuyeli hewo̱ ni awole̱ tšũṅ le̱!

²⁰ ši ake̱-ní Pilato mitao ake̱ eṅmē̃o̱ Iesu he hewo̱ le̱, eke̱ame̱ wie ekoṅ.

²¹ Ši ame̱sã ame̱blo̱ ekoṅ ake̱: Se̱ṅmo̱, se̱ṅmo̱le̱!

²² Ni ekē̱ame̱ noni dši ši etẽ ake̱: Ši mone̱ le̱, mẽ efõṅ efe? Minako noko ní sa gbĕle ye̱ emli; nohewo̱ le̱ mibahã ayile̱ ni maṅmē̃ ehe.

²³ Ši ame̱ka no̱ ke̱ gbē wale̱ ni ame̱mītao ake̱ ase̱ṅle̱; ni ame̱gbēi ke̱ oso̱fonukpai le̱ anõ le̱ ye no̱.

²⁴ Ke̱ke̱ ni Pilato fo sane le̱ yi ake̱ áfe bo̱ni ame̱taoo̱ le̱;

²⁵ ni eṅmē̃ moni atũatšemo̱ ke̱ awuyeli hewo̱ ní awole̱ tsŭṅ ní ame̱taoo̱le̱ le̱ he; ši Iesu le̱, eṅõle̱ ehã ye̱ ame̱taomo̱ le̱ nā.

²⁶ Ni beni ame̱kplale̱ ke̱-yaä le̱, ame̱mõ Simon Kirẽnenyo ko ni dše̱ ṅmõši baä le̱, ni ame̱wó se̱ṅmo̱tšo le̱ ame̱tĕrele̱, ní eke̱-nyie Iesu se̱. Mat. 27,32. Mar. 15,21.

²⁷ Ni mã le̱ṅ mei pī ke̱ yei hũ ni yeo̱ ṅko̱mo̱ ni ame̱fóo̱ ame̱hãale̱ le̱ nyie ese̱,

²⁸ Ši Iesu tšṍ ehīe ehãame̱ ni ekē̱: Ierusalem biyei, nyekafóa nyehãami; ši moṅ nyefóa nyehãa nye̱dientše̱ nyehe ke̱ nyebii.

²⁹ Edšake̱ na, gbĩĩ mība, nō mli ní ame̱akē̱: Adšō̱ kenei ke̱ mũsũi ní fo̱ko dã ke̱ fufo̱i ní ayeko dã! 21,23.

³⁰ No mli le̱ ame̱abõi gõdši le̱ akē̱mo̱ ake̱: Nyebagbẽa wo̱no̱! ke̱ gõṅkpo̱i le̱ hũ ake̱: Nyebahaä wo̱no̱! Hos. 10,8. Kpods, 6,16; 9,6.

³¹ Edšake̱ ké̱ tšo ṅmoṅ afe ene̱ le̱, tšo gbĩṅ le̱, té aafele̱ tēṅ? 1 Pet. 4,17.

³² Ni akpla efõṅfelo̱i krokomei enyo̱ hũ afata ehe ke̱-te, ní ayagbeame̱.

³³ Ni beni ame̱še̱ heni etšé̱o̱ dše̱i ake̱ Yitšoṅoṅo le̱, ame̱se̱ṅle̱ ke̱ efōṅfelo̱i le̱ ye̱ dše̱i, mokome ye ninedšŭrõgbe̱ ni mokome hũ ye abe̱kugbe̱.

³⁴ Ši Iesu kē̱: *Atā, ṅõ-faame̱; ši ame̱lee noni ame̱feo̱. Ni †ame̱dša etadei le̱ amli, ni ame̱fõ no̱ ošiki. *Mat. 5,44. Ies. 53,12. †Lal. 22,19.

³⁵ Ni maṅbii le̱ damo̱ ši ame̱mīkwe̱. Ni maṅ onukpai le̱ hũ yele̱ ahĩ́ ame̱kē̱: Ehereo̱ meikrokomei ayiwala, ké̱ le̱ dši Kristo moni Nyoṅmo̱ ehala le̱, hã ní ehere le̱dientše̱ eyiwala.

³⁶ Ni asrafoi le̱ hũ ye ehe fe̱o, ni ameba eṅõ ni ame̱bahãle̱ ašiṅ,

³⁷ ni ame̱kē̱: Ké̱ bo dši Iudafoi le̱ amaṅtše̱ le̱, heremo̱ bodientše̱ oyiwala!

³⁸ Ši aṅmã ṅmãle̱ ko hũ ye̱ eyiteṅ ye̱ Helabii ke̱ Romabii ke̱ Hebribii aṅmãle̱-okadii le̱ amli ake̱: Iudafoi le̱ amaṅtše̱ le̱ ne̱.

³⁹ Ni efõṅſelo̱i ní ase̱ṅ le̱ ateṅ mokome bo̱le̱ ahora ekē̱: Ké̱ bo dši Kristo le̱, dšiemo̱ bodientše̱ ohe ke̱ wo̱ hũ!

⁴⁰ Ši moko le̱ here no̱ ni ekã ehĩe ekē̱: Ani bo hũ ní oyo̱ fo̱bū kome le̱ noṅṅ mli ne̱ ošee Nyoṅmo̱ gbeyei?

⁴¹ Ni wo̱nõ le̱ sawo̱, edšake̱ wo̱nifemo̱nii ahe nyõmo̱wo wo̱ná ne̱; ši mone̱ le̱ efeko noko ní esaa.

⁴² Ni ekē̱ Iesu ake̱: Nuṅtšo̱, kaimo̱mi, *beni ooba ye̱ omaṅ tše̱yeli le̱ mli le̱! *Mat. 16,28.

⁴³ Ni Iesu kē̱le̱ ake̱: Le̱le̱ṅ, mīkē̱o ake̱: Nme̱ne̱ oke̱mi aahĩ Paradeiso!

⁴⁴ Ni aafe ſane ṅmle̱ nyoṅma ke̱ enyo̱ mli le̱, duṅ wo ye̱ šikpoṅ le̱ no̱ fẽ ke̱-yaši gbe̱ke̱ ṅme̱dši etẽ mli;

⁴⁵ ni hũlũ wo duṅ, ni so̱lemo̱tšũ le̱ṅ *muhō̱ le̱ mli gbá ye̱ teṅ tū̃ntũ. *3 Mose 36,35.

⁴⁶ Ni Iesu bo ke̱ gbē wale̱ ekē̱: Atā, *odeṅ mituo̱ mimumo̱ miwoo̱ ne̱! Ni beni ekē̱ ne̱ke̱ le̱, ebu enā. *Lal. 31,6. Bo̱f. 7,59.

⁴⁷ Ši beni asrafoi-oha-atše̱ le̱ na noni afe le̱, ewo Nyoṅmo̱ hĩe nyam ni ekē̱: Ye̱ṅ le̱le̱ṅ ake̱ ne̱ke̱ nū ne̱ dšalo̱ṅ!

⁴⁸ Ni mei fẽ ní ba nikwe̱mo̱ le̱, beni ame̱na nibii ní afe le̱, ame̱šimo̱ ame̱tšitši ni ame̱kũ ame̱se̱.

⁴⁹ Ši mei ní lele̱ fẽ ke̱ *yei ní nyie ese̱ ke̱-dše̱ Galilea le̱ hũ damo̱ se̱ fle̱ṅṅ ame̱mīkwe̱ nii ne̱. 8,2.

⁵⁰ Ni na, nū ko ye̱ ni atšé̱o̱le̱ Iosef, ní dši akuašoṅnyo, gbomo kpakpa ke̱ dšalo̱,

⁵¹ ni dše̱ Arimatia, Iudafoi le̱ amãdši le̱ eko no̱, le̱ le̱ ekplẽẽ ame̱yiṅtō ke̱ ame̱nifemo̱nii le̱, ni *ēkwe̱ Nyoṅmo̱ maṅtše̱yeli le̱ gbe̱, *2,25. 38.

⁵² le̱ eyiṅ ke̱-te Pilato ṅõ ni eyakpale̱ fai ni eṅõ Iesu gbonyo le̱ ehãle̱;

⁵³ ni edšiele̱ ke̱-kpleke ši, ni eṅõ klala ebla ehe, ni eyatole̱ ye̱ gbonyobu ní akpe̱ ye̱ te̱sā mli ni atoko moko ye̱ mli dã le̱ mli.

⁵⁴ Ni nakai gbĩ le̱ hesāmo̱-ke̱-tō gbĩ ni, ni hedšō̱mo̱gbĩ le̱ efĩ.

⁵⁵ Ni yei le̱ ni ke̱ Iesu dše̱ Galilea ba le̱ nyie se̱, ame̱bakwe̱ tōhe le̱ ke̱ bo̱ni ato egbonyo le̱ ahã. K. 49.

⁵⁶ Ni ame̱kũ ame̱se̱, ni ame̱yasā tšofãi-ke̱-ṅmai; ni hedšō̱mo̱gbĩ le̱ no̱ le̱ ame̱fe kpo *ye̱ kitã le̱ nā. *2 Mose 20,10.