Luka 22 - Ṅmãle̱ Kroṅkroṅ Le̱

¹ Agbe̱ne̱ akpĩtĩ gbĩdšŭrõ ni atšé̱o̱le̱ Hehō le̱ baše̱.

² Ni oso̱fonukpai le̱ ke̱ woloṅmãlo̱i le̱ tao bo̱ni ame̱afe ní ame̱gbele̱; ši ame̱mīše maṅ le̱ gbeyei. 20,19.

³ Ši *satan yabote Iuda moni atšé̱o̱le̱ Iskariot le̱ ní dši mei nyoṅma ke̱ enyo le̱ ateṅ mokome le̱ mli. *Ioh. 13,2. 27.

⁴ Ni eyiṅ ete ni eke̱ oso̱fonukpai le̱ ke̱ asafoatše̱mei le̱ yawie, boni eefe ní edšiele̱ ehãame̱.

⁵ Ni ame̱nyã́, ni ame̱wole̱ ši ake̱ ame̱ahãle̱ šika;

⁶ ni ekplẽ; ni etao be ní sa ní eke̱dšiele̱ ehãame̱ nĩgī̃.

⁷ Ke̱ke̱ ni *akpĩtĩ gbĩdšŭrõ ní sa ake̱ agbeo̱ Hehõ tōbi le̱ ye̱ no̱ le̱ baše̱; *2 Mose 12,18-20.

⁸ ni etšũ Petro ke̱ Iohane ni ekē̱: Nyeyaä ni nyeyasāa Hehõ-niyenii le̱ nyetoawo̱, koni wo̱baye.

⁹ Ni ame̱kē̱le̱ ake̱: Nẽgbe̱ osumoo̱ ake̱ wo̱yasā wo̱to ye̱?

¹⁰ Ni ekē̱ame̱ e̱ke̱: Ke̱dši nyebote mã le̱ṅ le̱, na, nū ko kenye aakpe ní ehĩe nu kpulu; nyenyiea ese̱ ke̱-yaä šĩa heni eeyabote le̱,

¹¹ ni nyeyakē̱a šĩatše̱ le̱ ake̱: Tšõlo̱ le̱ kē̱ wo̱bakē̱o ake̱: Nẽgbe̱ gbo̱iatšũ le̱ ní mike̱ mikaselo̱i le̱ baye Hehõ-niyenii le̱ ye̱ mli le̱ yo̱?

¹² Ni eetšõnye ṅwei-asa kple ko ní awula mli; dše̱i nyesāa nyetoa ye̱.

¹³ Ni ame̱yiṅ ame̱te ni *ame̱yana take̱ bo̱ni ekē̱ame̱ le̱, ni ame̱sã Hehō-niyenii le̱ ame̱to. *19,32.

¹⁴ Ni beni ṅmle̱tſā le̱ še̱ le̱, eho etá niyenii le̱ ahe, ni bo̱foi nyoṅma ke̱ enyo̱ le̱ hũ fata ehe.

¹⁵ Ni ekē̱ame̱ ake̱: Taomo̱ mitaoo̱ ake̱ mike̱nye aye ne̱ke̱ Hehō ne̱ dãni mana amanehũlũ le̱;

¹⁶ edšake̱ mīkē̱nye ake̱: Miyeṅ eko doṅṅ ke̱-yaši beyino̱ ní aaba mli ye̱ Nyoṅmo̱ maṅtše̱yeli le̱ mli. 13,29.

¹⁷ Ni ewó kpulu le̱, ní eda ši, ni ekē̱: Nyehea ni nyedšaä;

¹⁸ edšake̱ mīkē̱nye ake̱: Minuṅ weintšo yibii ne̱ eko doṅṅ ke̱-yaši beyino̱ ní Nyoṅmo̱ maṅtše̱yeli le̱ aaba.

¹⁹ Ni eko̱ abolo, ni eda ši, ni ekũmo̱ mli, ni eṅõ-hãame̱ ni ekē̱: Ene̱ dši migbomotšo ni aṅõ-hã ye̱ nyehewo̱ le̱; nyefea ene̱ ní nyeṅõ-kaimi. 1 Kor. 11,23-25.

²⁰ Nakai noṅṅ ewó kpulu le̱ hũ ye̱ niyenii le̱ ase̱, ní ekē̱: Ne̱ke̱ kpulu ne̱ dši kpãṅmo̱ hē le̱ ye̱ milá ni aṅõ-ſie ši ahãnye le̱ mli.

²¹ Ši na, moni batšõ mise̱gbe̱ le̱ nine ke̱ minine ye̱ okplõ le̱ no̱; Ioh. 18,21. 22.

²² ni gbomobi le̱ mīya, take̱ bo̱ni akpe̱ mli ato le̱ moṅ; ši kpóo hã moni batšõ ese̱gbe̱ le̱!

²³ Ni ame̱bõi ame̱he bimo̱ ake̱ ame̱teṅ namo po bafe ene̱.

²⁴ Ši nātāmo̱ hũ bate ši ye̱ ame̱teṅ ake̱ ame̱teṅ namo ababu agbo fē fẽ. 9,46.

²⁵ Ni ekē̱ame̱ ake̱: Dšeṅmãdši le̱ ano̱ maṅtše̱mei le̱ yeo̱ ame̱no̱ odehei asane, ni mei ní yo̱ ame̱no̱ hewale̱ le̱, atšé̱o̱ame̱ edšŭrõfelo̱i.

²⁶ Ši nye le̱ ebe̱nye nakai; ši moṅ moni dši agbo ye̱ nyeteṅ le̱, hã ni etšṍ tamo̱ gbekẽ, ni moni dši onukpa hũ tamo̱ moni súmoo̱.

²⁷ Edšake̱ té moni fè mo̱ṅ: moni táa okplõ he le̱, alo moni súmoo̱ le̱? ani dšee moni táa okplõ he le̱? ši mi le̱ miye̱ nyeteṅ ake̱ moni súmoo̱. Ioh. 13,4-14.

²⁸ Ši nyedši mei ní ke̱mi éhĩ ši ye̱ mikāi le̱ amli;

²⁹ ni mi hũ mīto maṅtše̱yeli mahãnye take̱ bo̱ni mitše̱ éto éhãmi le̱,

³⁰ koni nyeye nii ni nyenu ye̱ mikplõ le̱ he ye̱ mimaṅtše̱yeli le̱ mli, ni nyetrá sẽii ano̱ ni nyekodšo Israel akutšei nyonma ke̱ enyo̱ le̱. Mat 19,28.

³¹ Ši Nuṅtšo̱ le̱ kē̱: Simon. Simon, na, satan etao nyehegbe̱, koni eša nyemli take̱ ṅmā̃; 2 Kor. 2,11,

³² ši mi le̱ *mikpa fai mihão, koni ohemo̱-ke̱-yeli akatã; ni bo hũ, †beni ookpale le̱, wo onyemimei le̱ ahewale̱. *Ioh 17,11. 15. 20. †Lal. 51,15.

³³ Ši ekē̱le̱ ake̱: Nuṅtšo̱, mísā mihe mito ní ke̱ tšnṅ ō, gbĕle mli ō, ní mike̱o aate.

³⁴ Ni ekē̱: Petro, mīkē̱o ake̱ ṅme̱ne̱ wuo̱ náṅ agbe̱, ni ootšo šii etẽ ake̱ oleemi.

³⁵ Ni ekē̱ame̱ ake̱: Beni mitšũnye ni *nyehĩee fotro ke̱ kotoku ke̱ tokotai le̱, ani noko hĩanye? Ni ame̱kē̱: Nokonoko ehĩaawo̱. *9,3.

³⁶ Ke̱ke̱ le̱ ekē̱ame̱ ake̱: Ši agbe̱ne̱ le̱, moni yo̱ fotro le̱, hã ní eko̱, nakai noṅṅ moni yo̱ kotoku hũ; ni moni be̱ klante le̱, hã ní ehõ etade ni eke̱-hé eko.

³⁷ Edšake̱ mīkē̱nye ake̱ noni aṅmã ne̱ hũ, dša eba mli ye̱ mihewo̱, ake̱: *“Ni abule̱ aši mlatõlo̱i ano̱;” edšake̱ mihe sãdši le̱ dša eba mli. *Ies. 58,13.

³⁸ Ni ame̱kē̱: Nuṅtšo̱, na, klantei enyo̱ ne̱. Ši ekē̱ame̱ ake̱: Efá.

³⁹ Ni edše kpo, ni tamo̱ bo̱ni efo̱ö̱ femo̱ le̱ eyiṅ ke̱-te Mũgoṅ le̱ no̱; ni ekaselo̱i le̱ hũ nyie ese̱. Ioh. 18,1.

⁴⁰ Ni beni eše̱ dše̱i le̱, ekē̱ame̱ ake̱: Nyeso̱lea, koni nyekabote kā mli.

⁴¹ Ni egbla ehe ši ye̱ ame̱nõ aafe te̱fõ dšeke̱mo̱, ni eho ekũla ši, ni eso̱le

⁴² ekē̱: Atā, ke̱dši ōsumo̱ le̱, dšiemo̱ kpulu ne̱ ke̱-dše minõ! Ši kẽle̱ dšee bo̱ni mi misumoo̱ le̱, ši moṅ bo̱ni bo osumoo̱.

⁴³ Ni bo̱fo ko dše̱ ṅwei badšie ehe kpo etšõle̱, ni ebawole̱ hewale̱. 1 Maṅ. 19,5.

⁴⁴ Ni beni ehe dšraäle̱ le̱, ehã eso̱lemo̱ le̱ mli wa. Ni ehe latšã tšṍ tamo̱ lákulibii ní tšereo̱ ſieo̱ ši.

⁴⁵ Ni beni ete ši ke̱-dše̱ so̱lemo̱ le̱ mli ní eba ekaselo̱i le̱ aṅõ le̱, ebanaame̱ ake̱ ame̱mīwo̱ ye̱ aw̌ere̱hõ nā;

⁴⁶ ni ekē̱ame̱ ake̱: Mẽba nyewo̱ö̱? Nyetea ši ni nyeso̱lea, koni nyekabote kā mli.

⁴⁷ Beni ewieo̱ lolo le̱, na asafoku ko ní mei nyoṅma ke̱ enyo̱ le̱ ateṅ mokome ní atšé̱o̱le̱ Iuda le̱ nyie ame̱hĩe, ni etši ebe̱ṅke̱ Iesu, koni eſo̱ enā.

⁴⁸ Ši Iesu kē̱le̱ ake̱: Iuda, oke̱ nāſo̱mo̱ mītšõ gbomobi le̱ se̱gbe̱?

⁴⁹ Ni beni mei ní ke̱le̱ yo̱ le̱ na noni baba le̱, ame̱kē̱le̱ ake̱: Nuṅtšo̱, wo̱bãmo̱ klante lo?

⁵⁰ Ni ame̱teṅ mokome bã oso̱fonukpa le̱ tšũlo̱ le̱ ni efo eninedšŭrõ toi.

⁵¹ Ni Iesu here no̱ ni ekē̱: Nyeṅmẽami gbe̱ fiō! ni eta etoi le̱ he ni etšále̱.

⁵² Ši Iesu kē̱ oso̱fonukpai le̱ ke̱ so̱lemo̱we asafoatše̱mei le̱ ke̱ maṅ onukpai le̱ ní ba eno̱ le̱ ake̱: Mi mino̱ nyedše kpo ke̱-ba ke̱ klantei ke̱ tšei tamo̱ abaä awuyelo̱ no̱ ne̱;

⁵³ dā ní mike̱nye yo̱ so̱lemo̱we le̱ *nyešĩaa nyenine ye̱ mino̱; ši nyeṅmle̱tſā le̱ ke̱ duṅ le̱ hewale̱ ne̱! *Ioh. 7,30; 8,20.

⁵⁴ Ni ame̱mõle̱ ni ame̱kplale̱, ni ame̱ke̱le̱ te oso̱fonukpa le̱ we le̱. Ši Petro nyie se̱ šoṅṅ.

⁵⁵ Ni beni ame̱še̱re la ye̱ mō̃ te le̱ṅ ni ame̱ho ame̱trá he le̱, Petro hũ ho yatá ame̱teṅ.

⁵⁶ Ni oblayō ko nale̱ ní etá la le̱ he, ni ekwe̱le̱ gā̃ ni ekē̱: Nū ne̱ hũ ke̱le̱ yo̱.

⁵⁷ Ši etšo ekē̱: Awó, mileele̱!

⁵⁸ No se̱ etše̱e̱ le̱, mokroko hũ nale̱ ni ekē̱: Bo hũ, ame̱teṅ moko dšio. Ši Petro kē̱: Atā, dšee ame̱teṅ moko dšimi!

⁵⁹ No se̱ aafe ṅmle̱tſā kome le̱ mokroko hũ mã no̱ mĩ́ vevēve ake̱: Asono̱kwa, nū ne̱ hũ ke̱le̱ yo̱; edšake̱ Galileanyo hũ ni!

⁶⁰ Ši Petro kē̱: Atā, milee noni okē̱o̱ ne̱! Ni amrõ le̱ noṅṅ, beni ekã he ewieo̱ lolo le̱, wuo̱ gbe̱.

⁶¹ Ni Nuṅtšo̱ le̱ tšṍ ehe, ni ekwe̱ Petro; ni Petro kai Nuṅtšo̱ le̱ wiemo̱ le̱ ni ekē̱le̱ ake̱: Wuo̱ náṅ agbe̱, ni ookpa ye̱ mise̱ šii etẽ le̱. K. 34.

⁶² Ni Petro dše kpo ni eyafo āhũ.

⁶³ Ši mei ní hĩe Iesu mli le̱ ye ehe fe̱o ni ame̱yile̱.

⁶⁴ Ni ame̱ha ehĩe ni ame̱gbla ehĩe mãi nĩ ame̱bibīle̱ ake̱: Gba, namo dši moni gbao mã le̱?

⁶⁵ Ni ame̱wie nibii krokomei pīaome̱ke̱bo̱ musu ame̱šile̱.

⁶⁶ Ni beni dše tše̱re le̱, maṅ onukpai le̱ ke̱ oso̱fonukpai le̱ ke̱ woloṅmãlo̱i le̱ anā bakpe ši, ni ame̱kplale̱ ke̱-te ame̱kuašoṅ le̱ hĩe, Ioh. 18,24.

⁶⁷ ni ame̱kē̱: Ke̱dši bo dši Kristo le̱, kē̱mo̱wo̱. Ni ekē̱ame̱ ake̱: Ke̱dši mikē̱nye le̱, nyeheṅ nyeyeṅ;

⁶⁸ ni ké̱ sane ko mibi hũ, nyehãṅmi hetō, nĩ asaṅ nyeṅmē̃ṅ mihe.

⁶⁹ Ši ke̱-dše̱ be ne̱ ke̱-yaä ne̱ gbomobi le̱ aatá Nyoṅmo̱ hewale̱ le̱ uinedšŭrõ no̱.

⁷⁰ Ke̱ke̱ le̱ ame̱fẽ ame̱kē̱: Bĕle̱ bo dši Nyoṅmo̱ bi le̱? Ni ekē̱ame̱ ake̱: Nyedientše̱ nyemīkē̱ ake̱ mi ni.

⁷¹ Ši ame̱kē̱: Meni wo̱sā wo̱taoo̱ odase wo̱fe doṅṅ? edšake̱ wo̱dientše̱ wó̱nu ye̱ enā.