Luka 17 - Ṅmãle̱ Kroṅkroṅ Le̱

¹ Ni ekē̱ ekaselo̱i le̱ ake̱: Befẽbe ní fe le̱ dša nanetõtõmo̱ sãdši ba; ši kpóo hã moni ame̱tšṍo̱ eno̱ ke̱-baä le̱!

² Fãṅ noni ake̱ tedši-w̌ie̱ ṅmõ ekue̱ ni ayašé̱le̱ afõ ṅšo̱ṅ fè noni eetõtõ bibii ne̱ ateṅ mokome nane le̱. Mat. 18,6. 7.

³ Nyekwe̱a nyehe ní ahĩa! Ke̱dši onyemi tõ ono̱ le̱, kã ehĩe; ni ke̱dši efa ehe le̱, ṅō-fale̱. Mat. 18,15.

⁴ Ni ke̱dši šii kpawo etõ ono̱ gbĩ kome, ni esā ekũ ese̱ eba oṅõ šii kpawo gbĩ kome ni ekē̱: “Miſa mihe” le̱, ṅõ-fale̱. Mat. 18.21. 22.

⁵ Ni bo̱foi le̱ kē̱ Nuṅtšo̱ le̱ ake̱: Fatamo̱ wo̱hemo̱-ke̱-yeli le̱ he ohãwo̱! Mar. 9,24.

⁶ Ši Nuṅtšo̱ le̱ kē̱: Ke̱dši nyeye hemo̱-ke̱-yeli tamo̱ sinapi kuli le̱, kũle̱ nyeakē̱ sikaminotšo ne̱ ake̱: Fã ke̱ ošišifã ní oyamã ṅšo̱ṅ! ni eebonye toi. Mat. 17,20; 21,21.

⁷ Ši nyeteṅ namo yo̱ tšũlo̱ ní eke̱ tšinakō̱i mīhũ alo ēlè̱ koloi, ni ké̱ edāe̱ ṅmõsi eba pe̱ le̱, eekē̱le̱ ake̱: Batá ši mrãmrã ní oye nii?

⁸ Ši ekē̱ṅle̱ moṅ ake: Sāmo̱ noni mibaye le̱ oto, ni omĩa koni osúmo̱mi ní maye nii ní manu noko dã, ni no se̱, koni bo hũ oye nii ni onu noko?

⁹ Ani eeda nakai tšũlo̱ le̱ ši, ake̱ efe noni afã́le̱ le̱? Mikpaa ši.

¹⁰ Nakai noṅṅ nye hũ, ké̱ nyefe nibii fẽ ní afã́nye le̱, nyekē̱a ake̱: Tšũdši ni he be̱ se̱námo̱ ko dšiwo̱; noni dši wo̱gbe̱na ake̱ wo̱tsuo̱ le̱, no pe̱ wo̱tšu ne̱.

¹¹ Ni eba mli ake̱, beni enyie gbe̱ ke-yaä Ierusalem le̱, eyatšṍ Samaria ke̱ Galilea teṅ. 9,51; 13,22.

¹² Ni beni eyabote maṅ ko mli le̱, hĩĩ kpitiyelo̱i nyoṅma ke̱le̱ kpe, ni ame̱damo̱ se̱ fle̱ṅṅ, 3 Mose 13,45. 46.

¹³ ni ame̱wo ame̱gbē ame̱kē̱: Nuṅtšo̱ Iesu, nawo̱ mo̱bo̱!

¹⁴ Ni beni enaame̱ le̱, ekē̱ame̱ ake̱: *Nyeyaā nyeke̱ nyehe ayatšõa oso̱foi le̱. Ni eba mli ake̱, beni ame̱yaä le̱, ame̱he tã. *5,14. 3 Mose 14,2.

¹⁵ Ši ame̱teṅ mokome le̱, beni ena ake̱ atšále̱ le̱, ekũ ese̱ ke̱-ba, ni eke̱ gbē wale bawo Nyoṅmo̱ hĩe nyam.

¹⁶ Ni eke̱ ehĩe babu ši ye̱ enãdši aši, ni edale̱ ši. Ši mone̱ le̱ Samarianyo ni.

¹⁷ Ni Iesu here no̱ ekē̱: Ani dšee mei nyoṅma he tã le̱? ši mei ne̱hũ le̱, nẽgbe̱ ame̱yo̱?

¹⁸ Aso anaa ame̱teṅ moko ni kũo̱ ese̱ eke̱ anumnyam bahãa Nyoṅmo̱, ake̱ dša maṅse̱nyo ne̱?

¹⁹ Ni ekē̱le̱ ake̱: Te ši ní oya; ohemo̱-ke̱-yeli etšáo! 7,50.

²⁰ Ni beni Farisifoi le̱ bile̱ ake̱: Té be ní Nyoṅmo̱ maṅtše̱yeli le̱ aaba le̱, eto he ehãame̱ ni ekē̱: Nyoṅmo̱ maṅtše̱yeli le̱ baa take̱ noko ní anaä; Ioh. 18,36.

²¹ ni asaṅ ame̱kē̱ṅ ake̱: na, eye̱ bie̱! álo: na, eye̱ dše̱i! edšake̱ na, Nyoṅmo̱ maṅtše̱yeli le̱, nyemli eyo̱. Mat. 24,23.

²² Ni ekē̱ ekaselo̱i le̱ ake̱: Gbĩĩ aaba ni nyeatao gbomobi le̱ gbĩĩ le̱ ekome nyena, ni nyenaṅ.

²³ Ni ame̱akē̱nye ake̱: Na, eye̱ bie̱! alo: na, eye̱ dše̱i! nyekayaä ni nyekanyiea se̱. 21,8.

²⁴ Edšake̱ take̱ boni srawa gbaä ní ehãa ṅwei šiši afã kome tšeo̱ ke̱-yaä ṅwei šiši afã kroko le̱, nakai noṅṅ gbomobi le̱ batamo̱ ye̱ egbĩ le̱ no̱. Mat. 24,26. 27.

²⁵ Ši kleṅkleṅ le̱ dša ena amanehũlũ babaō, ní ne̱ke̱ yino̱bii ne̱ kwale̱. 9,22.

²⁶ Ni bo̱ni ba mli ye̱ Noa gbĩĩ le̱ amli le̱, nakai noṅṅ baba ye̱ gbomobi le̱ gbĩĩ le̱ amli hũ; Mat. 24,37-39.

²⁷ ame̱mīyeyē nii, ame̱mīnunū dā̃i, ame̱mīw̌e̱w̌ē̱ yei ni ake̱ame̱ mīhã gblã ke̱-yaši gbĩ no̱ ní *Noa bote adeka le̱ mli ní nu afua le̱ ba ni ebakpãtã ame̱fẽ-kwa ame̱hĩe le̱. *1 Mose 7,7-28.

²⁸ Asaṅ bo̱ni ba mli ye̱ Lot gbĩĩ le amli hũ le̱: ame̱mīyeyē nii, ame̱minunū dā̃i, ame̱mīhehei, ame̱mīhõhō̃ nii, ame̱mīte̱o tšei ni ame̱mīmãmo̱ tšũi;

²⁹ ši gbĩ no̱ ní Lot dše Sodom le̱, Nyoṅmo̱ ne̱ la ke̱ swō̱ ke̱-dše̱ ṅwei, ni ekpãtã ame̱fẽ-kwa ame̱hĩe. 1 Mose 19,15. 24. 25.

³⁰ Nakai noṅṅ kẽ baba gbĩ ní aadšie gbomobi le̱ kpo le̱.

³¹ Nakai gbĩ le̱ no̱ le̱, moni yo̱ tšũyiteṅ ní enii yo̱ šĩa le̱, akakpleke ši ebakŏ̱lo̱, ni moni yo̱ ṅmõši hũ akakũ ese̱ ke̱-mība. Mat. 24,17. 18.

³² Nyekaia Lot ṅã le̱! 1 Mose 19,25.

³³ Mofẽmo ní taoo̱ ake̱ ebā esusuma yi le̱, eelādšele̱; ši mofẽmo ni aalādšele̱ le̱, eehere eyiwala. 9,24.

³⁴ Mīkē̱nye ake̱: Nakai nyō le̱ṅ le̱ mei enyo̱ aakãmo̱ sā kome no̱: aaṅõ mokome, ni aašĩ mokome.

³⁵ Yei enyo̱ aaw̌ie̱ ye̱ hekome: aaṅõ mokome, ni aašĩ mokome. Mat 24,40. 41.

³⁶ Mei enyo̱ aahī ṅmõši: aaṅõ mokome, ni aašĩ mokome.

³⁷ Ni ame̱here no̱ ame̱ke̱le̱ ake̱: Nuṅtšo̱, nẽgbe̱? Ši ekē̱ame̱ ake̱; Heni gbonyo kã le̱, dše̱i okropoṅi buaä ame̱he nā ye̱. Mat. 24,28.