Luka 10 - Ṅmãle̱ Kroṅkroṅ Le̱

¹ Nii ne̱ ase̱ le̱, Nuṅtšo̱ le̱ fãmo̱ mei nyoṅmai-kpawo kroko hũ, ni etšũame̱ *enyo̱nyo̱ ke̱-tšṍ ehĩe ke̱-te maṅ-fẽ-maṅ ke̱ hefẽhe ní le̱dientše̱ ebaya le̱. *Mar 6,7.

² Ke̱ke̱ le̱ ekē̱ame̱ ake̱: Nikpamo̱ le̱ fá, ši uitšulo̱i le̱ fáá; nohewo̱ le̱ nyekpaä nikpamo̱ nuṅtšo̱ le̱ fai, koni ētšũ nitšulo̱i ke̱-ba enikpamo̱ le mli. Ioh. 4,35. Mat 9,37. 38.

³ Nyeyaä! na, mītšũnye tamo̱ tōbii ye̱ klādši ateṅ.

⁴ *Nyekahĩea fotro lo kotoku lo tokotai, ni †nyekaṅāa moko ye̱ gbe le no̱. *9,3-5. †2 Maṅ. 4,29.

⁵ Ni šĩa-fẽ-šīa ní nyeabote le̱, kleṅkleṅ le̱ nyekē̱a ake̱: Hedšo̱le̱ aba šĩa ne̱!

⁶ Ni ke̱dši hedšo̱le̱ bi ko ye̱ dše̱i le̱, nyehedšo̱le̱ le̱ aahĩ eno; ši kē̱ dšee nakai le̱, eekũ ese̱ eba nyeṅõ ekoṅ.

⁷ Ni nakai šīa le̱ noṅṅ nyehĩa, ni nyeye ni nyenu nii ní ame̱ahãnye le̱, edšake̱ *nitšulo̱ le̱ enyõmo̱wo sale̱. Nyekadše̱a šĩa ke̱-yaã šĩa. *1 Tim. 5,18.

⁸ Ni maṅ-fẽ-maṅ ní nyeabote ni ame̱aherenye le̱, nofẽno ní ake̱-amã nyehĩe le̱ nyeyea;

⁹ ni nyetšáa helatše̱mei ní yo̱ mli le̱, ni nyekē̱aame̱ ake̱: Nyoṅmo̱ maṅtše̱yeli le̱ ébe̱ṅke̱nye.

¹⁰ Ši maṅ-fẽ-maṅ mli ní nyeabote ni ame̱hereenye le̱, nyedšea nyeyaä eblohũi le̱ amli, ni nyekē̱a ake̱:

¹¹ Nyemã ne̱ṅ mlu tete ni kpe̱te̱ wo̱nãdši ahe le̱ no̱ wo̱kplaä wo̱ſieo̱ nyeno̱ ne̱; ši kẽle̱ nyenáa nyelea ake̱, Nyoṅmo̱ maṅtše̱yeli le̱ ébe̱ṅke̱nye.

¹² Mīkē̱nye ake̱: Nakai gbĩ le̱ no̱ le̱ aafāṅ Sodom tete fè nakai maṅ le̱.

¹³ Kpóo hão, Korazin! Kpóo hão, Betsaida! Edšake̱ hewale̱nitšumo̱i ní atšu ye̱ nyemli ne̱ Tiro ke̱ Zidon atšu ye̱ dšikũle̱ ame̱trá kpekpe ke̱ lamlu mli ame̱tšake ame̱tšuii dšeeṅmõ. Mat. 11,21-23.

¹⁴ Ši kodsomo̱ le̱ mli le̱ aafāṅ Tiro ke̱ Zidon fè nye!

¹⁵ Ni bo Kapernaum ní áwó ono̱ ke̱-te ṅwei le̱, aabao ši ke̱-ate gbohĩĩadše tō̃!

¹⁶ Moni boo̱nye toi le̱, mi toi eboo̱ le̱; ni moni kwaänye le̱, mi ekwaä le̱; ni moni kwaämi le̱, moni tšũmi le̱ ekwaä le̱. Mat 10,40.

¹⁷ Ni mei nyoṅmai-kpawo le̱ kũ ame̱se̱ ame̱ba ke̱ mīše̱ ni ame̱bakē̱: Nuṅtšo̱, ogbe̱i le̱ ahewo̱ le̱ daimonioi tete baä ame̱he ši ame̱hãawo̱.

¹⁸ Ši ekē̱ame̱ ake̱: Mina satan tamo̱ srawa dše̱ ṅwei bagbe ši. Ioh. 12,31. Kpods. 12,8. 9.

¹⁹ Na, mīhãnye hegbe̱ ní nyenānā onũſũi ke̱ nyoṅmo̱ṅkrakroi ke̱ henye̱lo̱ le̱ hewale̱ le̱ fẽ no̱; ni nokonoko efeṅnye efõṅ ko; Mar. 16.18. Lal. 91,13.

²⁰ kẽle̱ nyekanáa ene̱ he mīše̱, ake̱ mumo̱i le̱ baä ame̱he ši ame̱hãanye le̱; ši moṅ nyenáa mīše̱ ake̱ *aṅmã nyegbe̱i ye̱ ṅwei. *2 Mose 32,32. Fil 4,3. Kpods. 3,5.

²¹ Nakai ṅmle̱tſā le̱ no̱ noṅṅ le̱ Iesu mli flile̱ ye̱ Mumo̱ kroṅkroṅ le̱ mli ni ekē̱: Mīdšie oyi, Atā, ṅwei ke̱ šikpoṅ Nuṅtšo̱, ake̱ oṅõ nii ne̱ otē nilelo̱i ke̱ ṅālelo̱i, ni odšie otšõ abifabii; hẽ, Atā, edšake̱ nakai sa ohĩe.

²² Mitše̱ etu nii fẽ éwo mideṅ, ni moko lee moni dši bi le̱, dša tše̱ le̱ ke̱ke̱, ke̱ moni dši tše̱ le̱ hũ, dša bi le̱ ke̱ moni bi le̱ sumoe̱ ake̱ edšiele̱ kpo etšõ le̱.

²³ Ni etšṍ ehe ehã ekaselo̱i le̱, ni ekē̱ame̱ ko̱krō̱ ake̱: *Adšō̱ hĩṅme̱ii ni naä nibii ní nyenaä le̱. *Mat. 13,16. 17.

²⁴ Edšake̱ mīkē̱nye ake̱ *gbalo̱i ke̱ maṅtše̱mei pī etao ake̱ ame̱na nii ní nyenaä ne̱, ni ame̱yanaa, ni asaṅ ame̱nu nii ní nyenuo̱ ne̱, ni ame̱yanuu. *1 Pet 1,10.

²⁵ Ni na, mlatšõlo̱ ko te ši damo̱ ši, ni etšõ̀ enā ekē̱: Tšõlo̱, meni mafe ní maná nāno̱ wala? 18,18-20.

²⁶ Ši le̱ le̱ ekē̱le̱ ake̱: Meni aṅmã ye̱ mla le̱ mli le̱? té okaneo̱ tẽṅ?

²⁷ Ni eto he ekē̱: *“Suomo̱ Nuṅtšo̱, o-Nyoṅmo̱ le̱, ke̱-dše̱ otšui fẽ ke̱ osusuma fẽ ke̱ onyẽmo̱ fẽ ke̱ odſẽnmo̱ fẽ mli, ke̱ †onanyo hũ tamo̱ bo̱ni osumoo̱ bodientše̱ ohe.” *5 Mose 6.5. †3 Mose 19,18.

²⁸ Ši ekē̱le̱ ake̱: Bo̱ni oto he le̱ dša; femo̱ nakai, ni oyi aaná wala. 3 Mose 18,5. Mat 19,17.

²⁹ Ši le̱ le̱, ake̱ noni etaoo ehe bem ebu hewo̱ le̱, ekē̱ Iesu ake̱: Ni namo dši minanyo?

³⁰ Ni Iesu here no̱ ni ekē̱: Nū ko yiṅ ke̱-dše̱ Ierusalem ke̱-mīya Ieriko ni eyagbe odšotſalo̱i ateṅ, ni ame̱kplo̱ ehe atade ni ame̱pilale̱, ni ame̱yiṅ ame̱te, ni ame̱šĩle̱ ní égbo fã-ke̱-fã.

³¹ Ši eba mli ake̱ oso̱fo ko batšṍ nakai gbe̱ le̱ no̱; ni beni enale̱ le̱, egba afã ke̱-ho.

³² Ni nakai noṅṅ Levinyo ko hũ, beni eše̱ dše̱i ni enale̱ le̱, egbá afã ke̱-ho.

³³ Ši Samarianyo ko ní nyie gbe̱ baše̱ heni eyo̱ le̱, ni beni enale̱ le̱, emũsũṅ tšõle̱ ye̱ ehewo̱,

³⁴ ni ete eṅõ eyafĩmo̱ epilamo̱i le̱ ano̱, ni efo̱se mũ ke̱ wein eſie no̱, ni esā ewóle̱ etá le̱dientše̱ ekolo le̱ no̱, ni eke̱le̱ te gbo̱iatōhe ni eyakwe̱le̱.

³⁵ Ni dšetše̱reno̱ beni eyaä le̱, edšie denarioi enyo̱ ehã gbo̱iatōhetše̱ le̱, ni ekē̱le̱ ake̱: Kwe̱mo̱le̱ dšogbāṅ, ni nofẽno ni oosā ofite le̱, ké̱ mikũ mise̱ miba le̱, mawoö nyõmo̱.

³⁶ Agbene̱ le̱, mei etẽ ne̱ ateṅ namo osusuo̱ ake̱ etšṍ moni gbé odšotſalo̱i ateṅ ne̱ nanyo?

³⁷ Ni ekē̱: Moni nale̱ mo̱bo̱ le̱ṅ. Ke̱ke̱ ni Iesu kē̱le̱ ake̱: Bo hũ ya ni oyafe nakai noṅṅ.

³⁸ Ši eba mli ake̱, beni ame̱yaä le̱, eyabote akrowa ko mli. Ni *yō ko ni atšé̱o̱le̱ Marta le̱ ṅõle̱ ke̱-te ewe. *Ioh 11,1; 12,2. 3.

³⁹ Ni eye̱ nyemiyō ko ní atšé̱o̱le̱ Maria, ni le̱ hũ ebatá Iesu nãdši anā ni ebo ewiemo̱ le̱ toi.

⁴⁰ Ši Marta gba ehe nā tūtu ye̱ súomo̱ pī hewo, ni eba eṅõ ebakē̱: Nuṅtšo̱, okwe̱e̱ ake̱ minyemi le̱ ešĩmi ni mikome misúmoo̱ ne̱? nohewo̱ le̱ kē̱mo̱le̱, ni le̱ hũ ebafata mihe.

⁴¹ Ši Iesu to he ni ekē̱le̱ ake̱: Marta, Marta! ōgba ohe nā ni ōhao ohe ye̱ nibii pī ahewo̱;

⁴² ši nõkome ehĩa. Noni hĩ le̱, Maria eko̱ le̱, ni no le̱ ašõṅ ye̱ edeṅ. Mat. 4,33.