Luka 1 - Ṅmãle̱ Kroṅkroṅ Le̱

¹ Ake̱-ní mei pī eko̱ efõ ame̱no̱ ake̱ ame̱aṅmã sãdši ní éba mli ye̱ wo̱teṅ le̱,

² tamo̱ bo̱ni mei ní na ke̱ ame̱hĩṅme̱ii ke̱-dše̱ šišidšē ní ame̱dši wiemo le̱ he súolo̱i le̱ dšadše tšõwo̱ le̱ hewo̱ le̱:

³ esa mihĩe ake̱ mi hũ, ní mitao nibii fẽ nā fitšofitšo ke̱-dše̱ šišidšē le̱, maṅmã pe̱pē̱pe̱ mahão, *Teofile dšŭrõ; *Bo̱f. 1,1.

⁴ koni ona wiemo̱i ní atšõo le̱ mli ano̱kwale.

⁵ Iudea maṅtše̱ Herode yino̱ le̱ oso̱fo ko ye̱ ní atšé̱o̱le̱ Zakaria ní edše̱ *Abia asafoku le̱ mli; ní eṅã le̱ dše̱ Aaron biyei le̱ ateṅ, ni egbe̱i dši Elisabet. *1 Kron. 24,10.

⁶ Ni ame̱yi enyo̱ le̱ fẽ le̱, dšalo̱i dšiame̱ ye̱ Nyoṅmo̱ hĩe, ni ame̱yeo̱ Nuṅtšo̱ le̱ kitãi ke̱ ekpo̱i le̱ fẽ no̱ ni kpa ko be̱ ame̱he.

⁷ Ši ame̱be̱ bi, edšake̱ Elisabet le̱ kene ni, ni ame̱yi enyo̱ le̱ fẽ amé̱dăra.

⁸ Ši beni etšuo̱ oso̱fonitšumo̱ ye̱ esafoku le̱ gbe̱nā ye̱ Nyoṅmo̱ hĩe,

⁹ tamo̱ bo̱ni oso̱foyeli le̱ yo̱ le̱, eba mli ake eše̱ eno ake̱ eya Nuṅtšo̱ le̱ so̱lemo̱tšũ leṅ ni *eyašã tšofã-ke̱-nma, *2 Mose 30,7.

¹⁰ ni tšofā-ke̱-ṅma-šā̃ be le̱ mli le̱, mã le̱ṅ asafo mũ le̱ fẽ mīso̱le ye̱ agbó le̱ nā.

¹¹ Ni Nuṅtšo̱ le̱ bo̱fo ko badšie ehe kpo etšõle̱, ni edamo̱ tšofā-ke̱-ṅma-šãlate̱ le̱ ninedšŭrõ no̱.

¹² Ni beni Zakaria nale̱ le̱, etsui fã ni gbeyei mõle̱.

¹³ Ši bo̱fo le̱ kē̱le̱ ake̱: Kāše gbeyei, Zakaria, edšake̱ abo ofaikpamo̱ le̱ toi, ni oṅã Elisabet aafo binū ahão, ni oowole̱ gbe̱i ake̱ Iohane.

¹⁴ Ni eefeo mīše̱ ke̱ mliflimo̱, ni mei pī aanyã́ efo̱mo le̱ he.

¹⁵ Edšake̱ eetšõ agbo ye̱ Nuṅtšo̱ le̱ hĩe; ni enuṅ wein lo dā̃ ní wa ko, ni Mumo̱ kroṅkroṅ aayi emli obõ ke̱-adše̱ enye mũsũṅ bēbe. Kods. 13,4. 5.

¹⁶ Ni eekpale Israelbii le̱ ateṅ mei pī ke̱-aba Nuṅtšo̱, ame̱-Nyoṅmo̱ le̱, ṅō.

¹⁷ Ni eetšṍ ehĩe ye̱ Elia mumo̱ ke̱ ehewale mli, ni eyadro̱ tše̱mei atšuii ke̱-ba bii abe, ke̱ toigbolo̱i hũ ke̱-ba dšalo̱i anilē mli, ni esā maṅ ní éfe klalo eto Nuṅtšo̱ le̱. Mat. 17,11-13. Mal. 3,1. 23. 24.

¹⁸ Ni Zakaria kē̱ bo̱fo le̱ ake̱: Meni mike̱-ale ene̱? Edšake̱ mi le̱, *nūmo dšimi, ni miṅã hũ égbo̱. *1 Mose 18,11.

¹⁹ Ni bo̱fo le̱ to he ekē̱le̱ ake̱: Midsi *Gabriel ní damoo̱ †Nyoṅmo̱ hĩe le̱, ni atšũmi ake̱ mike̱o abawie ní migbao sanekpakpa ne̱. *Dan. 8,16. †Heb. 1,14.

²⁰ Ni na, ooto̱ mṹ ni onyẽṅ owie ke̱-yaši gbĩ no̱ ní nii ne̱ aaba mli, edšake̱ ohee miwiemo̱i le̱ ní baba mli ye̱ amehe mli le̱ oyee.

²¹ Ni maṅ le̱ mīmē Zakaria, ni ame̱hĩe feame̱ yā ake̱-ní etše̱ ne̱ke̱ ye̱ so̱lemo̱tšũ le̱ṅ le̱.

²² Ši beni edše kpo le̱, enyẽẽ eke̱ame̱ awie, ni ame̱yo Se̱ ake̱ eyana nii ye̱ so̱lemo̱tšũ le̱ṅ; ni le̱dientše̱ hũ efõame̱ nine, ni ekā be eto̱ mṹ.

²³ Ni eba mli ake̱, beni esúomo̱ gbĩĩ le̱ tã le̱, eyiṅ ete le̱dientše̱ ewe.

²⁴ Ši nakai gbĩĩ le̱ ase̱ le̱ eṅã Elisabet ṅõ ho̱, ni etē ehe nyõdši enumo̱ ekē̱:

²⁵ Ne̱ke̱ Nuṅtšo̱ le̱ efe ehãmi ye̱ gbĩĩ amli ní ekwe̱ koni edšie *mihĩegbĕle le̱ ye̱ gbomei ateṅ le̱. *1 Mose 30,23.

²⁶ Ši nyõṅ ní dši ekpa le̱ no̱ le̱ Nyoṅmo̱ tšũ bo̱fo Gabriel ke̱-te Galilea maṅ ko ní atšé̱o̱le̱ Nazaret le̱ mli,

²⁷ ye̱ oblayō fro ko ní atšè̱ ehe bā ahã nū ko ni atšé̱o̱le̱ Iosef ní dše̱ David we le̱ ṅõ; ni oblayō le̱ gbei dši Maria. 25. Mat. 1,16. 18.

²⁸ Ni bo̱fo le̱ ba eṅõ ni ekē̱: Hedšo̱le̱ ahão, bo moni adro-o, Nuṅtšo̱ le̱ ke̱o ye̱, adšō̱o ye̱ yei ateṅ!

²⁹ Ši beni enale̱ le̱, etšui fã ye̱ ewiemo̱ le̱ he, ni edſẽṅ nõ ṅãmo̱ ní dši ene̱.

³⁰ Ni bo̱fo le̱ kē̱le̱ ake̱: Kāše gbeyei, Maria; edšake̱ ohĩe eba nyam ye̱ Nyoṅmo̱ hĩe.

³¹ Ni na, *obaná mũsũ ni oofo̱ binū, ni oowole̱ gbei ake̱ †Iesu. *Ies 7,14. †Mat 1,21-2.

³² Eetšṍ agbo, ni aatšé̱le̱ Ṅweinyo le̱ bi, ni Nuṅtšo̱ Nyoṅmo̱ aaṅõ *etše̱ David maṅtše̱sẽi le̱ ahãle̱. *2 Sam 7,12. 13.

³³ Ni eeye Iakob we le̱ no̱ maṅtše̱ ke̱-ate nāno̱, ni emaṅtše̱yeli le̱ se̱ efoṅ.

³⁴ Ši Maria kē̱ bo̱fo le̱ ake̱: Té aafe tēṅ ní ene̱ aaba mliṅ, ake̱-ní milee nū ne̱?

³⁵ Ni bo̱fo le̱ to he ekē̱le̱ ake̱: *Mumo̱ kroṅkroṅ aaba ono̱, ni Ṅweinyo le̱ hewale̱ aabaha ono̱, nohewo̱ le̱ nakai bi kroṅkroṅ le̱ hũ ní oofo̱ le̱, aatšé̱le̱ Nyoṅmo̱ bi. *Mat. 1,18. 20.

³⁶ Ši na, owekunyo Elisabet le̱ hũ, ená binū mũsũ ye̱ egbo̱le̱ mli, ni moni atšé̱o̱le̱ kene le̱ ená nyõdši ekpa.

³⁷ Edšake̱ nokonoko be̱ ní Nyoṅmo̱ nyẽṅ afe. 1 Mose 18,14.

³⁸ Ni Maria kē̱: Na, Nuṅtšo̱ le̱ weyō dšimi; ába mli ahãmi ye̱ owieme̱ le̱ nā! Ni bo̱fo le̱ šĩle̱ ete.

³⁹ Ni Maria te ši yiṅ ye̱ nakai gbĩĩ le̱ amli oyá ke̱-te Iuda maṅ ko mli ye̱ gōdši le̱ ano̱,

⁴⁰ ni eyabote Zakaria we le̱ ni eṅã Elisabet.

⁴¹ Ni eba mli ake̱, beni Elisabet nu Maria ṅãmo̱ le̱, abifao le̱ tũ *ye̱ emũsũṅ; ni Mumo̱ kroṅkroṅ yi Elisabet mli obõ; *K. 16.

⁴² ni ebo ke̱ gbē wale̱ ni ekē̱: *Adšō̱o ye̱ yei ateṅ, ni adšō̱ omũsũṅbi le̱! *K. 28.

⁴³ Ni nẽgbe̱ ene̱ dše̱ bahãmi ní mi-Nuṅtšo̱ nye baä miṅõ ne̱?

⁴⁴ Ši na, amrõ pe̱ ní oṅãmo̱ gbē le̱ gbe̱ ye̱ mitoiṅ le̱, abifao le̱ ke̱ mliflimo̱ tũmo̱ ye̱ mimũsũṅ.

⁴⁵ Ni *adsō̱o, bo moni ohe oye ake̱ wiemo̱i ní adše̱ Nuṅtšo̱ le̱ ṅõ abakē̱o̱le̱ aaba mli le̱. *11,28.

⁴⁶ Ni Maria kē̱: Misusuma mīkafo Nuṅtšo̱ le̱, 1 Sam. 2,1-10.

⁴⁷ ni mimumo̱ mli mīflile̱ ye̱ Nyoṅmo̱, miwalaherelo̱ le̱, hewo̱,

⁴⁸ ake̱ *ebakwe̱ eweyō hũmi ni dši le̱ le̱. Edšake̱ na, ke̱-dše̱ ṅme̱ne̱-gbī-ne̱ no̱ le̱ yino̱i le̱ fẽ †aadšō̱mi: *Lal. 113,5. 6. †Luk. 11,27.

⁴⁹ edšake̱ Ofe le̱ éfe nii wudši éhãmi; ni kroṅkroṅ dši egbe̱i le̱,

⁵⁰ ni emo̱bo̱nale̱ le̱ ye̱ mei ní šeo̱le̱ gbeyei le̱ ane̱ ke̱-yaši yino̱i ayino̱i. Lal. 103,13. 17.

⁵¹ Eke̱ enine etšu hewale̱-nitšumo̱; mei ní woo̱ amehe ye̱ ame̱tšuiṅ dſẽṅmo̱ mli le̱ egbe̱ame̱ eſã. 2 Sam. 22,28.

⁵² Ekpa odšei ke̱-dše ame̱sẽii ano̱, ni ewó mei ní dši hũmii le̱ ano̱. Lal. 147,6.

⁵³ Ehā hõmo̱wo̱lo̱i etŏ̱ro̱ ke̱ nii kpakpai, ni henálo̱i le̱, eſieame̱ eflo. Lal. 34,11; 107,9.

⁵⁴ Eye ebaa ewenū Israel, koni ekai emo̱bo̱nale̱i le̱,

⁵⁵ take̱ bo̱ni ekē̱ wo̱tše̱mei le̱, ehã Abraham ke̱ esešibii le̱ ke̱-ya nāno̱. 1 Mose 11,7; 18,18.

⁵⁶ Ni Maria ke̱le̱ hī ši aafe nyõdši etẽ, ni ekũ ese̱ ete emaṅ.

⁵⁷ Agbe̱ne̱ Elisabet fo̱mo̱be se̱, ni efo̱ binū.

⁵⁸ Ni ekū le̱ṅ bii ke̱ ewekumei le̱ nu ake̱ Nuṅtšo̱ le̱ énale̱ mo̱bo̱ babaō, ni ame̱ke̱le̱ nyã́.

⁵⁹ Ni eba mli ake̱, gbĩ ní dši gbĩ *kpānyo̱ le̱ ameba gbekẽ le̱ ketiafō, ni ame̱ṅõ etše̱ gbe̱i Zakaria le̱ ame̱wole̱. *1 Mose 17,12.

⁶⁰ Ni enye here no̱ ekē̱: Dabida, ši awole̱ Iohane moṅ! K. 13.

⁶¹ Ni ame̱ke̱le̱ ake̱: Moko be̱ oweku le̱ mli ní atšé̱o̱le̱ nakai!

⁶² Ni ame̱ke̱ amenine fe okadi bi etše̱ boni esumoo̱ ake̱ atšé̱le̱.

⁶³ Ni ebi tāo fiō ko, ni eṅmã ake̱: Iohane dši egbe̱i. Ni efe ame̱fẽ nākpe̱.

⁶⁴ Ni amrō le̱ noṅṅ le̱ enabu gble ni elile̱i fẽne, ni ewie edšie Nyoṅmo̱ yi.

⁶⁵ Ni gbeyei mõmo̱ ame̱kū le̱ṅ bii le̱ fẽ, ni agba sãdši ne̱ fẽ ye̱ Iudea gõdši le̱ fẽ no̱.

⁶⁶ Ni mei fẽ ní nu le̱ ṅõ-to ame̱tšuiṅ ame̱kē̱: Meni po gbekẽ ne̱ batšṍ? Edšake̱ Nuṅtšo̱ le̱ nine kã ehe.

⁶⁷ Ni etše̱ Zakaria mli yi obõ ke̱ Mumo̱ kroṅkroṅ, ni egba ekē̱:

⁶⁸ Adšō̱ Nuṅtšo̱, Israel Nyoṅmo̱ le̱, ake̱ *ebasra emaṅ le̱, ni etšu kpõmo̱nii ehãame̱. *7,16.

⁶⁹ ni etē walaheremo̱ aklonto ši ehãwo̱ ye̱ ewenū David we le̱, Lal. 132,17.

⁷⁰ take̱ bo̱ni ewie ye̱ egbalo̱i kroṅkroṅi ní yo̱ ke̱-dše̱ blema bēbe le̱ anā le̱;

⁷¹ ake̱ eehere wo̱yiwala ke̱-adše̱ wo̱henye̱lo̱i ke̱ mei fẽ ní he tšẽo̱wo̱ le̱ adeṅ;

⁷² ni ena wo̱tše̱mei le̱ amo̱bo̱, ní ekai ekpãṅmo̱ kroṅkroṅ le̱, 1 Mose 17,7. 3 Mose 26,42.

⁷³ kitã ní ekã wo̱tše̱ Abraham le̱, 1 Mose 22.16. 17. Mika 7,20.

⁷⁴ ake̱ eeba adšiewo̱ ye̱ wo̱henye̱lo̱i adeṅ ni wo̱súmo̱le̱ ni gbeyeišeme̱ ko be̱ mli Tit. 2,12. 14.

⁷⁵ ye̱ hetšemo̱ ke̱ dšale̱ mli ye̱ ehĩe wo̱gbĩĩ abo̱ fẽ.

⁷⁶ Ni bo, gbekẽ ne̱, aatšé̱o Ṅweifloflonyo le̱ gbalo̱; edšake̱ obatšṍ *Nuṅtšo̱ le̱ hĩe ní oyasā egbe̱i le̱ oto, Mat. 3,3.

⁷⁷ koni oṅõ walaheremo̱ he nilē ohã emaṅ le̱ ye̱ amehe ešai fā mli, Ier. 31,34.

⁷⁸ ye̱ wo̱-Nyoṅmo̱ le̱ mo̱bo̱nale̱ ní hãa emũsũṅ tšõo̱le̱ le̱ nā noni hã dšetše̱remo̱ ní dše̱ ṅwei le̱ ebasrawo̱ ne̱, 4 Mose 24,17. Ies. 60,1. 2. Mal. 3,20.

⁷⁹ koni dšeṅ atše ahã mei ní trá duṅ ke̱ gbĕle hō̃ṅ mli le̱, ni atšṍmo̱ wo̱nãdši ke̱-ya hedšo̱le̱ gbe̱ le̱ no̱. Ies. 9,1.

⁸⁰ Ni gbekẽ le̱ bada, ni ehe wa ye̱ mumo̱ mli, ni ehī *ṅã le̱ no̱ ke̱-yaši gbĩ no̱ ní aṅõle̱ atšõ Israel. *Mat. 3,1.