Lalai 99 - Ṅmãle̱ Kroṅkroṅ Le̱

¹ Iehowa *mīye maṅtše̱, mãdši le̱ ahe mīkpokpo! etá †kerubim le̱ ano̱, šikpoṅ le̱ mīhoso! *Lal. 83,1. †Lal. 80,2.

² Iehowa da ye̱ Zion, ni awó eno̱ ke̱-teke mãdši le̱ fẽ.

³ Ame̱adšie ogbe̱i kpeteṅkple ni he ye̱ gbeyei le̱ yi: kroṅkroṅ dšile̱!

⁴ Maṅtše̱ ní sumoo̱ dšale̱ saneyeli le̱, bo ohã ehewale̱ le̱ mā ši šiṅṅ ye̱ kodšomo̱ mli; bo *okodšoo̱ ni oyeo̱ dšale̱ sane ye̱ Iakob mli. *Ies. 9,6.

⁵ Nyekafoa Iehowa, wo̱-Nyoṅmo̱ le̱, ni nyebumo̱a ši ye̱ enaneši māṅō le̱ he: kroṅkroṅ dšile̱!

⁶ Mose ke̱ Aaron ye̱ eso̱foi le̱ ateṅ, ni Samuel hũ ye̱ mei ní tšé̱o̱ egbe̱i le̱ no̱ le̱ ateṅ; ame̱tšé̱ Iehowa ni ehere-ame̱ no̱. Ier. 15,1.

⁷ Eke̱ame̱ wie ye̱ atatu kutū le̱ mli; ame̱ye edasei le̱ ke̱ akpo̱ ní eṅõ-hãame̱ le̱ no̱.

⁸ Iehowa, wo̱-Nyoṅmo̱, ho noṅṅ ohere-ame̱ no̱; odši Mawu ní ke̱ nõ faä ohãame̱, ke̱ ame̱nifemo̱nii le̱ ahe oweleto̱le̱ hũ.

⁹ Nyekafoa Iehowa, wo̱-Nyoṅmo̱ le̱, ni nyedšáa ye̱ egoṅ kroṅkroṅ le̱ he; edšake̱ kroṅkroṅ dši Iehowa, wo̱-Nyoṅmo̱ le̱!