Lalai 98 - Ṅmãle̱ Kroṅkroṅ Le̱

¹ Lala. Nyelaä *lala hē nyehãa Iehowa; edšake̱ efe nākpe̱nii. Eninedsũrõ ke̱ enine kroṅkroṅ le̱ eye kũnim ehãle̱. *Lal. 33,3.

² Iehowa ehã ale eyiwalaheremo̱ le̱; edšie edšale̱ le̱ kpo ſaṅṅ ye̱ dšeṅmãdši le̱ ahĩe.

³ Ekai emo̱bo̱nale̱ ke̱ eno̱kwayeli le̱ ehã Israel we le̱; šikpoṅ le̱ nāgbēhei le̱ fẽ ena wo̱-Nyoṅmo̱ le̱ yiwalaheremo̱ le̱. Ies 52,10.

⁴ Šikpoṅ le̱ fẽ, nyeboa oše nyehãa Iehowa; nyeblo̱a, nyenyã́a, ni nyelaä yidšiemo̱ lalai!

⁵ Nyeke̱ saṅkũ alaä yidšiemo̱ lalai nyehãa Iehowa, ke̱ saṅkũ ke̱ lala gbē fẽ;

⁶ nyeke̱ te̱tre̱mantre̱i ke̱ kōfẽṅ gbē abo̱a oše ye̱ *maṅtše̱ Iehowa hĩe! *4 Mose 23,21.

⁷ Ṅšo̱ áhū ke̱ emlinii le̱, dše le̱ ke̱ mei ní hĩo̱ mli le̱! Lal. 96,11-13.

⁸ Fāi le̱ atſatſā ame̱dẽ, gõdši le̱ blublu anyã́

⁹ ye̱ Iehowa hĩe; edšake̱ ēba ebakodšo šikpoṅ le̱. Eekodšo dše le̱ ye̱ dšale̱ nā ke̱ mãdši le̱ bo̱ni dša pe̱pē̱pe̱.