Lalai 91 - Ṅmãle̱ Kroṅkroṅ Le̱

¹ Moni hīo̱ Ṅweinyo le̱ tēmo̱he le̱, eehĩ Ofe le̱ hō̃ṅ le̱ šiši.

² Makē̱ Iehowa ake̱: Mibobāhe ke̱ mimō̃ dšio, mi-Nyoṅmo̱ hũ ni mihĩe kã eno̱! Lal. 18,3.

³ Edšake̱ le̱ ebadšie̱o ke̱-dše̱ *loflõdũlo̱ tšõne mli, ke̱ gbĕle-hela ní nā wa le̱ mli. *Lal. 124,7.

⁴ Eke̱ etše̱dši aaha ono̱, ni ooba abo ye̱ efĩdši ašiši; tše̱ṅ ke̱ dama dši eno̱kwale le̱.

⁵ Ošeṅ nyōṅ ṅmiṅmi gbeyei, lo gãimlibi ni flikio̱ ſane le̱,

⁶ lo gbĕle-hela ni nyieo̱ duṅ mli le̱, lo tšẽṅemo̱ hela ní kpãtãa mo hĩe ſane le̱.

⁷ Ké̱ mei akpe nyõ ye̱ omase̱i, ni mei akpei-nyoṅma hũ nyõ ye̱ oninedšũrõ no̱ po, bo le̱, ebe̱ṅke̱ṅo.

⁸ Ohĩṅme̱ii ke̱ke̱ oke̱-akwe̱, ni oona meifõdši anyõmo̱wo. Lal. 54,9.

⁹ Edšake̱ bo, Iehowa, dši mibobāhe! Oṅõ Ṅweinyo le̱ ofe ošihĩle̱he.

¹⁰ Efõṅ ko efõṅ ko baṅ ono̱, ni hao-mo̱ ko be̱ṅke̱ṅ obū le̱.

¹¹ Edšake̱ eewo ebo̱foi le̱ akpo̱ ye̱ ohewo̱, ní ame̱bā oyi ye̱ ogbè̱i fẽ no̱; Mat. 4,6.

¹² ame̱ahĩeo ye̱ ame̱dẽ, koni okaṅò onane oši te̱ ko.

¹³ Onyie dšata ke̱ šikpã po no̱, oonānā dšatabi ke̱ dšeṅ no̱ ye̱ onãdšiaši. Luk 10,19.

¹⁴ “Edšake̱ ēsumo̱mi, hewo̱ le̱ madšie-le̱, mawo eno̱ godšō, edšake̱ ele migbe̱i le̱.

¹⁵ Eetšé̱mi, ni maherele̱ no̱; mike̱le̱ aahĩ ši ye̱ haomo̱ mli: madšiele̱ ni mawo ehĩe nyam.

¹⁶ Mahã eto̱ ke̱ wala se̱tše̱le̱, ni mahã ena miyiwalaheremo̱ le̱!”