Lalai 86 - Ṅmãle̱ Kroṅkroṅ Le̱

¹ David So̱lemo̱. Iehowa, gbo otoi ši ni obomi toi; edšake̱ minii ye̱ mo̱bo̱ ni ohĩafo dšimi!

² Bāmo̱ misusuma yi, *edšake̱ Nyoṅmo̱ gbeyeišelo̱ dšimi; bo, mi-Nyoṅmo, heremo̱ otšũlo̱ ní ke̱ ehĩe fõo̱ ono̱ le̱ yiwala! *Lal. 18,21-27.

³ Nuṅtšo̱, nami mo̱bo̱, edšake̱ bo miblo̱ö mitšé̱o̱ dā dšenamo̱! Lal. 6,9.

⁴ Hã ní otšũlo̱ susuma anyã́, edšake̱ bo, Nuṅtšo̱, miwoo misusuma no̱ mihãa.

⁵ Edšake̱ bo, Nuṅtšo̱, ohĩ ni oṅõ-faä mrã, ní omo̱bo̱nale̱ fá hã mei fẽ ní blo̱ö̱ tšé̱o̱o le̱. K. 15.

⁶ Iehowa, femo̱ toi ohã miso̱lemo̱ le̱, ni obo miſaikpamo̱i le̱ agbe toi!

⁷ Mihaomo̱ gbĩ no̱ le̱ mablo̱ matšé̱o, edšake̱ ooheremi no̱. Lal. 50,16.

⁸ Nuṅtšo̱, mokomoko be̱ ní tamo̱o ye̱ nyoṅmo̱i le̱ ateṅ, ni asaṅ nokonoko be̱ ní tamo̱ onitšumo̱i le̱. Lal. 71.19.

⁹ Dšeṅmãdšimãdši fẽ ní ofe le̱ aaba abadšáo, Nuṅtšo̱, ni ame̱awo ogbe̱i le̱ hĩe nyam.

¹⁰ Edšake̱ oda, ni ofeo̱ nākpe̱nii, bo okometō dši Nyoṅmo̱!

¹¹ Iehowa, tšõmo̱mi ogbe̱ le̱, manyie ono̱kwale le̱ mli; femo̱ mitšui ekome, ní maše ogbe̱i le̱ gbeyei! Lal. 27,11.

¹² Nuṅtšo̱, mi-Nyoṅmo̱ le̱, madšie oyi ke̱ mitšui fẽ, ni mawo ogbe̱i le̱ hĩe nyam ke̱-ate nāno̱.

¹³ Edšake̱ omo̱bo̱nale̱ le̱ da kple ye̱ mino̱, ni odšie misusuma ke̱-dše̱ gbohĩĩadše šiši tō̃.

¹⁴ Nānyoṅmo̱, hewolo̱i ete ši ewomi, ni yiwalo̱i asafo mītao misusuma se̱gbe̱, ni ame̱ṅõõo ame̱too ame̱hĩe.

¹⁵ Ši bo, Nuṅtšo̱, Mawu mũsũṅtšõlo̱ ke̱ drolo̱ dšio, omli fũũ mrã ni omo̱bo̱nale̱ ke̱ ono̱kwale fá. 2 Mose 34,5.

¹⁶ Tšṍ ohĩe ohãmi, ni onami mo̱bo̱; ṅõ ohewale̱ le̱ ohã otšũlo̱, ni ohere *owe-yō bi le̱ yiwala! *Lal. 116,16.

¹⁷ Tomi ekpakpa he okadi ko, koni mihenye̱lo̱i le̱ ana, ni ame̱hĩe agboi, ake̱ bo, Iehowa, oye obuami ni oše̱dše mimī.