Lalai 83 - Ṅmãle̱ Kroṅkroṅ Le̱

¹ Asaf lala ní ela.

² Nānyoṅmo̱, kāfe diō, kābu onā ni kāfe kpō, Mawu!

³ Edšake̱ ohenye̱lo̱i le̱ mīfe hō, ni mei ni he tšẽo̱o le̱ ehole ame̱yitšei ano̱.

⁴ Ame̱yaä omaṅ le̱ yi no̱ adšina ye̱ ṅã mli, ni ame̱kpãṅo̱ *omei ní oṅõ-tē le̱ ayi no̱; *Lal. 27,5; 35,20.

⁵ ame̱kē̱o̱ ake̱: “Nyebaã, ni wo̱butuaame̱ ni ame̱kāfe maṅ doṅṅ, ni akakai Israel gbe̱i le̱ doṅṅ!”

⁶ Edšake̱ ame̱ke̱ gbē kome ete adšina, ni ame̱kpãṅ oyi no̱:

⁷ Edom būi le̱ ke̱ Išmaelbii le̱, Moab ke̱ Hagarbii le̱,

⁸ Gebal ke̱ Amon ke̱ Amalek, Filistea ke̱ Tirobii le̱ hũ;

⁹ Ašur hũ fata ame̱he, ame̱wo mli nine ame̱hã Lotbii le̱. (Sela.)

¹⁰ Femo̱ame̱ tamo̱ boni ofe Midian ke̱ Sisera ke̱ Iabin hũ ye̱ Kišon fā le̱ nā le̱! Kods. 7,22; 4,15. 21. 23.

¹¹ Mei ní hĩe kpãtã ye̱ Endor, ni ame̱tšṍmo̱ tumu ame̱hã šikpoṅ le̱.

¹² Femo̱ ame̱bladei le̱ tamo̱ Oreb ke̱ Zeeb, ni ofe ame̱lumei le̱ fẽ tamo̱ Zeba ke̱ Zalmuna, Kods. 7,25; 8,21.

¹³ ame̱ mei ní ame̱kē̱o̱ ake̱: Nyehãa w̌o̱ṅõa *Nyoṅmo̱ šihĩle̱hei le̱ wo̱fea wo̱-nii le̱! *Lal. 74,8.

¹⁴ Mi-Nyoṅmo̱, hã ame̱tšṍmo̱ tamo̱ lasũogbĕle mli mlu, tamo̱ tutũ ye̱ kō̱yo̱ nā!

¹⁵ Bo̱ni la šãa kõ ni lalilei hũ woo̱ gõdši ala le̱,

¹⁶ nakai noṅṅ oke̱ ohum le̱ anyie ame̱se̱, ni oke̱ okō̱yo̱ ní nā wa le̱ awo ame̱he gbeyei!

¹⁷ Hã ame̱hĩeaṅ ayimo̱ obõbõ ke̱ hĩe-gbĕle, koni ame̱tao bo, Iehowa, ogbe̱i le̱ se̱gbe̱!

¹⁸ Ame̱hĩe agboi ni ame̱he akpokpo dādā, ame̱bo̱ ame̱he ahora ni ame̱hao dāne̱,

¹⁹ koni ame̱ná ame̱le ake̱ bo, ni okometō ogbe̱i dši Iehowa le̱, bo dši moni kwo̱ fè fẽ ye̱ šikpoṅ le̱ no̱ fẽ! Hos. 12,6.