Lalai 71 - Ṅmãle̱ Kroṅkroṅ Le̱

¹ Iehowa, ho abo mibaā; kāhã mihĩe migbo gbĩkogbĩko!

² Oke̱ odšale̱ le̱ adšiemi ni oheremi; ba otoi ši ohãmi, ni ohere miyiwala!

³ Tšṍ te̱sā ní ahĩo̱ no̱ ohãmi, heni mafo̱ yā dā; ofã́ ake̱ ahere miyiwala, edšake̱ *mite̱sā ke̱ mimo dšio! *Lal. 18,3; 31,3. 4.

⁴ Mi-Nyoṅmo̱, heremo̱mi ke̱-dše̱ mofõṅ le̱ deṅ, ke̱-dše̱ nõšafelo̱ ke̱ yiwalo̱ le̱ deṅ.

⁵ Edšake̱ bo, Nuṅtšo̱ Iehowa, dši mi-hĩeno̱kãmo̱, bo ono̱ mike̱ mihĩe fõ ke̱-dše̱ miblahĩaṅ.

⁶ Bo ohĩe mimli ke̱-dše̱ mũsũṅ bēbe; bo noṅṅ odšiemi ke̱-dše̱ minye mũsũṅ. Bo oyi madšie dāne̱! Lal. 22,10.

⁷ Mitsṍ tamo̱ *nākpe̱nõ ko mihã mei pī; ši bo dši mibobāhe ní wa. *Lal. 4,4.

⁸ Oyidšiemo̱ aayi midāṅ obõ, mawo ohĩe nyam dā dšenamo̱.

⁹ Kāše̱mi ofõ ye̱ migbo̱le̱ be le̱ṅ; ké̱ mihewale̱ tã le̱, kākwami! K. 18.

¹⁰ Edšake̱ mihenye̱lo̱i le̱ wieo̱ mihe, ni mei ni woo̱ misusuma ká le̱ feo̱ kome yaä apãm,

¹¹ ame̱kē̱o̱ ake̱: Nānyoṅmo̱ ekwale̱; nyetiuale̱ ni nyemõale̱, edšake̱ mokomoko be̱ ní aadšiele̱!

¹² Nyoṅmo̱, oke̱mi teṅ akadšeke̱; mi-Nyoṅmo̱, ye obuami oyá!

¹³ Mei ní dši misusuma henye̱lo̱i le̱, hã ame̱hĩe agboi ni ame̱lādse; mei ní taoo̱mi efõṅ le̱, hã ahorabō̱ ke̱ heguo̱gbĕle aha amehe!

¹⁴ Ši mi le̱, maṅmẽ mitšui ši dā, ni mahã oyidšiemo̱ le̱ afá ke̱-ya no̱.

¹⁵ Minābu aagba odšale̱ le̱ ke̱ oyiwalaheremo̱ le̱ he sane dāne̱, edšake̱ milee ame̱yibo̱! K. 8. Lal. 40,6.

¹⁶ Magba Nuṅtšo̱ Iehowa hewale̱ nitšumo̱i le̱, matšĩ bo okometō odšale̱ le̱ tã.

¹⁷ Nyoṅmo̱, otšõmi nii ke̱-dše̱ miblahĩaṅ, ni midšadše onākpe̱ nitšumo̱i le̱ *ke̱-baši ṅme̱ne̱. *1 Sam. 7,12.

¹⁸ Ké̱ *migbo̱ midše waṅ tete le̱, Nānyoṅmo̱, kākwami, ke̱-yaši beyino̱ ní madšadše oninešiwale̱ le̱ matšõ yino̱bii ní baä ye̱ se̱ le̱, ke̱ ohewale̱ le̱ hũ matšõ mofẽmo ni baä le̱. *K. 9. Ies. 45,4.

¹⁹ Nyoṅmo̱, odšale̱ le̱ kwo̱ godšō, bo ni ofeo̱ nibii wudši le̱, Nānyoṅmo̱, namo tamo̱o? 2 Mose 15,11.

²⁰ Bo ní ohã wo̱na amanehũlũi babaō ní dšraã le̱, oohã wo̱yi aná wala ekoṅ, ni osā oodšiewo̱ ke̱-adše̱ šikpoṅ le̱ no̱ bui ní kwō̱lo̱ le̱ amli ke̱-aba ṅwei ekoṅ. 1 Sam. 2,6.

²¹ Hã migbodšē le̱ afá, ni otšṍ ohe oše̱dše mimī.

²² Mi hũ mike̱ saṅkũ aadšie bo ke̱ ono̱kwale le̱ yi, mi-Nyoṅmo̱; mike̱ obenta aala adšie oyi, bo Israel Mokroṅkroṅ le̱!

²³ Beni milaä midšieo̱ oyi le̱, minābu ke̱ misusuma ní okpõ le̱ aanyã́ babaō.

²⁴ Milile̱i hũ aagba odšale̱ le̱ he sane dā; edšake̱ mei ní taoo̱mi efõṅ-le̱ ahĩe egboi ni ame̱hĩe eſie ši.