Lalai 68 - Ṅmãle̱ Kroṅkroṅ Le̱

¹ David lala ni ela ní eke̱-hã lalatše̱ nukpa le̱.

² Nyoṅmo̱ awó ehe no̱, ehenye̱lo̱i agbe̱ aſã, ni mei hũ ní he tšēo̱le̱ le̱ adšo foi ye̱ ehĩe! 4 Mose 10,35.

³ Hũmo̱ame̱ tamo̱ ahũo̱ lasũ le̱; take̱ bo̱ni wò-agbaku sẽreo̱ ye̱ la he le̱, nakai ohã meifõdši ahĩe akpãtã ye̱ Nyoṅmo̱ hĩe.

⁴ Ši dšalo̱i le̱, hã amenyã́, ni ame̱la ke̱ mīše̱ ye̱ Nyoṅmo̱ hĩe, ni ame̱mli afliame̱ ke̱ nyã́mo̱.

⁵ Nyelaä nyehãa Nyoṅmo̱, nyelaä nyedšiea egbe̱i le̱ yi! *Nyedšea gbe̱ nyehãa moni tá ſīli mli ke̱-baä ye̱ ṅā le̱ no̱ le̱; Iehowa dši egbe̱i, ni nyenyã́a ye̱ ehĩe! *Ies. 57,14.

⁶ Awusãi atše̱ ke̱ okũlafoi asaneyelo̱ dši Nyoṅmo̱ ye̱ ešihĩle̱he kroṅkroṅ le̱. Lal. 10,14.

⁷ Nyoṅmo̱ hãa moni be̱ moko le̱ náa bii ke̱ ho̱i, edšieo̱ gbokle̱foi ni ehãa ame̱yeo̱ edsũrõ; ši atũatšelo̱i le̱, ame̱hĩo̱ šikpoṅ gbĩṅ keketē no̱.

⁸ Nyoṅmo̱, beni odše kpo ke̱-nyie omaṅ le̱ hīe le̱, beni ofoo̱ mli ye̱ ṅã kplanā le̱ no̱ le̱, (Sela,) 2 Mose 13,21. Kods. 5,4. 5.

⁹ šikpoṅ le̱ hoso, ni ṅwei hũ tšere ſie ši ye̱ Nyoṅmo̱ hĩe, Sinai ne̱ tete hoso ye̱ Nyoṅmo̱ ni dši Israel Nyoṅmo̱ le̱ hĩe. 2 Mose 19,16-18.

¹⁰ Bo, Nyoṅmo̱, ohã nu babaō tue ni owadše ono̱yeli le̱, be mli ni eto̱le̱ le̱.

¹¹ Osafo le̱ hĩ dše̱i; bo, Nyoṅmo̱, osā onii kpakpai le̱ eko ohã nõnalo̱i.

¹² Nuṅtšo̱ le̱ bã anu hewale̱ wiemo̱; yei ni *šieo kũnimyeli le̱ fá babaō. *Ies. 52,7.

¹³ Tai le̱ ano̱ maṅtše̱mei le̱ dšodšō foi, ame̱dšodšō foi, ní yō ni ašĩ ye̱ šĩa le̱ dša nomṅō̃nii le̱.

¹⁴ Ké̱ nyekāmo̱ *tōiatšũi le̱ ateaṅ le̱, etamo̱ okpo fīdši ní aſie he dſietei, ke̱ etše̱dši ni ake̱ šika ſe̱fe̱o eha he. Kods. 5,16.

¹⁵ Beni Ofe le̱ gbe̱ emli maṅtše̱meĩ le̱ eſã le̱, efe tamo̱ noni snō mīnyõ ye̱ Zalmon.

¹⁶ Nyoṅmo̱ goṅ dši Bašan goṅ le̱, gõdši godšogodšō dši Bašan gõdši le̱.

¹⁷ Mẽba, nye gõdši godšogodšō le̱, nyehe tšẽo̱ goṅ *ni Nyoṅmo̱ sumoo̱ no̱ hīle̱ le̱? Hē̃, Iehowa aahĩ no̱ ke̱-ate nāno̱! *Lal. 132,13.

¹⁸ Nyoṅmo̱ *ta-ſīlii le̱, akpei-nyoṅma toi akpei-hūhā abo̱ ni; Nuṅtšo̱ le̱ ye̱ ame̱teṅ tamo̱ Sinai hekroṅkroṅ le̱. *2 Maṅ. 6,17. Dan. 7,10.

¹⁹ *Okwo̱ ke̱-te ṅwei, oṅõ nomi anom; ohe nikēnii ye̱ gbomei ateṅ, ye̱ atŭatšelo̱i tete ateṅ, koni Iehowa Nyoṅmo̱ ahĩ ši ye̱ dše̱i. *Ef. 4,8-10.

²⁰ Adšie Nuṅtšo̱ le̱ yi! Dāne̱ etĕreo̱ wo̱dšatsui le̱ ehãawo̱; Mawu le̱ noṅṅ dši wo̱yiwalaheremo̱. (Sela.) 1 Kor. 10,13.

²¹ Le̱, Mawu le̱, dši wo̱yiwalaheremo̱ Mawu, ni Nuṅtšo̱ Iehowa le̱ dši moni dšieo̱ mo ke̱-dše̱o̱ gbĕle mli.

²² Hē̃, Nyoṅmo̱ aadſãra ehenye̱lo̱i le̱ ayĩtšei ke̱ monĩ yaä no̱ ye̱ efo̱yeli le̱ mli le̱ yitšo ke̱ eno̱ yitšo̱i kusū le̱.

²³ Nuṅtšo̱ le̱ kē̱ ake̱: Makplaame̱ ke̱-adše̱ Bašan ke̱-ba ekoṅ, makplaame̱ ke̱-adše̱ ṅšo̱ṅ bui kwo̱ṅkwo̱ṅi le̱ amli ke̱-ba ekoṅ,

²⁴ koni oke̱ onane atšo̱ lá mli, ni ogbēi le̱ alile̱i aṅá ohenye̱lo̱i le̱ ahe noko ale̱mo̱.

²⁵ Nyoṅmo̱, ame̱na *onyiemo̱i le̱, mi-Mawu ní dši mimaṅtše̱ le̱ nyiemo̱i ní enyieo̱ ye̱ kroṅkroṅfemo̱ mli le̱. *2 Sam. 6,13. 14. Lal, 24,1.

²⁶ Lalatše̱mei le̱ nyie hīe, saṅkũtſalo̱i le̱ nyie se̱ ye̱ *oblayei ní šaä fabii le̱ ateṅ *2 Mose 15,20.

²⁷ Nyedšiea Nyoṅmo̱ yi ye̱ asafoi ateṅ, *nye mei ní nyedše̱ Israel nubu le̱ mli le̱, nyedšiea Nuṅtšo̱ le̱ yi! *Ies. 48,1.

²⁸ Dše̱i Benyamin fiō ní dši ame̱no̱yelo̱ le̱ yo̱, ke̱ Iuda lume̱i le̱ ke̱ ame̱-safoiatše̱mei, ke̱ Sebulon lume̱i le̱, ke̱ Naftali lume̱i le̱.

²⁹ Nyoṅmo̱, fã́ ohewale̱ le̱! Nyoṅmo̱, wadšemo̱ noni otšũ ohãwo̱ ne̱!

³⁰ Ose̱lemo̱we ní yo̱ Ierusalem le̱ hewo̱ le̱, *maṅtše̱mei ke̱ nikēnii aabahão. *Lal. 72,10. 15.

³¹ Kã gălãi amli kolo le̱ ke̱ tšinahĩĩ asafo le̱ ke̱ mãdšimãdši le̱ atšinabii le̱ ahĩe, koni ame̱ṅõ ame̱he ame̱fõ ši ke̱ dſie̱te̱i kukudši! Gbe̱ mãdši ní sumoo̱ ta le̱ oſã!

³² Lumei aadše̱ Mizraim aba; Kuš he aafe oyá ni ekpa enidši amli ehã Nyoṅmo̱. Ies. 19,21. Lal. 37,4.

³³ Nye šikpoṅ le̱ no̱ maṅtše̱yelii le̱, nyelaä nyehãa Nyoṅmo̱! Nyelaä nye-dšiea Nuṅtšo̱ le̱ yi, (Sela.)

³⁴ moni tá ṅweii amli ṅwei ní yo̱ ke̱-dše̱ tetēte le̱ no̱ le̱! Na, ewóo̱ egbe ní dši gbẽ ní wa le̱ no̱.

³⁵ Nyeke̱ hewale̱ *ahãa Nānyoṅmo̱! Egbodšē le̱ yeo̱ Israel no̱, ni ebewale̱ le̱ ye̱ atatuiaṅ. *Lal. 29,1.

³⁶ Nānyoṅmo̱, ohe ye̱ gbeyei ye̱ ohei kroṅkroṅi le̱; Israel Mawu le̱, *le̱ dši moni ke̱ hewale̱ ke̱ ekã hãa emaṅ le̱. Aadšie Nyoṅmo̱ yi! *Lal. 29,11.