Lalai 51 - Ṅmãle̱ Kroṅkroṅ Le̱

¹ David lala ní eke̱-hã lalatše̱ nukpa le̱,

² beni ete Batšeba ṅõ ni gbalo̱ Natan ba eṅõ le̱. 2 Sam. 12.

³ Nami mo̱bo̱, Nyoṅmo̱, ye̱ omlihĩle̱ nā; ye̱ omũsũṅtšõle̱ fále̱ nā le̱, gbe mi-no̱tõmo̱i le̱! Luk 18,13.

⁴ Dšu mihe kwrā ke̱-dše̱ minõša le̱ mli, ni otšū mihe ke̱-dše mihe eša le̱ mli!

⁵ Edšake̱ mino̱tõmo̱i le̱, midientše̱ mile, ni mihe eša le̱ ye̱ mihĩe dā. Lal. 32,5.

⁶ Bo okometō mife eša miši, ni mife efõṅ ye̱ ohĩe, *koni oye bem ye̱ owiemo̱ le̱ mli, ni ohe atše ye̱ okodšomo̱ le̱ mli. *Rom. 3,4. 19.

⁷ Na, nõša mli afo̱mi ye̱, ni eša mli minye ṅõmi ho̱ ye̱. Ioh. 3,3.

⁸ Na, ano̱kwale otaoo̱ ye̱ mimli, hewo̱ le̱ hã male nii ye̱ mimligbe̱ tō̃!

⁹ Mihe eša le̱ oke̱ *hisopo adšie, ni mihe atše; dšu mihe †ní maye futā fè snō. *3 Mose 14,6. 7. †Ies. 1,18.

¹⁰ Hã manu nyã́mo̱ ke̱ mīše̱ he, ko-ni wui ni okũmo le̱ amli afliame̱. Lal. 32,3. 4.

¹¹ Tēmo̱ ohĩe ke̱-dše̱ mihe ešai le̱ ano̱, ni ogbe minišaianii le̱ fẽ!

¹² Nyoṅmo̱, bo̱ tšui ní he tše ohãmi, ni ofe mumo̱ ní fĩo̱ ši ehē ye̱ mimli! Ezek. 35,25.

¹³ Kādšiemi ye̱ ohĩe ose̱ ofõ, ni kāṅõ e-Mumo̱ kroṅkroṅ le̱ ke̱-mīdše̱ mimli!

¹⁴ Oke̱ oyiwalaheremo̱ le̱ he nyã́mo̱ le̱ akũ se̱ ahãmi, ni toibō mumo̱ le̱ amõ mimli!

¹⁵ No le̱ matšõ no̱tõlo̱i ogbè̱i le̱, ni ešafelo̱i aakũ ame̱se̱ ke̱-aba oṅõ.

¹⁶ Dšiemo̱mi ke̱-dše̱ lá he fo̱yeli mli, bo Nyoṅmo̱ ní dši miyiwalaheremo̱ Nyoṅmo̱, ni milile̱i aala adšie odšale̱ yi!

¹⁷ Nuṅtšo̱, gblemo̱ minãbu, ni midā adšadše oyidšiemo̱ le̱ atšõ!

¹⁸ Edšake̱ dšee afo̱le otaoo̱, kũle̱ mahã; šã-afo̱le hũ, onáá he tšui. Lal. 40,7; 50,8-13.

¹⁹ Nyoṅmo̱ afo̱lei le̱ dši mumo̱ ni w̌ere̱ aho ehe; tšui ní w̌ere̱ eho ehe ní tſiaä ši ke̱ do̱le̱ le̱, Nyoṅmo̱, okpõṅ! Lal. 34,19.

²⁰ Femo̱ Zion edsũrõ ye̱ odromo̱ nā; tſa Ierusalem gbogboi le̱!

²¹ No le̱ ooná dsale̱-afo̱lei le̱ ahe tšui, šã-afo̱le dšio, afo̱le mū dšio; no le̱ ame̱-ašã tšinahĩĩ ye̱ ofo̱lešãlate̱ le̱ no̱.