Lalai 38 - Ṅmãle̱ Kroṅkroṅ Le̱

¹ David lala ní ake̱-kaio̱le̱.

² Iehowa, kākãmi ye̱ omlifũ mli, ni kāgbla mitoi ye̱ omlila mli!

³ Edšake̱ *ogãimlibii le̱ tše̱ke̱ mimli, ni †onine tšī ye̱ mino̱ naakpa. *Hiob 6,1. †Lal. 32,1.

⁴ Omlifũ le̱ hewo̱ le̱ mihewodšiaṅ edšo̱o̱mi, ni mihe eša le̱ hewo̱ le̱ hewale̱ ko be̱ *miwui amli. *Lal. 51,10.

⁵ Edšake̱ mĩnišaianii le̱ esumi; ame̱-tamo̱ dšatšu tšiṅmō ni tšī fémi. Yāfó 1,14.

⁶ Mifadši le̱ mīdše fũ, ame̱kpo̱to̱ ye̱ mikwašiafemo̱ le̱ hewo̱.

⁷ Mido̱ ko̱mō̱, ní mimã miyi ši naakpa; dāne̱ minyie mo̱bo̱mo̱bo̱.

⁸ Edšake̱ mihe̱ mli fẽ ewo la, ni mihewodšiaṅ edšo̱o̱mi.

⁹ Migbo̱dšo̱ ni mikũmo̱ kwrā; mitšuiṅ hū̃mo̱ hewo̱ le̱ midſa yāfó.

¹⁰ Nuṅtšo̱, noni mi fẽ dſere ohĩe, ni mikē̃mo̱ le̱ aṅō-tēkoö.

¹¹ Mitšui tſaä kplakpla, mihewale̱ mītã, ni mihĩṅme̱iiaṅ ala le̱, no hũ edše mihe.

¹² Misuolo̱ike̱ minanemei le̱ efe̱ amehe ke̱-te se̱ ye̱ mimanehũlũ le̱ hewo̱, ni miwekumei le eyadamo̱ se̱ šoṅṅ. Lal. 31,12. Hiob 19,14.

¹³ Ni mei ni taoo̱ misusuma se̱gbe̱ le̱ tšṍo̱mi tšõnei, ni mei ní taoo̱mi efõṅ le̱ wieo̱ fitemo̱ wiemo̱i, ni ame̱dſẽṅo̱ apasai ahe dāne̱.

¹⁴ Ši mi le̱ mitamo̱ toimũlo̱, ni minuu nii, ni mitamo̱ mũmũi hũ ní gblee edāṅ. Lal. 39,3.

¹⁵ Ni mitšṍ tamo̱ moko ní nuu nii ni sanenādšiemo̱ ko be̱ enā.

¹⁶ Edšake̱ bo, Iehowa, gbe mikwe̱o̱; bo obahã hetō, Nuṅtšo̱, mi-Nyoṅmo̱.

¹⁷ Ši mikē̱ ake̱: Ame̱kayemi yō̱! Ké̱ minane šãne le̱, ame̱atšé̱ ame̱he odšei ye̱ mino̱.

¹⁸ Ši mi le̱ mihe magbe ši, ni miko̱mo̱ le̱ ye̱ mihĩe dā.

¹⁹ Ši madšadše minõša le̱, ni mihe eša le̱ aado̱mi. Lal. 32,5.

²⁰ Ši mihenye̱lo̱i le̱ ke̱ ame̱he efõõ ši, ni ame̱he wa, ni mei ni he tšẽo̱mi yakatſā le̱ ayi fá.

²¹ Ni mei ni ṅõo̱ efõṅ too̱ ekpakpa nādšiaṅ le̱, etšṍmo̱ mihenye̱lo̱i ye̱ ekpakpa se̱ ní minyie le̱ hewo̱. Lal. 35,12.

²² Iehowa, kāšĩmi; mi-Nyoṅmo̱, oke̱-mi teṅ akadšeke̱!

²³ Baye obuami mrãmrã, Nuṅtšo̱, miyiwalaheremo̱!