Lalai 37 - Ṅmãle̱ Kroṅkroṅ Le̱

¹ David lala. Kāwo otšui la ye̱ eſõṅfelo̱i ahe, asaṅ ohĩe akakõ mei ní tšuo̱ nii ní edšaa le̱ ano̱. Abe̱i 21,19.

² Ši eyeṅ be ko ni aaflo̱ame̱ aſie tamo̱ dſe̱i, ni ame̱aaṅãlã tamo̱ bā fo̱.

³ Ṅõ ohĩe ofo Iehowa no̱, ni ofe ekpakpa; *hī šikpoṅ le̱ no̱, ni oye ano̱kwa; *K. 27.29.

⁴ ni omī ase̱ Iehowa he, ni eehao nii ni otšui taoo̱ le̱.

⁵ Gbe̱ ní onyie no̱ le̱, ṅõfõ Iehowa no̱, ni oṅõ ohĩe hũ ofõ eno̱, ni eefe. 1 Pet. 5,7.

⁶ Ni eehã odšale̱ le̱ adše kpo tamo̱ dšetše̱remo̱, ke̱ odšale̱ saneyeli le̱ hũ tamo̱ ſane. Lal. 97,11; 112,4. Hiob 11,17.

⁷ Daṅmo̱ Iehowa diṅṅ, ni oto otšui ši omẽle̱; kāwo otšui la ye̱ moni egbe edša ehãle̱ le̱ hewo̱, ye̱ moni nyẽo̱ eyiṅtōi fõdši le̱ efeo̱ le̱ hewo̱. Lal. 78,5.

⁸ Hã mlifũ se̱ afo ni oše̱ mlila ofõ; kāwo otšui la hũ, efõṅfemo̱ mli ke̱ke̱ eke̱ mo yaä.

⁹ Edšake̱ efõṅfelo̱i le̱, aaflo̱ame̱ aſie; ši mei ní kwe̱o̱ Iehowa gbe̱ le̱, šikpoṅ le̱ *aatšṍ ame̱nõ. *K. 11. 22. 29. 34.

¹⁰ Eſe̱ fiō ke̱ke̱ ní mofõṅ le̱ be̱ doṅṅ, ni ké̱ okwe̱ ešihĩle̱he le̱, ebe̱ dše̱i. K. 35. 36.

¹¹ Ši mei ni he dšo̱ le̱, šikpoṅ le̱ aatšṍ ame̱nõ, ni ame̱mī aaše̱ ame̱he ye̱ hedšo̱le̱ babaō mli. K. 9. Mat. 5,5.

¹² Mofõṅ kpãṅo̱ dšalo̱ yi no̱, ni ekpeo̱ enyãnyõdši ašiši eſieo̱ eno̱;

¹³ ši Nuṅtšo̱ le̱ ṅmõo̱le̱, edšake̱ enaä ake̱ *egbĩ le̱ mīše̱. *Hiob 18,20.

¹⁴ Meifõdši egbla klante ni ame̱do̱ ame̱gãi le̱, ni ame̱ke̱-tšire̱ nõnalo̱ ko̱ ohĩa-fo ame̱tſia ši, ni ame̱ke̱-gbe mei ni dša ye̱ amegbe le̱ no̱ le̱. Lal. 11,2.

¹⁵ Ame̱klante le̱ aagbulo̱ ame̱dientše̱ ame̱tšuiiaṅ, ni ame̱gãii le̱ aakũmo̱.

¹⁶ Nii fiō ní dšalo̱ yo̱ le̱ hī fè meifõdši pī anii ní ame̱ná eteke no̱ le̱. Abe̱i 15,16.

¹⁷ Edšake̱ meifõdši anidši aakũmo̱; ši dšalo̱i le̱, Iehowa hĩeo̱ ame̱mli.

¹⁸ Iehowa le mei ní kpa ko be̱ ame̱-he le̱ agbĩĩ, ni ame̱gbošinii le̱ aahī ši ke̱-ate nāno̱.

¹⁹ Ame̱hĩe gboiṅ ye̱ be fõṅ mli, ni hõmo̱gbĩĩ amli le̱ ame̱atō̱ro̱. Lal. 33,19.

²⁰ Ši meifõdši le̱ ahĩe aakpãtã, ni Iehowa henye̱lo̱i le̱ aatamo̱ dſe̱iaṅ fo̱fo̱i, ame̱atã tamo̱ lasũ tãa. Lal. 68,5.

²¹ Mofõṅ faä nii ni ewoo nyõmo̱; ši dšalo̱ naä mo̱bo̱ ni ehãa mo nõ.

²² Edšake̱ mei ní edsō̱ le̱, šikpoṅ le̱ aatšṍ ame̱nõ; ši mei ni elomo̱ le̱, aaflo̱ame̱ aſie. K. 9.

²³ Iehowa hãa gbomo nane mãa ši šiṅṅ, ni enaa egbe̱ le̱ be mīše̱.

²⁴ Ké̱ egbē ši tete le̱, ekãṅ ši kwrā, edšake̱ Iehowa hĩe enine mli. Abe̱i 24,16.

²⁵ Sá le̱ gbekẽ dšimi ni agbe̱ne̱ mitšṍ nūmo, ši mináko dšalo̱ ko ní akwale̱ lo ní esešibii mīsisẽ abolo pẽṅ. Lal. 34,10. 11.

²⁶ Dāne̱ enaä mo̱bo̱ ni efaä mo nõ, ni esešibii le̱ tšṍo̱ dšō̱mo̱.

²⁷ W̌ī efõṅ ni ofe ekpakpa, ni ohĩ ši ke̱-ya nāno̱. Lal. 31,15.

²⁸ Edšake̱ Iehowa sumoo̱ dšale̱ saneyeli, ni ekwaa emei kroṅkroṅi le̱. Abaa ame̱yi ke̱-yaã nāno̱; ši meifõdši asešibii le̱ aaflo̱ame̱ aſie. Lal. 11,7.

²⁹ Dšalo̱i le̱, šikpoṅ le̱ aatšṍ ame̱nõ ni ame̱ahĩ no̱ dä. Ies. 60,21.

³⁰ Dšalo̱ nābu wieo̱ nilē wiemo̱, ni elile̱i hũ wieo̱ noni dša.

³¹ E-Nyoṅmo̱ le̱ mla le̱ ye̱ etšui mli; enãdšifãmo̱i le̱ eko eko šãneṅ. Lal. 40,9.

³² Mofõṅ hĩe sãṅo̱ dšalo̱ ni etaoo̱le̱ egbe. Lal. 10,6-10.

³³ Iehowa eṅmē̃ṅ ehe ewoṅ edeṅ, ni ké̱ akodšole̱ le̱, ebuṅle̱ fo̱. Lal. 54,23.

³⁴ Kwe̱mo̱ Iehowa gbe̱ ni onyie egbe le̱ no̱, ni eewó ono̱, koni šikpoṅ le̱ atšṍ onõ; beni aaflo̱ meifõdši le̱, oona. K. 9.

³⁵ Mina mofõṅ yiwalo̱ ko, ni ebú tamo̱ tšo kusū ni ená mā̃he; Hiob 5,3-5; 20,6. 7. Ezek. 31,3-14

³⁶ ši beni miyatšṍ dše̱i le̱, na, ebe̱; mibi eši, ši anaale̱. K. 10.

³⁷ Sramo̱ moni hĩ ke̱-wula ši, ni okwe̱ moni dša le̱; edšake̱ nakai gbomo le̱, aahĩ ahãle̱ wó̱se̱. 1 Mose 39,8. 9

³⁸ Ši notõloi le̱, aakpãtã ame̱hĩe šikōme; meifõdši awó̱se̱be le̱ se̱ aafo.

³⁹ Ši dšalo̱i le̱ ayiwalaheremo̱ le̱ dše̱ Iehowa ṅõ; le̱ dši ame̱mō̃ ye̱ fĩmo̱ be mli. Lal. 46,2.

⁴⁰ Ni Iehowa yeo̱ buaä-ame̱ ni edšieo̱ame̱; edšieo̱ame̱ ye̱ meifõdši adeṅ ni ehereo̱ ame̱yi wala; edšake̱ ame̱yabale̱ abo. Luk. 18,8.