Lalai 34 - Ṅmãle̱ Kroṅkroṅ Le̱

¹ David lala, beni *ekwa eye se̱ke̱ ye̱ Abimelek hĩe, ni no ſiele̱, ni eyiṅ ete le̱. *1 Sam. 21,14-16.

² Madšie Iehowa yi dāne̱, eyidšiemo̱ aakã midāṅ befẽbe.

³ Misusuma aaſã afõ Iehowa no̱; amanehũlũnalo̱i aanu he ni ame̱mī aaše̱ ame̱he.

⁴ Nyeke̱mi akafoa Iehowa dale̱ le̱, ni nyehãa wo̱fẽ wo̱wóa egbe̱i le̱ no̱!

⁵ Mitao Iehowa se̱gbe̱ ni eheremi no̱, ni edšiemi ke̱-dše̱ migbeyeišemo̱i fẽ mli.

⁶ Mei ni ṅõo̱ ame̱hĩe ame̱fõo̱ eno̱ le̱ ame̱he tšeo̱ame̱, ni ame̱hĩe eſieṅ ši gbĩkogbĩko.

⁷ Nõnalo̱ ne̱ blo̱ ni Iehowa bo toi, ni eherele̱ ke̱-dše̱ efīmo̱i fẽ mli.

⁸ Iehowa bo̱fo le̱ bo̱ō̱ nsra ye̱ mei ni šeo̱le̱ gbeyei le̱ ahe ke̱-kpeo̱, ni edšieo̱-ame̱. 1 Mose 32.2. Lal. 91,11.

⁹ *Nyesaã nyenā nyekwe̱a, ni nyeana ake̱ Iehowa hi; adšō̱ gbomo ní baäle̱ abo le̱. *1 Pet. 2,5.

¹⁰ Nyešea Iehowa gbeyei, nye mei ní nyedši emei kroṅkroṅi le̱! Edšake̱ mei ni *šeo̱le̱ gbeyei le̱, nokonoko fĩṅame̱. *Lal. 37,19.

¹¹ Efĩo̱ dšatabii ni hõmo̱ yeo̱ame̱; ši mei ní taoo̱ Iehowa se̱gbe̱ le̱, nõkpakpa ko ehĩaṅame̱. Lal. 33,18. 19; 87,25. Luk. 1,53.

¹² Mibii, nyebaä nyeboami toi; miba-tšõnye Iehowa gbeyeišemo̱!

¹³ *Namo taoo̱ ake̱ eyi aná wala ni esumoo̱ ake̱ etše̱ ye̱ dšeṅ ní ena nõ-kpakpa? *1 Pet. 3,10-12.

¹⁴ Mõ olile̱i mli ní ekafe efõṅ, ke̱ onābui hũ ní ekawie apasawiemo̱!

¹⁵ W̌ī efõṅ, ni ofe ekpakpa, taomo̱ hedšo̱le̱ ni onyie no se̱! Lal. 37,27.

¹⁶ Edšake̱ Iehowa hīṅme̱i kã dšalo̱i ahe, ni efeo̱ toi ehãa ame̱blo̱mo̱i le̱.

¹⁷ Efõṅfelo̱i le̱ Iehowa dšieo̱ ehīe ekáa-ame̱, ní efo *ame̱kaimo̱ se̱ ke̱-dše̱ šikpoṅ le̱ no̱. *Abe̱i 10,7.

¹⁸ Dšalo̱i le̱ blo̱ö̱, ni Iehowa boo̱ toi ni ehereo̱ame̱ ke̱-dše̱o̱ ame̱ſĩmo̱i fẽ mli.

¹⁹ Iehowa be̱ṅke̱o̱ mei ní tšuii ekũmo̱ le̱, ni ehereo̱ mei ni mumo̱ tſiaä ši ke̱ do̱le̱ le̱. Lal. 51,19.

²⁰ Dšalo̱ amanehũlũi fáa babaō, ši Iehowa dšieo̱le̱ ke̱-dše̱o̱ fẽ mli. 2 Kor. 1,5.

²¹ Ebāa ewui fẽ yi, ame̱teṅ ekomeflo ekũũ.

²² Efõṅ aagbe efõṅfelo̱, ni mei ní nye̱o̱ dšalo̱ le̱ aabuame̱ fo̱.

²³ Iehowa kpõo̱ etšũdši asusuma, ni mei ni baäle̱ abo le̱, abuṅ ame̱teṅ mokomoko fo̱.