Lalai 28 - Ṅmãle̱ Kroṅkroṅ Le̱

¹ David lala. Iehowa, bo miblo̱ō̱ mitšé̱o̱; mite̱sā, kāmũa onā owomi! Edšake̱ ké̱ omũa onā owomi le̱, matamo̱ mei ní kplekeo̱ ši ke̱-yaã lādšemo̱bu le̱ mli le̱. Lai. 143,7.

² Ké̱ miblo̱ mitšé̱o ní mihole minidši ano̱ mitšõ ošihĩle̱he kroṅkroṅ le̱, bo mifaikpamo̱ gbē le̱ toi! 1 Maṅ. 8,30. Yāfó 3,41.

³ Kālōmi ke̱ meifõdši le̱ oſie, ke̱ mei ní tšuo̱ nišaianii ni ke̱ ame̱nanemei wieo̱ hedšo̱le̱ wiemo̱i, ni kẽle̱ efõṅ yo̱ ame̱tšuii amli le̱. Lal. 26,9.

⁴ Woame̱ nyõmo̱ ye̱ amenifemo̱nii ke̱ ame̱nitšumo̱i fõdši le̱ anā: woame̱ nyõmo̱ ye̱ ame̱nidši anā nitšumo̱i le̱ anā; toame̱ nādšiaṅ bo̱ni saame̱!

⁵ Edšake̱ *ame̱yoo Iehowa nifemo̱nii ke̱ enidši anā nitšumo̱i le̱ ase̱; eekũmo̱-ame̱ eſĩe ši, ni emãṅame̱. *Ies. 5,12.

⁶ Aadšie Iehowa yi, edšake̱ ebo mifaikpamo̱ gbē le̱ toi!

⁷ Iehowa dši mihewale̱ ke̱ mitše̱ṅ; mike̱ mitšui fõ eno̱, ni eye ebuami; nohewo le̱ miná tšuidšũrõ ni mike̱ milala aadšie eyi! Lal. 18,2. 3.

⁸ Iehowa dši ame̱hewale̱ le̱, ni le̱ dši moni efo̱le̱ mũ le̱ yiwalaheremo̱ mō̃.

⁹ Heremo̱ omaṅ le̱ yiwala, ni *odšō̱ ogbe̱fāṅnõ le̱, lè̱ame̱ ni ohīeame̱ ke̱-ya nāno̱! *Lal. 29,11.