Lalai 27 - Ṅmãle̱ Kroṅkroṅ Le̱

¹ David lala. Iehowa dši mila ke̱ miyiwalaheremo̱; namo po gbeyei maše? Iehowa dši miwala hewale̱; namo hĩe po ni mihe aakpokpo ye̱? Lal. 56,5. Ies. 12,3.

² Kē̱ efõṅfelo̱i ni dši mihaolo̱i ke̱ mihenye̱lo̱i le̱ ba ame̱batuami, koni ame̱ye *milō le̱, ame̱atĕre̱ ni ame̱agbegbē ši! *Hiob 19,22.

³ Ke̱dši *ta ko aagbá ta awomi le̱, mitšui efãṅ; ké̱ ta te ši womi tete le̱, no mli po le̱ maná ekã. *Lal. 8,7.

⁴ Nõkōme mibio̱ ye̱ Iehowa deṅ, no se̱gbe̱ mitaoo: ake̱ *mahĩ ši ye̱ Iehowa we le̱ miwala gbĩĩ abo̱ fẽ, ni mana Iehowa mlihīle̱ le̱, ni makwe̱ eso̱lemo̱we le̱. *Lal. 23,6; 26,6-8; 42,5; 88,3; 84,4. 6.

⁵ Edšake̱ fīmo̱ gbĩ no̱ le̱ *eṅõmi eho̱ ebu le̱ mli; eṅõmi etē ebŭ le̱ṅ tēmo̱he le̱, †ewómi edamo tesā no̱. *Lal. 31,21. †40,3.

⁶ Ni agbe̱ne̱ eewó miyitšo no̱ ke̱-teke mihenye̱lo̱i ní ebo̱lemi le̱, ni mašã yidšiemo̱-afo̱le ye̱ ebū le̱ mli, mala ni matſa saṅkũ mahã Iehowa.

⁷ Iehowa, bo miblo̱mo̱ gbē le̱ toi! Nami mo̱bo̱, ni oheremi no̱!

⁸ *Owiemo̱ ní mitšui susuo̱ he ne̱: “Nyetaoa mihĩe gbe̱!” Iehowa, ohĩe gbe̱ le̱ mitaoo̱ ne̱! *5 Mose 4,29.

⁹ Kāṅõ ohĩe otẽmi, kāſie otšũlo̱ ye̱ mliſũ mli! Miyeli-ke̱-buamo̱ dšio; kāše̱mi ofõ, ni kākwami, miyiwalaheremo̱ Nyoṅmo̱!

¹⁰ Ši mitše̱ ke̱ minye ešĩmi moṅ, ši Iehowa hereo̱mi atū. Ies. 49,15.

¹¹ Iehowa, tšõmo̱mi ogbe le̱, ni okplami ke̱-tšṍ tempõṅ ní kã ši faṅṅ no̱ ye̱ mei ni woo̱mi ka le̱ ahewo̱. Lal. 25,4; 83,11; 139,34.

¹² Kāṅõmi ohã tamo̱ bo̱ni mihaolo̱i le̱ taoo̱ le̱; edšake̱ amale-odasefoi ete ši ewomi, ame̱mīmũ yiwale̱ po!

¹³ Ši kẽle̱ mihe miye ake̱ mana Iehowa mlihĩle̱ le̱ ye̱ *hīekãlo̱i ašikpoṅ le̱ no̱! *Lal. 142,6. Ies. 38,11.

¹⁴ Kwe̱mo̱ Iehowa gbe̱! Wadšemo̱ ohe ni oná tšui, ni okwe̱ Iehowa gbe̱! Lal. 31,25.