Lalai 17 - Ṅmãle̱ Kroṅkroṅ Le̱

¹ David so̱lemo̱. Iehowa, bo noni dša toi! To otoi ohã miblo̱mo̱ le̱! Femo̱ toi ohã miso̱lemo̱ ni dše̱e̱ apasa nābu mli le̱!

² Hã ní mikodšomo̱ adše̱ ohĩe aba; ohĩṅme̱ii akwe̱ noni dša! Lal. 48,1.

³ *Okaä mitsui okwe̱o̱, otaoo̱ mimli nyōṅ, otšūo̱ mihe, onaa noko. Mito mi-yiṅ ake̱ mihāṅ minä ato. *Lal. 16,7; 139,1.

⁴ Gbomei anitšumo̱i agbe̱fãṅ le̱, mitšṍo̱ odāṅ wiemo le̱ no̱ ni mitoo̱ mihe ke̱-dše̱o̱ yiwalo̱i agbè̱i le̱ ano̱.

⁵ Minãdšifãmo̱i le̱ emõ ši šiṅṅ ye̱ ogbè̱i le̱ ano̱; minādši šãneko!

⁶ Mibo mitšé̱o, edšake̱ ooheremi no̱, Mawu; ba otoi ši ohãmi, ni obo miwiemo̱ le̱ toi!

⁷ Dšiemo̱ *onākpe̱ mlihĩle̱ le̱ kpo, bo, moni oke̱ oninedšũrõ hereo̱ mei ní baäo abo le̱ ayiwala ke̱-dše̱o̱ mei ní teo̱ ši woo̱ame̱ le̱ adeṅ le̱! *Lal. 4,4.

⁸ Bāmo̱ miyi *tamo̱ hĩṅme̱i mli adšaṅmalāte̱, oke̱mi atē ofĩdši ašiši hō̃ṅ le̱ mli, *5 Mose 32,10.

⁹ ke̱-dše̱ meifõdši ni waãmi yi, mi-henye̱lo̱i ní ebo̱leo̱mi ke̱-kpe le̱ adeṅ.

¹⁰ Ame̱wadse ame̱tsui ní ewo fo̱ le̱, ame̱ke̱ ame̱nābui wieo̱ hewō wiemoi.

¹¹ Agbe̱ne̱ ame̱fo sá ame̱wo wo̱nādši-fãmo̱i le̱ ahe kpūla; ame̱dšie ame̱hĩe ame̱klawo̱, koni ame̱tšire̱wo̱ ame̱tſia šikpoṅ,

¹² tamo̱ dšata ní hĩe edo̱ ye̱ eniyenii ahewo̱, ke̱ dšatabi ní ewo ante̱o ye̱ nifĩfĩaṅ. Lal. 10,9.

¹³ Iehowa, wó ohe no̱, ni okũ enā ni otšile̱ ogbe ši! Oke̱ oklante adšie misusuma ke̱-dše̱ mofõṅ le̱ deṅ!

¹⁴ Iehowa, oke̱ onine adšiemi ke̱-dše̱ gbomei adeṅ ke̱-dše̱ dše ne̱ṅ gbomei ni náa ame̱gbe̱fãṅnõ ye̱ walabe ne̱ mli, ni oke̱ onii kpakpai le̱ ewo *ame̱mũsũ obõ, ní ame̱bii fá hãame̱, ní ame̱šĩo̱ ame̱nii ni eſe̱ le amehãa ame̱bii bibii le̱ adeṅ. *Luk. 16,25. Fil. 3.19.

¹⁵ Mi le̱, mana ohĩe ye̱ dšale̱ mli; beni mihĩe aatšẽ le̱, mato ke̱ osubāṅ le̱!