Lalai 145 - Ṅmãle̱ Kroṅkroṅ Le̱

¹ David yidšiemo̱ lala. Makafoö, mi-Nyoṅmo̱, maṅtše̱, ni madšie ogbe̱i le̱ yi dā ke̱-ate nāno̱!

² Madšie oyi gbĩ-fẽ-gbĩ ni mala madšie ogbe̱i le̱ yi dā ke̱-ate nāno̱!

³ Iehowa da ni esa yidšiemo̱ babaō, ni edale̱ le̱ anyẽẽ šiši ana!

⁴ Yino̱ kome aakafo onitšumo̱i le̱ atšõ yino̱ kroko, ni ame̱adšadše ohewale̱ ni-tšumo̱i le̱ ame̱atšõ.

⁵ Madſẽṅ onumnyam le̱ dale̱ ke̱ agbodšē ke̱ onākpe̱ nitšumo̱i le̱ ahe.

⁶ Ni mei aagba onitšumo̱i ní yo̱ gbeyei le̱ ahewale̱ le̱ he sane, ní madšadše odale̱ le̱ matšõ.

⁷ Ame̱awie omlihĩle̱ kpeteṅkple le̱ kaimo̱ le̱ be, ame̱ala odšale̱ le̱ he lala.

⁸ Drolo̱ ke̱ mo̱bo̱nale̱ dši Iehowa, emli fũũ mrã ni emo̱bo̱nale̱ fá. 3 Mose 34,6.

⁹ Iehowa hĩ hã mei fẽ, ni emũsũṅ tšõo̱le̱ ye̱ enitšumo̱i le̱ fẽ he. Rom. 11,32.

¹⁰ Iehowa, onitšumo̱i le̱ fẽ aadao ši, ni omei kroṅkroṅi le̱ aadšie oyi!

¹¹ Ame̱awie omaṅtše̱yeli le̱ anumnyam le̱ he, ni ame̱agba ohewale̱ le̱ he sane,

¹² koni ame̱hã gbomei abii ale ehewale̱ nitšumo̱i le̱, ke̱ emaṅtše̱yeli le̱ nyam ke̱ agbodšē le̱. K. 6.

¹³ Omaṅtše̱yeli le̱, nāno̱ maṅtše̱yeli ni, ni olumoyeli le̱ hĩo̱ ši ke̱-yaã yino̱i fẽ no̱.

¹⁴ Iehowa so̱oo̱ mei fẽ ní gbēo̱ ši le̱, ni *eholeo mei fẽ ni edro̱ ko̱mō̱ le̱ ano̱. *Lal. 146,8. Luk. 1,52.

¹⁵ Bo gbe̱ hīṅme̱ii fẽ kwe̱o̱, ni bo ohāa-ame̱ ame̱niyenii ye̱ be ni sa mli. Lal. 104,27. 28; 136,25.

¹⁶ Ogbe̱o̱ odeṅ ni ohãa nofẽno ni hĩe kã to̱ö̱ ke̱ nii ní etaoo.

¹⁷ Iehowa *dša ye̱ egbè̱i fiā mli, ni drolo̱ dšile̱ ye̱ enitšumo̱i fiā mli. *5 Mose 32,4.

¹⁸ Iehowa ebe̱ṅke̱o̱ mei fẽ ní tšé̱o̱le̱ le̱, mei fẽ ní tšé̱o̱le̱ ye̱ ano̱kwale mli le̱.

¹⁹ Mei ní šeo̱le̱ gbeyei le̱, efeo̱ noni ame̱taoo̱ ehãa-ame̱, eboo ame̱blo̱mo̱ toi, ni ehereo̱ ame̱yiwala. Abe̱i 10,24.

²⁰ Iehowa bāa mei fẽ ní sumoe̱le̱ le̱ ayi; ši meifõdši le̱, eekpãtãa ame̱fẽ ame̱hĩe.

²¹ Minābu aagba Iehowa yidšiemo̱, ni helo fē aadšie egbe̱i kroṅkroṅ le̱ yi dā ke̱-ate nāne̱!